وسى حاباردى قولفوننان كورىڭىز
كينودا قايرات ومىردەگى جۇبىنا قالاي قول جەتكىزگەنىن كورسەتپەك
  • ۋاقىتى: 2017-05-15
  • جولداۋشى: ايگەرىم
  • كورىلىم : 707 رەت
  • قاينار: قازاقىستان تورابى
  • باعالاۋ : 0 پارشا

ءانشى باستى رولدى سومدايتىن «قالىڭدىق» فيلمى كورەرمەندەرگە جول تارتپاق. گۇلزيرا ايداربەكوۆا فيلمنىڭ ىشىندە  ۇلىنىڭ جەكە ومىرىنە قاتىسى جوق ساحنالاردىڭ بولاتىنىن ايتىپ ەسكەرتتى.

بۇل تۋرالى استانا ارناسىنىڭ «ەل اۋزىندا» باعدارلاماسىندا ايتىلدى.

قايرات نۇرتاستىڭ ءومىرى تۋرالى «قالىڭدىق» فيلمىنىڭ 80℅ ى ءتۇسىرىلىپ بولدى. ول كورەرمەندەرگە كۇزدە جول تارتپاق. ءانشى بۇل جولى قولىنا سۋىق قارۋ الدى. باستى رولدەردىڭ ءبىرىن ونىڭ جۇبايى ورىنداماق.

«مەنىڭ قىزىمدى الىپ قاشىپ كەتەدى. جاڭا ونى ىزدەپ كەلەتىن ءساتتى تۇسىردىك. ارتىنشا ونى قۇتقارامىن. قازىر ومىردە نە بولماي جاتىر؟! جاستارعا ساباق بولسىن دەگەن ويمەن وسى تۋىندىنى ءتۇسىرىپ جاتىرمىز. جۇسىپبەك ەلەبەكوۆ كوللەدجىندە اكتەرلىك شەبەرلىكتەن ءبىلىم العانمىن. سول سەبەپتى، ءساتتى شىعادى دەگەن ويدامىن. ءوزىم دەمەۋشىلىك ەتىپ وتىرمىن. وسىلاي بولعان دۇرىس دەپ ويلايمىن. ەشكىمگە تاۋەلدى بولمايسىڭ. اللاعا شۇكىر، ەكى اياعىم، ەكى قولىم بار. جۇمىس ىستەپ جاتىرمىز. حالىقتىڭ بەرەكەسى مەن تىلەگىنىڭ ارقاسىندا تابىسقا كەنەلىپ وتىرمىز»،– دەيدى قايرات نۇرتاس.

ءانشىنىڭ اناسى فيلمدە قايرات نۇرتاستىڭ جەكە ومىرىنە ەش قاتىسى جوق ساحنالاردىڭ بولاتىنىن ايتىپ ەسكەرتتى.

«قايراتتى ساقشىلار ۇستاپ الادى. ول ءوزىنىڭ سۇيىكتىسى ءۇشىن ارپالىسىپ، ءبىر ۇيگە كەلەدى. جالپى بۇل فيلم جاقسى شىعادى دەپ ويلايمىن. ءبىراق، سىناقتار كوپ بولادى. سونىڭ بارلىعىنا دايىن بولۋىم كەرەك. ىشىندە شىندىق بار. جەكە ومىرىمىزگە ەمەس، جالپى ادام ومىرىنە قاتىستى كوپتەگەن شىندىق بار»،– دەيدى گۇلزيرا ايداربەكوۆا.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: