وسى حاباردى قولفوننان كورىڭىز
ديماش تاعى ءبىر ايتۋلى جۇلدەگە يە بولدى
  • ۋاقىتى: 2017-06-11
  • جولداۋشى: سارماي
  • كورىلىم : 662 رەت
  • قاينار: Stan.kz
  • باعالاۋ : 1 پارشا

ميلليونداعان جانكۇيەردىڭ جۇرەگىنىنىڭ تورىنەن ورىن الىپ ۇلگەرگەن تالانتتى ءانشى، وتانداسىمىز ديماش قۇدايبەرگەن قىتايدا ءوتىپ جاتقان «2017 MTV Global Chinese Music Awards» شاراسىنىڭ «ەڭ ۇزدىك شەتەلدىك تانىمال ءانشى» نوميناتسياسىن جەڭىپ الدى.

ايتا كەتەيىك، ديماش «I am singer» بايقاۋىنان كەيىن «ازيانىڭ ەڭ تانىمال ءانشىسى»، «حالىقارالىق دارەجەدەگى تانىمال ءانشى» جانە «جىلدىڭ ەڭ تانىمال ءانشىسى» جۇلدەلەرىن جەڭىپ العان ەدى. بۇل– وتانداسىمىزدىڭ قىتاي ەلىندەگى بەسىنشى جۇلدەسى.

وسىعان دەيىن حابارلاعانىمىزداي، ديماش بۇل شارانىڭ «ەڭ ۇزدىك شەتەلدىك تانىمال ءانشى» جانە «ەڭ تانىمال جاڭا ءانشى» نوميناتسيالارىنا ۇسىنىلعان بولاتىن. شارانىڭ رەسمي ۆەب-سايتىندا داۋىس بەرۋ 22- مامىردان 10- ماۋسىم كۇندەرى ارالىعىندا بولىپ، جەڭىمپازدار ەسىمى 13- ماۋسىم كۇنى جاريالاندى.

ەستەرىڭىزگە سالا كەتەيىك، «2017 MTV Global Chinese Music Awards» ماراپاتتاۋ كەشى 2- شىلدە كۇنى شەنچجەن قالاسىندا وتەدى. بۇل قىتايداعى ەڭ اۋقىمدى مۋزىكالىق شارا بولىپ سانالادى. شارا بارىسىندا 19 جەڭىمپاز ماراپاتتالاتىن بولادى. اتالعان شارانىڭ «ەڭ ۇزدىك شەتەلدىك تانىمال ءانشى» نوميناتسياسىن 2016- جىلى كورەيا ءانشىسى چون دجيحۋن (Rain) جەڭىپ العان ەدى.

جالپى 1 پارشا لەبىز
توراپتاستار لەبىزى
اتى-ءجونى: زۋرا.تىلەۋ       ۋاقىتى: 2017-06-13 00:47:40

ماڭدايى جارقىراپ جۇرە بەرسىن ورتامىزدا، بىزدىڭ ماقتانىشىمىز ديماشقا ۇلكەن تابىستار تىلەيمىن

اتى-ءجونى: كوكەك نومەرى:

تەكسەرۋ نومەرى: