كەرۋەن حابار كانالى|www.Kerwen.com 新疆最大哈萨克门户娱乐新闻网 新疆凯软哈萨克网 |哈萨克新闻|哈萨克娱乐新闻|哈萨克明星关注│哈萨克电影新闻 |哈萨克最大娱乐门户网, 凯软哈萨克网, 哈萨克网站, |哈萨克文化, 哈萨克视频, 哈萨克音乐试听, 哈语歌曲下载网, kazakh, qazaq, kazak, kerwen, kerwen.com
وسى حاباردى قولفوننان كورىڭىز
ءۇشىنشى رەت تۇرمىس قۇرعان اقبوتا كەرىمبەكوۆا العاش رەت وتباسىلىق ءومىرى جايلى ايتىپ بەردى
  • ۋاقىتى: 2017-06-12
  • جولداۋشى: ايگەرىم
  • كورىلىم : 1224 رەت
  • قاينار: قازاقىستان تورابى
  • باعالاۋ : 0 پارشا

تەڭىن تاۋىپ، ءۇشىنشى رەت تۇرمىس قۇرعان اقبوتا كەرىمبەكوۆا اتا-ەنە كورىپ، كەلىن بولۋدى بۇرىننان ارمانداپتى. الايدا بۇل ارمانىنا تەك ءۇشىنشى نەكەسىندە قول جەتكىزگەن ءانشى العاشقىدا ەلدىڭ سوزىنەن قورىققانىن جاسىرمايدى.

بۇل تۋرالى ءانشى 31- ارنانىڭ «ايتا بەرسىن» باعدارلاماسىندا ايتىلدى.

«ارينە، كوز كوپ، ءتىل دە كوپ. بىرەۋ ولاي ايتادى، بىرەۋ بىلاي ايتادى. جالپى بىرەۋدىڭ ءومىرى بىرەۋگە جۇمباق قوي نەگىزىندە. دۇرىس-دۇرىس ەمەس دەپ ايتۋعا ءبىزدىڭ حاقىمىز جوق. دۇرىس-بۇرىسىن ءبىر اللا بىلەدى.

كورۋشى دە، ەستۋشى دە  –  اللا. ءومىر وزىمدىكى بولعاننان كەيىن جانىم نەنى قالايدى، سولاي ءومىر سۇرەمىن. باقىتقا ءار ادام لايىقتى دەپ ويلايمىن. مەن ءبارىبىر ءوز دەگەنىمدى ىستەيتىن اداممىن»،– دەيدى ءانشى.

العاشقىدا سەنىمسىزدىك تانىتقان اقبوتا قۇربىلارى قولداۋ كورسەتكەننەن كەيىن ەڭسەسىن تىكتەگەنىن ايتادى.

«قازىرگى جولداسىممەن دوس بولىپ، ارالاسىپ، سويلەسىپ جۇردىك. ۇسىنىس بولعاننان كەيىن ويلاندىم، ارينە. كوپ ويلاناسىڭ عوي. ءبىر پاستە شەشىم قابىلداۋ مەن ءۇشىن وڭاي تيگەن جوق. بالا-شاعانى، ۇيدەگى اكە-شەشەڭدى ويلايسىڭ. ەل نە دەيدى، جۇرت نە دەيدى دەگەن سياقتى سان پىكىرلەر مازالاعان جوق ەمەس. ارينە، مازالادى. ءبىراق جالعىزدىق اللاعا جاراسقان دەيدى. كوپ دوس قىزدارىم كەرىسىنشە مەنى قۇپتادى. جالعىز جۇرگەننەن قاسىڭدا، ۇيدە ۇرىساتىن دا ءبىر ادام كەرەك قوي. ۇرىستان قۇداي ساقتاسىن. ءبىراق ۇيدە ەر ازاماتتىڭ كىرىپ جۇرگەنى جاقسى»،– دەپ اعىنان جارىلدى ءانشى.

كەرىمبەكوۆا تىڭدارماندارىنان وزىنە جاقسى تىلەك ايتۋىن، ال ايتا الماعان جاعدايدا سىنعا الماۋدى سۇرايدى.

«ءوزىم بۇرىننان ارماندايتىنمىن، اتا-ەنە كورىپ، كەلىن بولىپ، كۇشتى عوي… قايىن اپكەلەرىڭ، قايىن اعالارىڭ بولىپ… شۇيىركەلەسىپ، جينالا قالىپ. اللاعا شۇكىر، سول ارمانىم ورىندالدى دەپ ويلايمىن. ال الداعى ءومىرىم ءبىر اللاعا عانا ايان. ءبىراق قولىمىزدان كەلگەنشە باقىتتى بولامىز دەپ ەمەس، باقىتتى قىلامىز دەپ بەل بۋدىق. كوپ تىلەۋى كول دەيدى عوي. سول سەبەپتى جاقسى ءسوز ايتپاسا دا، ەشتەڭە دەمەي اق قويسا ەكەن دەيمىن كەيبىر كورەرمەندەرىمىز، كەيبىر سىن-پىكىر ايتۋشىلار»،– دەپ تۇيىندەدى ءسوزىن ول.

ايتا كەتەيىك، اقبوتا كەرىمبەكوۆانىڭ الدىڭعى ەكى نەكەسىنەن ءۇش ۇلى بولسا، ونىڭ جارى راۋاننىڭ ءبىر ۇلى بار ەكەن.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: