قازاقستاندا IT ماماندارعا دەگەن سۇرانىس ءوستى - كەرۋەن تورابى

قازاقستاندا IT ماماندارعا دەگەن سۇرانىس ءوستى

IDF Eurasia اناليتيكالىق توبىنىڭ زەرتتەۋشىلەرى قازاقستاندا ەكى جىلدىڭ ىشىندەIT ماماندارعا دەگەن سۇرانىستىڭ 55 پايىز وسكەنىن ايتادى. بۇعان سەبەپ ءبىر جاعىنان پاندەميا بولسا، ەكىنشى جاعىنان نارىقتاعى كومپانيالاردىڭ ساندىق فورماتقا كوشە باستاۋى نەگىزگى كۇشكە اينالعان.

پاندەميا كەزىندە كومپانيالاردىڭ كوبى قىزمەتكەرلەرى مەن بيزنەسىن باسقارۋدىڭ جاڭاشا جولدارىن ىزدەستىرىپ، كەيبىرى مۇلدە باسقا باعىتقا قاراي بەت بۇردى. قاشىقتان جۇمىس ىستەۋ مەن قىزمەتتى، تاۋاردى ساندىق-ونلاين فورماتقا كوشىرۋIT ماماندارعا دەگەن سۇرانىستى ودان ارى ارتتىرىپ جىبەردى.

«ساراپشىلاردىڭ پايىمداۋىنشا، پاندەميا اياقتالعاننان كەيىن دەIT ماماندارعا دەگەن سۇرانىس ازايا قويمايدى. كومپانيالار جاقسى مامانداردى تارتۋ ءۇشىن باسەكەگە تۇسەتىنى انىق. ويتكەنى بيزنەس قازىر تسيفرلىق فورماتقا اۋىسىپ جاتىر»، - دەپ تۇسىندىرەدىIDF Eurasia زەرتتەۋ توبىنىڭ قازاقستانداعى وكىلى.

مامانداردىڭ ايتۋىنشا، ەگەر بۇرىن قارجى، تەلەكوممۋنيكاتسيا، تەحنولوگيا سالاسىنداعى كومپانيالار عانا ساندىق فورماتتا جۇمىس جاساعان بولسا، قازىر تاماقتانۋ، ساۋدا-ساتتىق، الەۋمەتتىك جانە قوعامدىق قىزمەتتەر دە سيفرلى كونتەنتكە اۋىسا باستادى. مۇنىڭ بارىIT ماماندارعا دەگەن سۇرانىستى كۇشەيتتى.

قازىر بىلىكتىIT مامانداردىڭ ەڭبەك اقىسى ءىرى كومپانيالاردىڭ توپ-مەنەدجەرلەرى الاتىن ەڭبەك اقىمەن تەڭەسىپ قالدى. Kolesa Zerttey زەرتتەۋىنشە، باعدارلاما جاساۋشىلاردىڭ ايلىق ەڭبەكاقىسى بىرنەشە ميلليونعا جەتەدى. ناقتىراق ايتساق، 3.5 ميلليون تەڭگە ياعىني شامامەن 54000 يۋان ەڭبەك اقى الاتىندار بار كورىنەدى.

بۇل سالاداعى ەڭ از جالاقى 150 مىڭ تەڭگە بولسا، ورتاشا ەڭبەكاقى 1.5 ميلليون تەڭگەگە دەيىن كوتەرىلگەن.

«IT مامانداردىڭ ەڭ از جالاقىسىنىڭ ءوزى باسقا سالاداعى قىزمەتكەرلەردىڭ ورتاشا جالاقاسىنان جوعارى. ماسەلەن قازاقستانداعى جۇمىس بەرۋشىلەردىڭ جارتىسىنان استامى قىزمەتكەرلەرگە 100 مىڭ تەڭگەنىڭ اينالاسىندا جالاقى بەرۋگە دايىن بولسا، 1 پايىزعا جۋىعى 500 مىڭ تەڭگەنىڭ ايلىعىن ۇسىنۋعا ءازىر»،-  دەيدى زەرتتەۋ توبىنىڭ وكىلدەرى.

قاينار: يىنتەرنەتتەن | رەداكتور: سارماي | كورىلىم : 417 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز