وسى حاباردى قولفوننان كورىڭىز
الەمدە 1 ميللياردتان استام ادام قان قىسىمىنان زارداپ شەگۋدە
  • ۋاقىتى: 2016-11-17
  • جولداۋشى: ايگەرىم
  • كورىلىم : 953 رەت
  • قاينار: قازاقپارات
  • باعالاۋ : 0 پارشا

سوڭعى 40 جىلدا قان قىسىمىنىڭ جوعارىلىعىنان زارداپ شەگەتىن ادامدار سانى ەكى ەسەگە ارتىپ، 1.1 ميللياردقا جەتتى. بۇعان بۇكىلالەمدىك دەنساۋلىق ساقتاۋ ۇيىمىنىڭ قاتىسۋىمەن جۇرگىزىلگەن كەڭ اۋقىمدى زەرتتەۋلەردىڭ ناتيجەسى دالەل بولىپ وتىر، دەپ جازادى Gazeta. ru.

بۇكىل الەمدىك دەنساۋلىق ساقتاۋ ۇيىمىنىڭ مالىمەتتەرىنشە، زەرتتەۋگە 1975- جانە 2015- جىلدارداعى كەزەڭ قامتىلعان. عالىمدار بۇرىن گيپەرتونيا اۋقاتتى ادامدارعا ءتان اۋرۋ بولسا، قازىر ول جاعدايى تومەن ادامداردا كوپ كەزدەسەتىندىگىن ايتۋدا. گيپەرتونيادان زارداپ شەگەتىن ادامدار سانى افريكا مەن وڭتۇستىك ازيادا ەرەكشە بايقالۋدا. جوعارى قان قىسىمىنان زارداپ شەگەتىن ازاماتتاردىڭ جارتىسى ازيا مەملەكەتتەرىندە ءومىر ءسۇرىپ جاتىر.

وڭتۇستىك كورەيا، ا قش پەن كانادا حالقى گيپەرتونيامەن ەڭ از اۋىراتىن مەملەكەتتەردىڭ قاتارىندا. الايدا، عالىمدار قان قىسىمىنىڭ جوعارىلىعىنان زارداپ شەگۋشىلەر سانى نەگە كەدەي مەملەكەتتەردە كوپ ەكەندىگىن دالەلدەي الماي كەلەدى. باستى سەبەپتەردىڭ ءبىرى-تۇرعىندار ۇستاناتىن ديەتامەن بايلانىستى. باقۋاتتى مەملەكەتتەردىڭ تۇرعىندارى كوكونىستەر مەن جەمىستەردى كوبىرەك تۇتىنادى.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: