وسى حاباردى قولفوننان كورىڭىز
Facebook ادامداردى ءوزىن ولتىرۋدەن ساقتاپ قالاتىن باعدارلامانى ىسكە قوستى
  • ۋاقىتى: 2017-03-02
  • جولداۋشى: ايگەرىم
  • كورىلىم : 670 رەت
  • قاينار: قازاقىستان تورابى
  • باعالاۋ : 0 پارشا

Facebook الەۋمەتتىك جەلىسى جاساندى اقىلدىڭ كومەگىمەن ءوز-ءوزىن ولتىرۋگە بەل بايلاعان ادامداردى انىقتايتىن ءتاسىل ويلاپ تاپتى.

بۇل تۋرالى BBC حابارلايدى.

Facebook قۇراستىرعان الگوريتم ادامداردىڭ جازبالارى مەن قالدىرعان پىكىرلەرىندەگى «قاۋىپتى قوڭىراۋدى» دەر كەزىندە انىقتاي الادى. جاساندى ينتەللەكت وسىلايشا جازبالاردان ۋايىم مەن قايعىنى، ال پىكىرلەردەن «سەندە ءبارى دۇرىس پا؟»،  «سەن ءۇشىن ۋايىمداپ وتىرمىن» دەگەن سىندى ساۋالداردى جيناقتاپ الىپ، ساراپتاما جاسايدى.

ولار وسى ارقىلى ادامعا كومەك قاجەت پە، جوق پا دەگەن ساۋالعا جاۋاپ تابا الادى. الىنعان مالىمەتتەردى كەيىن ولار زەرتتەۋشىلەر كومانداسىنا تاپسىرادى.

وسى باعدارلامامەن جۇمىس ىستەيتىن ءبولىم باسشىسىنىڭ ايتۋىنشا، اتالعان شارالار «تەك پايدالى عانا ەمەس، شۇعىل تۇردە قاجەت» بولىپ وتىر. ازىرگە جوبا تەك امەريكا قۇراما شتاتتارىندا عانا جۇمىس ىستەۋدە.

Facebook سونداي-اق، پسيحيكالىق دەنساۋلىقتى ساقتاۋ ماقساتىندا ءبىرقاتار ۇيىمدارمەن ىنتىماقاستىقتا بولۋ ماقساتتارى تۋرالى دا حابارلادى.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: