عالىمدار جەردەگى ءومىر قاشان اياقتالاتىنىن انىقتادى - كەرۋەن تورابى

عالىمدار جەردەگى ءومىر قاشان اياقتالاتىنىن انىقتادى

جاپونياداعى تاحو ۋنيۆەرسيتەتىنىڭ عالىمدارىNASA مەن بىرگە جەردەگى تىرشىلىكتىڭ قاشان اياقتالاتىنىن ەسەپتەدى.

كۇن بەلسەندىلىگىنىڭ ناتيجەسىندە ءبىزدىڭ پلانەتامىز 1000002021 جىلعا دەيىن ءومىر سۇرۋگە جارامدى. مۇنداي قورىتىندى كۇن بەلسەندىلىگىنىڭ وزگەرۋ جىلدامدىعى مەن جەر تەمپەراتۋراسى تۋرالى مالىمەتتەر نەگىزىندە جاسالدى.

ادامزات باسقا عالامشارلاردا ءومىر سۇرە الا ما؟

«ءبىز جەردىڭ تاعى 1 ميلليارد جىل ىشىندە وتتەگىسىز قالماۋى ءۇشىن ەشقانداي شارا قولدانا الماي وتىرمىز»،- دەلىنگەن عالىمداردىڭ مالىمدەمەسىندە.

تاعى ءبىر ميلليارد جىلدان كەيىن ءبىزدىڭ پلانەتادا تەك كەيبىر باكتەريالار قالادى. قارتايعان كۇننىڭ بەلسەندىلىگى سالدارىنان قارقىندى ساۋلە بارلىق تىرشىلىك يەلەرىن جويىپ جىبەرەدى. كۇننىڭ كۇشتى ساۋلەلەرى وتتەگىن كۇيدىرەتىندىكتەن، ونىڭ مولشەرى ايتارلىقتاي ازايادى، دەيدى عالىمدار.

جەردە اقىرزامان بولاتىنىنا الەمنىڭ ەڭ باي ادامدارى دجەف بەزوس پەن يلون ماسك تا سەنەدى. ولار وسى جولدا ءبىرى ايدى ەكىنشىسى مارستى يگەرۋدى قولعا الىپ جاتىر.

«ءبىز جەر بەتىنەن كەتەمىز، كەتۋگە ماجبۇرمىز. قالعىسى كەلگەندەر قالا بەرسىن. ميلليونداعان ادام ايدا جۇمىس ىستەپ، جەر بەتىندەگى اۋىر ونەركاسىپتىك نىسانداردى سول جاققا كوشىرۋگە بولادى. بۇل جەر بەتىندەگى تىم اسقاق قاجەتتىلىكتەردى وتەۋدىڭ بىردەن-ءبىر جولى»،– دەگەن ەدى بەزوس.

ال جاڭا يدەيالاردى جۇزەگە اسىرۋدان شارشامايتىن يلون: «100 جىل ىشىندە مارس بەتىن جەر سياقتى سۋى مول، اۋاسى ساف پلانەتا ەتەمىن» دەپ ايدى اسپانعا ءبىر-اق شىعارعان ەدى. ءبىز بۇل تۋرالى «ماسكتىڭ مارسقا قاتىستى 100 جىلدىق جوسپارى» اتتى كولەمدى ماقالامىزدا ايتقان ەدىك.

ونىڭ ويىنشا، كەزى كەلىپ ادامدار جەر شارىن تاستاپ كەتەدى. سول كەزدە ادامزاتتىڭ جاڭا مەكەنى مارس سياقتى عالامشارلار بولماق ەكەن.

سونىمەن، 2024- جىلى امەريكالىق كاسىپكەر يلون ماسك العاش رەت ادامداردى مارسقا جىبەرۋدى جوسپارلاپ وتىر. ولار قىزىل پلانەتانى زەرتتەپ قانا قويماي، جەردەن تىس پايدالى رەسۋرستاردى بەلسەندى ىزدەۋمەن دە اينالىسادى.

ءبىز باسقا عالامشارلاردا ءومىر سۇرە الامىز با؟

قاينار: قازاقىستان تورابى | رەداكتور: اراي | كورىلىم : 64 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز