وسى حاباردى قولفوننان كورىڭىز
گەرمانيادا دۇنيەگە كەلگەن اكتەر «قازاق فيلمنىڭ» پرەزيدەنتى بولدى
  • ۋاقىتى: 2019-08-27
  • جولداۋشى: سارماي
  • كورىلىم : 181 رەت
  • قاينار: قازاقىستان تورابى
  • باعالاۋ : 0 پارشا

شاكەن ايمانوۆ اتىنداعى «قازاق فيلم» كينوستۋدياسىنىڭ پرەزيدەنتى قىزمەتىنە تانىمال اكتەر ارمان اسەنوۆ تاعايىندالدى دەپ حابارلايدى NUR. KZ.

ارمان اسەنوۆ «قازاق فيلم» كينوستۋدياسىنىڭ جاڭا باسشىسى اتاندى. وسىعان دەيىن بۇل قىزمەتى باقىت قايىربەكوۆ اتقارعان.

اسەنوۆ 1972- جىلى 17- ساۋىردە گەرمانيانىڭ ۆەيمار قالاسىندا دۇنيەگە كەلگەن.

ول- اكتەر جانە پروديۋسەر.

قازاقستان جاستار وداعى سيلىعىنىڭ لاۋرەاتى.

ءبىرقاتار مەملەكەتتىك جانە مەرەيتويلىق مەدالدارمەن ماراپاتتالعان.

ارمان جوعارعى وقۋ ورنىن الماتىدا، ماسكەۋدە وقىدى.

1995-2002- جىلدارى «قازاق فيلم» ا ق پروديۋسەرى قىزمەتىن اتقارىپ، كينوستۋديادا ءتۇرلى قىزمەتتەردە بولعان.

كەيىنىرەك «كازكينوپروكات» رپ ك باس ديرەكتورى بولىپ جۇمىس ىستەدى.

2006-2007- جىلدارى الماتى قالاسىنداعى رەسپۋبليكا سارايى ديرەكتورىنىڭ ورىنباسارى بولدى.

ودان كەيىنگى ءۇش جىلدا ەلوردالىق «جاستار» سارايىن باسقاردى.

2010- جىلى «قازاق فيلم» ا ق ديرەكتورلار كەڭەسىنىڭ قۇرامىنا ەندى، سونداي-اق، «بايتەرەك» ۇلتتىق پروديۋسەرلىك ورتالىعىنىڭ باس پروديۋسەرى اتاندى.

2014- جىلى «قازاق فيلمنىڭ» ۆيتسە-پرەزيدەنتى قىزمەتىنە كەلدى.

ءبىر جىلدان سوڭ «قازاق ەلى» ۇلتتىق سەريالىنىڭ باس پروديۋسەرى بولىپ تاعايىندالدى.

ال 2017- جىلدىڭ 6- قاڭتارىنان بۇگىنگە دەيىن «رەسپۋبليكا الاڭى» ج ش س ديرەكتورى بولىپ قىزمەت ەتكەن.

ول ءوزىنىڭ فيلمدىك دەبيۋتىن جيىرماسىنشى عاسىردىڭ توقسانىنشى جىلدارى باستادى.

العاشقى تۇسكەن كينوسى رەجيسسەر ۆيكتور پۋسۋرمانوۆتىڭ «قايسار» كارتيناسى بولىپ تابىلادى.

سودان كەيىن ول «ازيات»، «شىڭعىسحان»، «A عا قايتىپ ورالۋ»، «كوشباسشى جولى» جانە ت. ب. فيلمدەردە وينادى.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: