اڭگىمە: «اقشامەن ايىرباستالعان ماحاببات» 1-ءبولىم - كەرۋەن تورابى

اڭگىمە: «اقشامەن ايىرباستالعان ماحاببات» 1-ءبولىم

بۇگىن تاڭ اتقانشا ەرالى تۇسىندە ايالانى كورىپ، تاڭعا جۋىق ايالا دەپ قاتتى ايعايلاپ شوشىپ وياندى، ول ارادا سەگىز جىل وتسەدە ءوزىن ءار ءسات تۇسىنە كىرىپ مازالاعان ايالانى ءبىر كۇن ويلاماي تۇرعان ەمەس، بىردە ىشتەي باقىت تىلەسە، بىردە ىشىندە كەك قاينايدى. الايدا جانەدە جاماندىققا قايدان قيسىن، جۇرەك قۇرعىر، تاعات تاپپاي سونى ىزدەپ سوققانىن وزىدە سەزەتىن، ول جانىندا ءتاتتى ۇيقىنىڭ شىرىنىمەن جاتقان جۇبايىنا قاراپ اۋىر ءبىر كۇرسىندى دە، تەمەكى تارتۋعا بالكونعا باردى.

ءيا، ارادا سەگىز جىل ءوتتى، سەگىز جىلدىڭ الدىنداعى ايالامەن وتكەن باقىتتى ساتتەرىن كينو لەنتاسىنداي كوز الدىنان وتكىزگەن ەرالى اۋىر ويعا شومدى.

-ايالا، ماعان ومىرلىك بولاسىڭ با؟

-مەن سەنىڭ ومىرلىگىڭ بولامىن.

-مەن ءومىر بويى سەنى الاقانىما سالىپ ايالاپ، كوزىڭنەن تامىشى جاس شىعارماي، قىزعىشتاي قورعاپ وتەم، ءبىز ۇيلەنەمىز، مەن ساعان باقىتتى سەميا سيلايمىن، تاتەڭدى دە قولىمىزدا كۇتىپ، ءبىر ءومىر ساعان باقىت باعىشتايمىن دەدى ەرالى قۋانىشىن جاسىرا الماي.

ەرالىنىڭ وسى بەرگەن ۋادەلەرى ايالانى تەرەڭ ويلاندىردى، ءوز ءومىرىن وسى ەرالىنىڭ  قولىنا تابىستاۋى دۇرىس شەشىم بە؟! الايدا ايالانىڭ وسىناۋ سۇراق تولى كوكىرەگىندەگى تەرەڭ ويدى سەزگەن ەرالى جوق، قۋانىشتان جۇرەگى جارلىپ كەتە جازداپ تۇر.

ارادا نەشە جىل ءوتتى، ءبىراق ەرالىنىڭ ايالاعا دەگەن جۇرەگى ەشقاشان وزگەرگەن ەمەس، تەك ەكەۋىنىڭ اراسىنداعى سىزات وزگە ەمەس، دوستار اراسىنداعى سىبىر كۇبىر وسەكتەر بولدى، ەڭ باستىسى سول ايالاعا جانى اشىعان جانداي بولعان بىرەۋلەردىڭ، ەرالىنى نە قىلاسىڭ، وداندا جاقسى جىگىت جولىعادى ساعان، ول ءبىر سوزىندە تۇراق جوق، ويىنپوز،  قۇمار ويناپ كوپ قارىزعا جىعىلىپ، اتا- اناسى قارىزىن قايتارىپ بولا الماي جاتىپتى، ءبىر ءومىرىڭدى وعان تابىستاپ، قالعان ءومىرىڭدى الاڭمەن وتكىزەسىڭ بە،  دوسىم بولساڭ ەرالىدان تەزدەن ىرگەڭدى اۋلاققا سال، ايتپەسە مەنى دوسىم دەپ تانىما، ونداي اتاعى شىققان ءبىر كوشە سودىرىمەن جۇرگەنىڭدى كورگىم كەلمەيدى- دەگەن ءزىلدى دە بۇيرىقپەن ايتىلعان دوسءسوزى،  تەز ارادا اپەكەسى مەن اناسىنىڭ قۇلاعىنادا جەتىپ ۇلگىرگەن ەدى. انا ەمەسپە بالاپانىن قىزعىشتاي قورعاعان انا اياعىنا جىعىلىپ وسىدان ءبىر جولاتا قۇتىلۋدى ەكى دۇنيەدە تىلەيمىن دەپ ءوتىندى، ەرالى ءوزىن اقتاۋ ءۇشىن ءومىرىن قيسادا ايالا اناسىنىڭ اق سۇتىننەن اتتاپ كەتە المادى، دوستارىنىڭ بوتەن قاباعىنان قورىقتى، سونىمەن تاسباۋىرلىقپەن ەرالىدان بويىن اۋلاققا سالا باستادى، ەرالى ءوزىن قانشاما كۇن ءتۇسىندىرىپ، سارپالداڭ بولدى، سونىڭ كۇيىگىنەن كۇندى تۇنگە جالعاپ اراق ءىشىپ كۇيگىن باستى، الايدا ايالانىڭ قۇلاعىنا ەرالىنىڭ جۇرەك دەرتى باسقاشا جەتىپ جاتتى، ەرالى انا ايەلمەن اراق ءىشىپ ءجۇر ەكەن، مىنا قىزعا سويلەسىپتى دەگەن وتىركتەر قارشا بورادى، ەرالى ءوزىن قانشا تۇسىندىرسەدە ايالا مۇلدەم سەنبەدى، ايالانىڭ وزىنەن سۋىنعان سۇستى جانارىنان مۇلدەم تۇڭىلگەن ەرالى اقىرى امالىسز باقىت تىلەپ، ايىرىلسۋ تالابىن قويىپ ارتىنا قايىرىلماي كەتە باردى. ارينە ەڭ سوڭعى رەت جۇزدەسسەدە ايالاعا قيماي- قيماي قاراپ، باسىنا شىن جۇرەكپەن باق تىلەدى، ال تاسادا كوز دەگەن ماقساتتارىنا جەتكەن دۇشپاندارىنىڭ ءماز بوپ كۇلىپ تۇرعانىن بىلگەن پەندە جوق…

ەلدىڭ سوزىنە ەرىپ ءوز باقىتىن ءوز قولىمەن قۇلاتقان ايالا ءتاڭىر قوسپادى دەگەن جەلەۋمەن ءوز جونىنە كەتە باردى، ءبىراق بارلىق باقىتىنىڭ ەرالىنىڭ قيماي ۇزىلگەن تامشى جاستارىمەن بىرگە كەتكەنىن مۇلدەم سەزىنگەندە جوق.

 

جالعاسى كەلەر ساندا، نازارلارىڭىز تەكشەمىزدە بولسىن

قاينار: كەرۋەن تورابى | رەداكتور: اراي | كورىلىم : 131 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز