وسى حاباردى قولفوننان كورىڭىز
قازاقستاندا 3D پرينتەرلەر شىعارىلماقشى
  • ۋاقىتى: 2017-02-01
  • جولداۋشى: سارماي
  • كورىلىم : 918 رەت
  • قاينار: قازاقپارات
  • باعالاۋ : 0 پارشا

3D پرينتەردىڭ جوبالىق نۇسقاسىن قازاقستاندىق ماماندار وسى جىلدىڭ ورتاسىنا دەيىن شىعارىپ ۇلگەرمەكشى. بۇل تۋرالى وبلىس اكىمى ەرىك سۇلتانوۆ حابارلادى. ونىڭ سوزىنشە زاۋىتتار جاڭا جاعدايدا جۇمىس ىستەۋگە ءازىر. بۇگىندە يننوۆاتسيالىق ءونىمدى شىعارۋدى سولتۇستىك كاسىپكەرلەرى قولعا الىپ ۇلگەرگەن.

كيروۆ اتىنداعى زاۋىت قازىردىڭ وزىندە 5- ساناتتاعى پەرنەتاقتالاردى شىعارىپ جاتىر ەكەن. ەندى وسى كاسىپورىن ءبىلىم بەرۋ مەكەمەلەرى ءۇشىن 3D پرينتەرلەردى جاساپ شىعارماقشى. 3D پرينتەر سۋرەتتى ءۇش ءتۇرلى ولشەمدە كورسەتە الادى. وندا جازبا دا ءۇش ولشەم بويىنشا تۇسەدى.

ەستە بولسا، پرەزيدەنت ءوز جولداۋىندا جىل سايىن ەكونوميكانى تەحنولوگيالىق مودەرنيزاتسيالاۋدى جەدەلدەتەتىن تەحنيكا جاساۋدى قولعا الۋ جايلى ايتاتىن.

«ءبىز ساندىق تەحنولوگيانى قولدانۋ ارقىلى جاڭا يندۋستريانى دامىتۋدى قولعا الۋىمىز كەرەك. بۇل ماڭىزدى كەشەندىك تاپسىرما. 3D پرينتينگ، ونلاين-ساۋدا، موبيلدى بانكينگ، ساندىق قىزمەت، دەنساۋلىق ساقتاۋ، ءبىلىم بەرۋ سالاسىنداعى وسىنداي قاجەتتىلىكتەردى وتەۋدى قولعا الۋىمىز كەرەك. مۇنداي زاماناۋي تەحنولوگيا دامىعان ەلدەردىڭ تابيعي بايلىقتارىن پايدالانۋداعى ەكونوميكالىق قاتىناستارىن كۇشەيتىپ، ۇلكەن ولجالارعا جەتكىزىپ وتىر»،-دەيدى پرەزيدەنت ءوز جولداۋىندا.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: