وسى حاباردى قولفوننان كورىڭىز
گولوۆكيننىڭ ەگىزى ونىمەن ۇقساستىعى تۋرالى ايتىپ بەردى
  • ۋاقىتى: 2017-05-12
  • جولداۋشى: سارماي
  • كورىلىم : 827 رەت
  • قاينار: قازاقىستان تورابى
  • باعالاۋ : 0 پارشا

قازاقستاندىق كاسىپقوي بوكسشى گەننادي گولوۆكيننەن اۋمايتىن 24 جاستاعى وسكەمەن تۇرعىنى رۋسلان وسپانوۆ ءوزىنىڭ تانىمال سپورتشىعا ۇقساستىعى ونىڭ ومىرىنە قانداي اسەر بەرەتىنىن ايتتى.

بۇل تۋرالى vesti. kz حابارلايدى.

«ەكى جىل بۇرىن مەن استاناعا كەلدىم. سول كەزدە ادامدار مەنىڭ گولوۆكينگە ۇقسايتىنىمدى ايتا باستادى. اۆتوبۋسقا مىنگەندە، كوشەدە جۇرگەندە ءبارى وسىنى مەڭزەيتىن. مەن بوي بويىنشا دا، سالماق بويىنشا دا ونىمەن بىردەيمىن. بارلىعى گولوۆكينگە تۋىسسىڭ با دەپ سۇرايدى. دەگەنمەن ونىڭ باسىنىڭ ءپىشىنى باسقاشا، باسقا دا ايىرماشىلىقتار بارشىلىق. ال مىنەز بويىنشا مەندە گەنا سياقتىمىن»،– دەيدى رۋسلان.

ول سونداي-اق قاراپايىم تۇرمىس-تىرشىلىگى تۋرالى دا ايتىپ بەردى.

«وسكەمەن قالاسىندا تۇرامىن. باعدارلاماشى بولىپ جۇمىس ىستەيمىن. سۇيىكتىم بار. ونىڭ بارلىق جەكپە-جەكتەرىن قالدىرماي كورەمىن، شەبەرلىگىنە ءتانتىمىن. وسى جىلى ونىڭ «كانەلومەن» بولاتىن كەزدەسۋىن اسىعا كۇتەمىن. ول جەڭۋگە ءتيىس. ەكەۋمىزدىڭ قانشالىقتى شىن مانىندە ۇقساس ەكەنىمىزدى كورۋ ءۇشىن ونىمەن كەزدەسكىم كەلەدى»،– دەدى ول.

گولوۆكيننىڭ ەگىزى بوكسپەن ەشقاشان اينالىسپاعانىن، ءبىراق ءتورت جىلداي سامبوعا قاتىسقانىن ايتتى.

بۇعان دەيىن گولوۆكينگە اۋمايتىن جىگىت تۋرالى اقپارات الەۋمەتتىك جەلىدە حيتكە اينالعان ەدى.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: