Nike ماركاسى ياعىني Nike ءونىمىنىڭ پايدا بولۋى جانە دامۋى - كەرۋەن تورابى

Nike ماركاسى ياعىني Nike ءونىمىنىڭ پايدا بولۋى جانە دامۋى

Nike- سپورتتىق كيىم وندىرۋمەن شۇعىلداناتىن امەريكالىق ترانس ۇلتتىق كومپانيا. كاسىپورىننىڭ بارلىق ونىمدەرى اقش اۋماعىنان تىس جەردە، وزگە سەرىكتەس- كومپانيالاردا جاسالىنادى. ال«Nike» تاۋار ماركاسىنىڭ ۇقىعىن يەلەنگەن. سپورتتىق كيىمدەردىڭ ديزاينىن دايىنداپ، الەم بويىنشا 1150 گە جۋىق دۇكەنگە يەلىك ەتەدى.  سايتىمىز«Nike» برەندىنىڭ قۇرىلۋى جانە دامۋى جايلى ماتەريالدى نازارىڭىزعا ۇسىنادى.

كومپانيانىڭ نەگىزىن سالۋشىلار

1957- جىلى ورەگون شتاتىنىڭ ۋنيۆەرسيتەتىندە«Nikە»-تىڭ نەگىزىن سالۋشىلار العاش كەزدەسەدى. بيلل باۋەرمان– جەڭىل اتلەتيكا جاتتىقتىرۋشىسى، ال فيل نايت– ورتا قاشىقتىققا جۇگىرەتىن سپورتشى ءارى ءبىرىنشى كۋرس ستۋدەنتى.

بيلل باۋەرمان كوپتەگەن وليمپيادا چەمپيوندارىن جاتتىقتىرعان. ول سپورتشىلاردى تەك جاتتىقتىرىپ قويماي، جان-جاقتى دامۋىنا جول اشقان. 1972- جىلى ونى ا قش-تىڭ جەڭىل اتلەتيكا بويىنشا وليمپيادا كومانداسىنىڭ جاتتىقتىرۋشىسى رەتىندە شاقىرعان.

بيلل باسەكەلەستىك رۋحى مەن توپ بولىپ جۇمىس ىستەۋگە باۋليتىن. ونىڭ بۇل پرينتسيپى بولاشاق«Nike» كومپانياسىنىڭ ۇجىمدىق مادەنيەتىنىڭ نەگىزىنە اينالدى. باۋەرمان سپورتتىق كيمىدەردى جەتىلدىرۋگە قىزىعىپ، ءوزىنىڭ شاكىرتتەرى ءۇشىن جەڭىل اياق-كيىم جاساۋمەن دە شۇعىلدانعان.

فيل نايت ورەگون ۋنيۆەرسيتەتىنە بيلل باۋەرماننىڭ شاكىرتى بولۋ ءۇشىن تۇسكەن. وقۋىن اياقتاعان سوڭ ستەنفورد ۋنيۆەرسيتەتىنىڭ قابىرعاسىندا «جاپونياداعى ءوندىرىس سالاسىنىڭ ارتىقشىلىقتارى» تاقىرىبىندا كۋرستىق جۇمىسىن قورعايدى. وسى ساتتەن باستاپ ول جاپونيالىق كومپانيالارمەن سەرىكتەس اتانۋعا قىزىعا باستاعان.

ءبارى نەدەن باستالدى؟

1962- جىلى بۇرىنعىنى ماقساتىن ىسكە اسىرىپ، فيل جاپونياعا اتتانادى. «Tiger» كروسسوۆكالارىن ا قش-قا يمپورتتاۋ ءۇشىن كەلىسىم جاساپ، جولدا كومپانيانىڭ اتاۋىن ويلاستىرادى. وسىلايشا العاشقى«Blue Ribbon Sports» كومپانياسى قۇرىلدى.

1963- جىلى العاشقى 300 دانا اياق-كيىم كەلىپ جەتەدى. قويما رەتىندە فيل اتا-اناسىنىڭ كيىم جۋۋعا ارنالعان بولمەسىن قولدانادى. قوس سەرىكتەس كاسىپتەرىنە 500 دوللاردان ينۆەستيتسيا جاسايدى. تاۋاردى تانىس سپورتشىلارى مەن جاتتىقتىرۋشىلارعا ساتىپ، 8000 دوللار تابىس تابادى.

العاشقى قىزمەتكەر

بىر جىلدان كەيىن كومپانيا كەڭەيە ءتۇستى. العاشقى جۇمىسشى رەتىندە فيلدىڭ سپورتتاعى باسەكەلەسى دجەفف دجونسون قابىلداندى. ول ءوزىنىڭ فۋرگونىمەن جارىس وتەتىن جەرلەرگە بارىپ، «Tiger» كروسسوۆكالارىن ساتاتىن. ساۋدا بارىسىندا كليەنتتەرىنىڭ قالاۋىن ءبىلىپ، نارىقتاعى سۇرانىستى انىقتايدى.

1965- جىلى دجونسون تۇسىندە نيكا- جەڭىس قۇدايىن كورەدى. كەيىن كومپانيانى نيكانىڭ قۇرمەتىنە اۋىستىردى. 1966- جىلى«Blue Ribbon Sports» تىڭ شاعىن شەبەرحاناسىندا دجەفف العاشقى اياق-كيىم ۇلگىسىن تىگەدى. سانتا-مونيكاداعى بۇل شەبەرحانا كەيىن العاشقى دۇكەنگە اينالدى.

اياق-كيىم جۇگىرۋ سپورتىنا ارنالىپ جاسالدى. ول كۇن ساۋلەسىنەن جارىلىپ جانە قيىلىپ كەتپەيتىن. 1969- جىلى كاسىپورىن كەڭەيىپ، 20 قىزمەتكەر جۇمىس ىستەدى. اينالىم 300000 دوللاردى قۇراپ، بىرنەشە دۇكەندەر ىسكە قوسىلدى.

العاشقى تابىس پەن ساتسىزدىكتەر

1971- جىلى بيلل ءوزى جۇمىس ىستەيتىن ۋنيۆەرسيتەتتە كەرولاين ديەۆيد ەسىمدى ستۋدەنتپەن تانىسادى. كەرولاين كەيىن«Nike» كومپانياسىنىڭ لوگوتيپىن جاسادى. ءوزىنىڭ جۇمىسى ءۇشىن ول باستاپقىدا 35 دوللار الادى. ۋاقىت وتە كومپانيا وعان العىسىن ءبىلدىرىپ، اكتسيانىڭ ءبىر بولىگى مەن گاۋھار تاستى ساقينانى سيعا تارتقان.

كاسىپ قارقىندى تۇردە داميدى. مۇنى بايقاعان جاپونيالىق ءوندىرۋشى كومپانيا«Nike» تىڭ ءبىر بولىگىن يەمدەنگىسى كەلەدى. تالابى ورىندالماسا ءوز ءونىمىن ا قش-قا تاسىمالدامايتىنىن جەتكىزەدى. ءىس سوتقا دەيىن بارعان. ناتيجەسىندە، «Nike» «Tiger» كروسسوۆكالارىن 6 اي عانا ساۋدالاۋعا، ودان كەيىن ءوز ءونىمىن ساتۋعا مىندەتتەلەدى.

العاشقى كروسسوۆكا جانە جەتىستىك

1972- جىلى وليمپيادا ويىندارىندا«Nike» «Moon Shoe» كروسسوۆكا مودەلىن تانىستىردى. بيلل اياق-كيىمدى رەزەڭكەلەرگە تاجىريبە جاساي وتىرىپ تىگىپ شىققان. تابانىن جاساۋ ءۇشىن ايەلىنىڭ ۆافەل قالىبىن قولدانعان. مودەل ءوزىنىڭ تايمايتىندىعىمەن جانە بەرىكتىگىمەن بەلگىلى بولدى.

كومپانيا تانىمالدىلىققا يە بولعان سوڭ، الەمگە بەلگىلى سپورتشىلارمەن كەلىسىم جاسايدى. ولاردىڭ قاتارىندا رونالدو، مايكل دجوردان دا بار ەدى. 1988- جىلى«Just do It» جارناما كومپانياسىن قۇردى. مۇندا كوبىنە سپورتشىلارمەن بىرلەسە جۇمىس ىستەيدى.

«Nike» بۇگىنگى تاڭدا الەمدەگى ەڭ قىمبات سپورت برەندى بولىپ تابىلادى. اينالىمى $39.117 ميلليارد دوللار، ال جەكە كاپيتالى $9.04 ميلليارد دوللارعا تەڭ.

قاينار: يىنتەرنەتتەن | رەداكتور: جايلاۋ | كورىلىم : 273 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز