كەرۋەن حابار كانالى|www.Kerwen.com 新疆最大哈萨克门户娱乐新闻网 新疆凯软哈萨克网 |哈萨克新闻|哈萨克娱乐新闻|哈萨克明星关注│哈萨克电影新闻 |哈萨克最大娱乐门户网, 凯软哈萨克网, 哈萨克网站, |哈萨克文化, 哈萨克视频, 哈萨克音乐试听, 哈语歌曲下载网, kazakh, qazaq, kazak, kerwen, kerwen.com
وسى حاباردى قولفوننان كورىڭىز
حاۋىپسىز كولىك بولا ما؟ الەمدە حاۋىپسىز كولىك بار ما؟
  • ۋاقىتى: 2017-01-17
  • جولداۋشى: سارماي
  • كورىلىم : 495 رەت
  • قاينار: قازاقىستان تورابى
  • باعالاۋ : 0 پارشا

جوق دەۋگە بولادى. سەبەبى ءاربىر تاسىمالداۋشى ترانسپورتتىڭ ءوز قاۋپى بار. دەگەنمەن الىس جولدى جاقىن ەتىپ، ەداۋىر ۋاقىتتى ۇنەمدەيتىن كولىكتەردەن بىردەن باس تارتۋ مۇمكىن ەمەس. سوندىقتان شاما كەلسە ساقتىق شاراسىن قاراستىرىپ قانداي كولىكتىڭ ءتيىمدى ەكەندىگىنە نازار اۋدارىڭىزدار. 

موپەدتەر مەن موتوتسيكلدەر

الەمدەگى ەڭ ءحاۋىپتى كولىكتەردىڭ كوشىن ازىرگە موپەدتەر مەن موتوتسيكلدەر باستاپ تۇر. ولار بارلىق اۆتو جول ترافيگىنىڭ 1 پايىزىن قۇراسا دا، 20 پايىز جول اپاتى ەكى دوڭگەلەكتى تۇلپارلاردان كەلەدى ەكەن. جىلدامدىقتى شامادان تىس اسىرۋ، رولگە يە بولا الماي قالۋ، اۋا رايىنىڭ قولايسىزدىعى ت. ب. كوپتەگەن جاعداي موتوتسيكل جۇرگىزۋشىلەرىنىڭ ومىرىنە ءحاۋىپتى. سونىمەن قاتار، جاياۋ جولاۋشىلاردىڭ دا قاقتىعىستان كەيىن امان قالۋ جاعدايى تىم تومەن. 

ۆەلوسيپەد

ۆەلوسيپەدكە دەگەن سۇرانىس جىل وتكەن سايىن ارتىپ كەلە جاتقاندىعى بەلگىلى. الايدا، سونىڭ سالدارىنان كوپتەگەن اپاتتىق جاعداي دا جيىلەي تۇسكەن. قۇقىق قورعاۋ قىزمەتكەرلەرىنىڭ سوزىنە جۇگىنسەك، كوپتەگەن قاقتىعىس اۆتوكولىكتەر مەن ۆەلوسيپەدشىلەردىڭ اراسىندا ورىن الادى ەكەن. جىلدام ءجۇرۋ، جان-جاعىنا قاراماۋ، ارنايى جولاقپەن جۇرمەۋ سىندى ولقىلىقتار اپاتقا اكەلەدى.

اۆتوبۋس

اۆتوبۋستار كوپ ادامدى تاسىمالداۋشى ترانسپورت بولعاندىقتان، اپات ورىن السا، ادام شىعىنى تەز ارادا كوبەيىپ كەتەدى. سوندىقتان بۇل كولىك ءحاۋىپتى بولىپ كەلەدى. اسىرەسە ەكى قالانىڭ اراسىن جالعايتىن تۇلپارلار جىلدامدىقتى شامادان تىس اسىرعان ۋاقىتتا يگەرۋى قيىن بولادى.

اۆتوكولىك

اۆتوكولىك قانشا ءحاۋىپتى بولعانىمەن ونىڭ سانى دا ەداۋىر كوپ. سول سەبەپتى كوپتىڭ اراسىنان حاۋىپتىلىگى اسا قاتتى بىلىنبەيدى. سوڭعى ۋاقىتتا شىعىپ جاتقان سان الۋان كولىككە حاۋىپسىزدىك جاستىعى مەن ءتۇرلى قورعانىس تەتىكتەرى ورناتىلعان.

پويىز

قازىرگى تاڭداعى ەڭ حاۋىپسىز كولىك– پويىز بولىپ تۇر. ءوزىنىڭ ارنايى سالىنعان جولىمەن ءجۇرىپ، جولاۋشىلاردى دا مەجەلەگەن جەرىنە ءدىن-امان جەتكىزۋدە. كوپ اپات بولماعاندىقتان كوپتەگەن مامان كولىكتىڭ وسى ءبىر تۇرىمەن الىس جولدارعا شىعۋعا كەڭەس بەرەدى.

ال ۇشاقتاردىڭ سوڭعى ۋاقىتتاعى اپاتتارى جيىلەپ كەتكەندىگىنەن قازىرگى ۋاقىتتا قاي ورىنعا تۇراقتاعانى بەلگىسىز. ءبىراق ءبىر ەلدەن ەكىنشى ەلگە جەتۋدە ۇشاقتىڭ پايداسى وراسان.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: