وسى حاباردى قولفوننان كورىڭىز
وتكەن جىلدىڭ ۇزدىك تەحنولوگيالارى
  • ۋاقىتى: 2017-01-18
  • جولداۋشى: سارماي
  • كورىلىم : 673 رەت
  • قاينار: قازاقىستان تورابى
  • باعالاۋ : 1 پارشا

جىل سايىن جاڭا ۇلگىدەگى تەحنولوگيالاردىڭ قارقىندى تۇردە دامىپ جاتقاندىعىن بارلىعىمىز بىلەمىز. وسىدان ءبىراز ۋاقىت بۇرىن ادامنىڭ قيالىنداعى دۇنيەلەر ەندى شىنىمەن دە كادەگە اسا باستادى دەسەك، قاتەلەسپەيمىز. يننوۆاتسيالىق تەحنيكانىڭ دامۋ بارىسىندا بۇرىنعى زاتتار جاڭاشا تۇرگە ەنىپ، كەيبىرى ءتىپتى ويدان شىعارىلۋدا. سونىمەن 2016- جىلى عالامعا قانداي تىڭ دۇنيەلەر كەلگەنىن تىزىمدەپ وتسەك.

جارىق ديودتى شامداردى كورگەن كەزدە تاڭعالماۋىڭىز مۇمكىن. الايدا، اۋادا قالقىپ تۇرعانىنا نازار اۋدارعان ساتتە ويىڭىز ءاپ ساتتە وزگەرىپ كەتەدى. ماگنيتتىڭ قاراما-قارسى كۇشىن پايدالانۋ ارقىلى جاسالعان قۇرىلعى كۇننىڭ ساۋلەسىنەن قۋات الادى. مامانداردىڭ ايتۋى بويىنشا اتالعان دۇنيە جيىرما ەكى جىل توقتاۋسىز جۇمىس ىستەۋگە شاقتاپ جاسالعان ەكەن.

سوڭعى جىلدارى اۆتوكولىكتىڭ مولايىپ، كولىك كەپتەلىسىنىڭ كوبەيۋىنە بايلانىستى ادامداردىڭ ءبىراز بولىگى ۆەلوسيپەدكە اۋىسىپ جاتقاندىعى ءمالىم. ءبىراق ەكى دوڭگەلەكتى شايتان اربامەن دە جول اپاتىنا ءتۇسۋ قاۋپى ازايار ەمەس. كەيدە ارنايى شلەمدەرىن الىپ ءجۇرۋدى ىڭعايسىز سانايتىن جولاۋشىلار وپات بولىپ تا جاتادى. وسىنىڭ الدىن الۋ ءۇشىن عالىمدار ارنايى جينالاتىن باس كيىم ويلاپ تاپقان ەكەن. ەندى ۆەلوسيپەد جۇرگىزۋشىلەرى مۇنداي زاتتى سومكەگە سالىپ، بارلىق حاۋىپسىزدىك شاراسىن تولىقتاي پايدالانا الادى.

جاھاندانۋ بارىسىندا ءاربىر زاتتى ءتيىمدى ءارى دۇرىس پايدالانۋ قوعامعا دا، قورشاعان ورتاعا دا وڭ ناتيجەسىن بەرەتىنى بەلگىلى. سوندىقتان ءۇيدىڭ توبەسىن جابۋ ءۇشىن مىڭداعان سۇرلەنگەن اعاشتىڭ ورنىنا كۇننىڭ ەنەرگياسىن الاتىن ارنايى تەحنولوگيا ويلاپ شىعارىلعان. بۇل ۇيىڭىزگە جارىق بەرىپ قانا قويماي، ەكولوگياعا دا ءتيىمدى بولىپ كەلەدى.

تاڭەرتەڭ ۇيقىدان ەرتە تۇرۋ ادامزات ءۇشىن ەڭ قيىن شارۋالاردىڭ ءبىرى. جىلى توسەكتەن جىلدام باس الىپ ءوزىن سەرگەك ۇستاۋ قالىپتى رەجيمدى دۇرىس ساقتايتىندارعا عانا تيەسىلى. سوندىقتان ماماندار ارنايى جارىقتى بولەتىن وياتقىش ويلاپ تاپقان ەكەن. ءسىزدىڭ بەلگىلەگەن ۋاقىتىڭىزعا بايلانىستى جاڭا دۇنيە جارىقتى اقىرىنداپ ءبولىپ، تۇراتىن مەزگىلدە اينالاڭىزدى جارىقتاندىرىپ جىبەرەدى. بۇل ءسىزدىڭ ۇيقىڭىزدان ويانعان ۋاقىتتا ءوزىڭىزدى بىردەن جايلى سەزىنىپ كەتۋىڭىزگە ۇلكەن سەپتىگىن تيگىزەدى.

كىم ەكەنى بەلگىسىز، الايدا، قالتاڭىزداعى قۇلاققاپتىڭ سىمدارى شەشىلمەيتىندەي ەتىپ وراتىلىپ قالعان كەزدەر ءسىزدىڭ دە باسىڭىزدان وتكەن بولار. جاڭادان ويلاپ شىعارىلعان تەحنولوگيا ءسىزدىڭ قۇلاعىڭىزعا جەتكەن بويدا تەلەفونىڭىزعا بىردەن قوسىلادى. ارنايى جاسالعان قۇرىلعى قازىرگى تاڭدا ارتىق توق سىمدارىنان قۇتىلۋعا كومەكتەسەدى. تەك اسىعىپ ءجۇرىپ جوعالتىپ الماساڭىز بولعانى.

جالپى 1 پارشا لەبىز
توراپتاستار لەبىزى
اتى-ءجونى: بەكەن       ۋاقىتى: 2017-01-18 10:44:16

وتكەن جىلدىڭ ەنشىسىندەگى ۇزدىك تەحنولوگيالار ىراسىندا قولايلى نارسەلەر ەكەن

اتى-ءجونى: كوكەك نومەرى:

تەكسەرۋ نومەرى: