كوزگە ارنالعان 12 جاتتىعۋ ياعني كوزگە دە جاتتىعۋ كەرەك - كەرۋەن تورابى

كوزگە ارنالعان 12 جاتتىعۋ ياعني كوزگە دە جاتتىعۋ كەرەك

كوزگە كوڭىل بولەسىز بە؟ كوزىڭىز قىشىپ، جاسقا تولىپ كەتە مە؟ 10 مينۋتتى قۇرايتىن كوزگە ارنالعان جاتتىعۋلار كوزىلدىرىكتىڭ الدىن الادى.

12 جاتتىعۋدىڭ بىرەۋىن تاڭداڭىز

ءبىرىنشى جاتتىعۋ– كوزدى اشىپ جۇمۋ. كوزىڭىزدە ەكى مينۋت كولەمىندە اشىپ جۇمىڭىز. بۇل كوز ىشىندەگى قان اينالىمىن قالىپقا كەلتىرەدى.

ەكىنشى جاتتىعۋ– كوزدى بۇرۋ. كوزقاراسىڭىزدى الدىمەن وڭ جاققا بۇرىڭىز. بۇدان كەيىن تۋرا سىزىق بويىمەن اۋىستىرىڭىز. ءدال سولاي سول جاقتان باستاپ جاساڭىز.

ءۇشىنشى جاتتىعۋ– قاراڭعىلىقتى سەزىنۋ. كوزىڭىزدى قاتتى جۇمىڭىز. قاراڭعىلىقتى سەزىنىڭىز. زەرتتەۋ بويىنشا قاراڭعىلىقتى جارىق سەزۋشى جاسۋشالاردا رودوپسين بولىنەدى ەكەن. بۇل زات كورۋ قابىلەتىن جاقسارتۋعا ارنالعان.

ءتورتىنشى جاتتىعۋ– باستى اينالدىرۋ. كوز بەن باستاعى قان اينالىمى تىعىز بايلانىستى. باسىڭىزدى شەڭبەر بويىمەن، وڭعا-سولعا، تومەن-جوعارى بۇرىڭىز. بۇل قان اينالىسىن جاقسارتادى.

بەسىنشى جاتتىعۋ– كوزدى اينالدىرۋ. جاتتىعۋ وڭاي ءارى پايدالى. كوزىڭىزدى ءتۇرلى باعىتقا بۇرىڭىز. وڭعا-سولعا، تومەن-جوعارى، شەڭبەر بويىمەن، سەگىز ءپىشىندى ەتىپ اينالدىرىڭىز.

التىنشى جاتتىعۋ– كوزدى جۇمۋ. كوزىڭىزدى قاتتى جۇمىڭىز. 3-5 سەكۋند كولەمىندە وسىلاي جاساڭىز. سوسىن كوزىڭىزدى اشىڭىز. بۇل جاتتىعۋدى 7 رەت جاساڭىز. وسىلايشا كوز بۇلشىق ەتتەرى بوسايدى، قان اينالىسىن جاقسارتادى.

جەتىنشى جاتتىعۋ– قاباقتى باسۋ. قاباعىڭىزدى ساۋساعىڭىزبەن باسىڭىز. ءبىراق كوپ كۇش تۇسىرمەڭىز. وسى قالىپتا ەكى سەكۋند كولەمىندە ۇستاپ تۇرىڭىز. جاتتىعۋدى 4-5 رەت قايتالاعان ءجون. بۇل جاتتىعۋ كوز سۇيىقتىعىنىڭ اينالىسىن جاقسارتادى.

سەگىزىنشى جاتتىعۋ– نازار سالۋ. تەرەزە الدىنا بارىڭىز. جاقىن جەردەگى ءبىر زاتقا نازار سالىڭىز. بۇل تەرەزەدەگى داق بولۋى دا مۇمكىن. سوسىن الىستاعى دەنەگە كوزقاراسىڭىزدى اۋىستىرىڭىز. مىسالى، دالاداعى اعاش نەمەسە ءۇي. جاتتىعۋدى 10 رەت قايتالاڭىز.

توعىزىنشى جاتتىعۋ– كوزدى جۇمىپ تۇرىپ اينالدىرۋ. كوزىڭىزدى جۇمىپ، وڭدى-سولدى بۇرىڭىز. جاتتىعۋدى بىرنەشە مارتە جاساڭىز.

ونىنشى جاتتىعۋ– كوزبەن سۋرەت سالۋ. كوزىڭىزدى اشىپ تۇرىپ، اۋادا سۋرەت سالىڭىز. قالاعان دەنەنى نەمەسە فيگۋرانى كوزىڭىبەن سالىپ شىعىڭىز. بىرتە-بىرتە ۇلكەن كومپوزيتسيالارعا اۋىسىڭىز. قيىن دەنەلەرگە اۋىسا بەرىڭىز.

ون ءبىرىنشى جاتتىعۋ– مۇرىنمەن سۋرەت سالۋ. بۇل جاتتىعۋ جەلكەگە ارنالعان. سەبەبى جەلكەدەگى اۋىرتپالىق كوزدىڭ قان اينالىسىن بۇزادى. مۇرنىڭىزدى قالام دەپ ەلەستەتىڭىز. كوزىڭىزدى جۇمىپ سۋرەت سالىڭىز. نە بولماسا حات جازىڭىز.

ون ەكىنشى جاتتىعۋ– دەمالىس. ءتۇزۋ وتىرىڭىز. دەنەڭىزدى بوس ۇستاڭىز. كوزىڭىزدى الاقانىڭىزبەن جابىڭىز. شىنتاعىڭىزدى ۇستەلگە تىرەڭىز. مويىن مەن ومىرتقا ءبىر سىزىق بويىندا ورنالاسۋى ءتيىس. بۇدان كەيىن سىزگە راحات اكەلەتىن زاتتاردى ويلاڭىز. دەمالىس، تاۋدان سىرعاناۋ، تۋعان كۇن بولۋى دا مۇمكىن. وسىلايشا كوزىڭىزدى تىنىقتىراسىز.

قاينار: يىنتەرنەتتەن | رەداكتور: اراي | كورىلىم : 343 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز