نەمىس جۋرناليستەرىنىڭ «لاس فۋتبول بيزنەسى» كىتابىندا مادريدتىك «رەال» مەن پورتۋگاليا قۇراماسىنىڭ جۇلدىزى كريشتيانۋ رونالدۋدى بىرنەشە ساعاتقا جالداۋعا بولاتىنى ايتىلعان.

بۇل جايلى Mirror جازادى.

تانىمال فۋتبولشىمەن بىرگە ۋاقىت وتكىزۋ ءۇشىن 920 مىڭ فۋنت ستەرلينگ شاماسىندا تولەۋ قاجەت.

كىتاپتا جۋرناليستەر ميحاەل ۆۋلتسينگەر مەن رافاەل بۋشمان، سونداي اقشانى Multisports & Image Management فيرماسى مەن ساۋديالىق Mobily كومپانياسىنىڭ تولەگەنىن جازادى.

رونالدۋ ءتورت جارىم ساعات بويى كومپانيادا بولىپ، فوتوسەسسيا جاساپ، جەيدەلەرگە قول قويىپ، باسقا دا ءىس-شارالارعا قاتىسقان. سونداي-اق، كومپانيا ونى ءبىر كۇن بويى ءوز جارنامالارىنا دا پايدالانعان.

«رەالمەن» وتىرعان جاڭا كەلىسىم-شارتقا سايكەس رونالدۋدىڭ ايلىق جالاقىسى 2 ميلليون يەۆرو. ونىڭ كورولدىك كلۋبپەن كەلىسىم- شارتى 36 جاسقا كەلگەن كەزىندە 2021- جىلى اياقتالادى.