باس اۋرۋدىڭ تۇرلەرى جانە ەمدەۋ جولى - كەرۋەن تورابى

باس اۋرۋدىڭ تۇرلەرى جانە ەمدەۋ جولى

باس اۋرۋى– ءار ءتۇرلى سەبەپتەردەن بولاتىن اۋىرسىنۋ سەزىمى. كوبىنە قان اينالۋ جۇيەسىنىڭ قىزمەتى بۇزىلعاندا ميعا قان ءبىر كەلكى كەلمەيدى. وسىنىڭ اسەرىنەن سىرقىراپ، سولقىلداپ اۋىرادى. گارۆارد مەديتسينا مەكتەبى عالىمدارىنىڭ زەرتتەۋى بويىنشا، باس اۋرۋىنىڭ 300 ءتۇرى بار. بۇگىن سايتىمىز باس اۋىرۋدىڭ تۇرلەرى جانە ەمدەۋ جولىن نازارىڭىزعا ۇسىنادى.

باس اۋرۋدىڭ تۇرلەرى

عالىمدار باس اۋرۋىن ەكى نەگىزگى كاتەگورياعا بولەدى. ولار:

ءبىرىنشى دەڭگەيلى. مۇنداي اۋرۋلار قانداي دا ءبىر سىرقاتتىڭ سەبەبىنەن تۋىندامايدى. بۇعان ىشكى فاكتورلار مەن ميدىڭ كەي بولىگىندەگى بەلسەندىلىك اسەر ەتۋى مۇمكىن. مۇنداي باس اۋرۋلاردىڭ اسا قاتەرى جوق.

ەكىنشى دەڭگەيلى. بۇل اۋرۋلار بەلگىلى سىرقاتتىڭ نەمەسە ورگانيزمدەگى پروتسەستىڭ سيمپتومى بولۋى مۇمكىن. ەكىنشى دەڭگەيدەگى باس اۋرۋى ادامعا قاتەر تۋدىرۋى ىقتيمال.

ءبىرىنشى دەڭگەيلى باس اۋرۋى

جۇيەلى باس اۋرۋى

باس اۋرۋلارىنىڭ ىشىندەگى كەڭ تارالعان ءتۇرى. ول باستىڭ ەكى جاعىن دا قامتيدى. كەيدە اۋرۋ سەزىمى مويىن جانە ارقا بولىگىنە دە بەرىلۋى مۇمكىن. ادەتتە ءبىر ورىندا قوزعالماي جۇمىس ىستەۋ جانە ەموتسيالىق كۇيزەلىس سەبەبىنەن تۋىندايدى.

جۇيەلى باس اۋرۋى 20 مينۋتتان بىرنەشە ساعاتقا دەيىن سوزىلۋى مۇمكىن. ودان ارىلۋ ءۇشىن اسپيرين، پاراتسەتامول، يبۋپروفەن سىندى اۋرۋدى باساتىن دارىلەردى ىشۋگە بولادى.

ميگرەن

ميگرەن ەرلەرگە قارعاندا ايەلدەردە 3 ەسەگە ءجيى كەزدەسەدى. ول باستىڭ ءبىر بولىگىنەن باستاۋ الىپ، كوز جانە شەكە ايماعىن، ودان كەيىن جەلكەگە اۋىسادى. اۋرۋ سەزىمى قاتتى دىبىستان جانە جارىقتىڭ اسەرىنەن كۇشەيە ءتۇسۋى مۇمكىن. كەيدە بەتتىڭ ءبىر جاعى مەن قولىڭىز شانشىپ، سويلەۋ قيىندايدى.

ميگرەن كەزىندە بولاتىن اۋرا ءينسۋلتتىڭ بەلگىلەرىنە ۇقساس. ەگەر مۇنداي جاعداي ءبىرىنشى رەت ورىن السا، جەدەل جاردەم شاقىرعان ءجون. قوسىمشا بەلگىلەرى بولماسا، اۋرۋ باسۋعا ارنالعان دارىلەردى ءىشىڭىز.

كلاستەرلى باس اۋرۋى

ءبىرىنشى دەڭگەيلى اۋرۋدىڭ ىشىندەگى كەڭ تارالعانى. مۇنىمەن ايەلدەرگە قاراعاندا ەرلەر 5 ەسەگە ءجيى اۋىرادى. ءبىر كۇندە سەگىز رەت جانە جىلىنا 1-3 اي كولەمىندە اۋرۋى مۇمكىن. ادەتتە كوكتەم جانە كۇز ايلارىندا كوبىرەك بايقالادى.

اۋرۋ، كوبىنەسە، باستىڭ ءبىر جاعىن عانا، كوزدىڭ ارتقى تۇسىن قامتيدى. كەيدە كوز جاساۋراپ، مۇرىن ءبىتىپ، جۇرەك اينۋى مۇمكىن. بۇل كەزدە اۋرۋدى باساتىن دارىلەر كومەكتەسپەيدى. وتتەگى تەراپياسى (ءجيى تىنىستاۋ، تەرەڭ دەمالۋ) ارقىلى اۋرۋدى باسۋعا بولادى.

ەكىنشى دەڭگەيلى باس اۋرۋ تۇرلەرى

مۇرىن قۋىسىنداعى باس اۋرۋى

بۇل مۇرىن قۋىسىنا شىرىشتىڭ جينالۋى اسەرىنەن تۋىندايدى. سينۋسيت ماڭداي، مۇرىن، كوزدىڭ اينالاسىندا اۋىرىپ باستايدى. باسىڭىزدى ەڭكەتسەڭىز، اۋرۋ سەزىمى كۇشەيە تۇسەدى.

اۋرۋدى باسۋ ءۇشىن مۇرىنعا تامىزاتىن دارىلەردى قولدانۋعا بولادى. ەگەر اۋرۋ مۇرىن قۋىسىنا تۇسكەن ينفەكتسيا كەسىرىنەن تۋىنداسا، انتيبيوتيك قابىلداۋ قاجەت. مۇنى تەك تەراپيەۆت پەن وتولارينگولوگ قانا تاعايىنداي الادى.

جاراقاتتان كەيىنگى اۋرۋ

اۋرۋدىڭ بۇل ءتۇرى باس جاراقاتىنان كەيىن پايدا بولادى. ۋاقىت وتە اۋرۋ باسەڭدەپ، 6-12 ايدان كەيىن تولىق باسىلادى. كەي جاعدايدا باس اۋرۋى اسقىنىپ كەتۋى دە مۇمكىن.

ول جۇيەلى باس اۋرۋىنا جانە ميگرەننىڭ بەلگىلەرىنە ۇقساس. اۋرۋدۋ باسۋ ءۇشىن رەتسەپتسىز بەرىلەتىن دارىلەردى ءىشىڭىز.

قاينار: يىنتەرنەتتەن | رەداكتور: سارماي | كورىلىم : 624 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز