وسى حاباردى قولفوننان كورىڭىز
نۇرجان تولەندييەۆ ەندى پروديۋسەرلىك قىرىمەن تانىلماق
  • ۋاقىتى: 2017-05-27
  • جولداۋشى: سارماي
  • كورىلىم : 778 رەت
  • قاينار: قازاقىستان تورابى
  • باعالاۋ : 0 پارشا

نۇرجان تولەندييەۆ حالىققا جاڭا قىرىمەن تانىلماق. بۇل جولى ول بۇلدىرشىنگە پروديۋسەر بولۋدى ءجون كورىپتى. دەسە دە، اكتەر وعان مۋزىكالىق ءبىلىم بەرە المايتىنىن اشىپ ايتتى. تەك كونتسەرتتەر مەن تويلارعا شىعۋىنا ات سالىسپاق.

بۇل تۋرالى استانا ارناسىنىڭ «ەل اۋزىندا» باعدارلاماسىنا بەرگەن سۇحباتىندا ايتتى.

«قازاقتا بولاتىن بالانىڭ بەتىن قاقپا، بەلىن بۋ دەگەن جاقسى ءسوز بار. بىلگەنىمىزدى ايتىپ جاتىرمىز. جاستاردىڭ ۇلكەن ساحناعا شىعۋلارىنا ىقپالىمىز ءتيىپ جاتىر. مەن مۋزىكالىق الەمگە اۋىسىپ جاتقان جوقپىن. ءوزىم «دراما جانە كينو» بولىمىندە ءبىلىم العانمىن. بۇل جەردە تەك ۇلكەن ساحناعا شىعۋىنا ىقپال ەتەمىن. مۋزىكا سالاسىنا قاتىستى ءبىلىم بەرىپ جاتىر ەكەن دەپ ويلاپ قالماڭىزدار. ەرتەڭ بۋىنى قاتايىپ، مەيرامبەك بەسپايەۆ، قايرات نۇرتاس، تورەعالي تورەالى اعالارىنداي بولادى دەگەن ۇمىتتەمىن. ولار دا بالا كەزىنەن باستاپ ساحناعا شىققان بولاتىن. بۇل بالانىڭ اكەسى ونەرگە وتە قۇمار. «جانىڭىزدان قالدىرماڭىزشى» دەگەن سوڭ الىپ ءجۇرمىن.

ازىرگە تەگىن ونەر كورسەتىپ ءجۇر. كەيىن ءبىر امالىن جاسايمىز»،– دەيدى نۇرجان تولەندييەۆ.

ال نۇريسلام نۇرعاليگە مۋزىكالىق ءبىلىمدى ونەردەگى اعاسى مەيرامبەك بەسپايەۆ بەرمەك. ءانشى ءبۇلدىرشىننىڭ اكەسىن جاقسى تانيتىنىن ايتىپ جاتىر. «ول بالانىڭ اكەسى مەنىڭ باۋىرىم ءارى دوسىم. ونى دا شاكىرتىم دەپ ەسەپتەۋگە بولاتىن شىعار. ءوزى مەنى «كوكەم» دەپ تۇرىپ ۇستاز سانايدى. سوندىقتان بولاشاعىنان ۇلكەن ءۇمىت كۇتەمىن»،– دەيدى مەيرامبەك بەسپايەۆ.

نۇريسلام قازىر ون ۇشتە. ونەردەگى اعالارى دا وسى جاستارىندا ۇلكەن ساحنانى باعىندىرا باستاعان ەدى. «نۇرجان اعامنىڭ ءۇمىتىن اقتاۋعا تىرىسامىن. قازاقستان ەلىنىڭ بولاشاق ءارتىسى، جۇلدىزى بولۋعا دايىنمىن ءارى ارماندايمىن»، – دەيدى نۇريسلام نۇرعالي.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: