وسى حاباردى قولفوننان كورىڭىز
ديماش استانادا وتەتىن كونتسەرتىندە لارا فابيانمەن دۋەت ورىندايدى
  • ۋاقىتى: 2017-05-11
  • جولداۋشى: ايگەرىم
  • كورىلىم : 1543 رەت
  • قاينار: قازاقىستان تورابى
  • باعالاۋ : 0 پارشا

ءانشى  ۇلىنىڭ قۋانىشتى جاڭالىعىن ءبولىستى. جۋىردا وتەتىن كونتسەرتىندە ديماش الەمدىك دەڭگەيدەگى انشىمەن دۋەت ورىنداۋى مۇمكىن. مۇنىمەن قاتار، قانات ايتبايەۆ  ۇلىنىڭ نە سەبەپتى تويلاردا ءان ايتپايتىنىن ءتۇسىندىردى.

بۇل تۋرالى استانا ارناسىنىڭ «سىرلاسۋ» باعدارلاماسىندا ايتىلدى.

قانات ايتبايەۆ  ۇلىنىڭ نە سەبەپتى تويعا شىقپايتىنىن ءتۇسىندىردى. ايتۋىنشا، ول مۇنى جاتسىنبايدى. تەك مۇمكىندىگى بولماي ءجۇر ەكەن.

«تويعا شىققاندى سوكەت كورۋ دۇرىس ەمەس. قازاقتىڭ سال- سەرىلەرى تويلارعا بارىپ ءجۇردى. تويدىڭ كوركى بولىپ جۇرگەن ازاماتتارىمىز كوپ. جاستاۋ كەزىمىزدە ءبىز دە ادەمى تويلاردىڭ قۇرمەتتى قوناعى بولۋعا تىرىستىق. قازىر ۋاقىت تا، مۇمكىندىك تە جوق. ونىڭ ۇستىنە جاستارمەن جاعالاسقان دا دۇرىس ەمەس. ديماش تويعا بارىپ ەمەس، ۇلكەن كاسىبي ساحنادا، جاقسى ونەر دودالارىندا، ادەمى كاسىبي كونتسەرتتەردە ونەر كورسەتسە ەكەن دەيمىز. ونىڭ ءوزىنىڭ ويى دا وسىنداي»،– دەيدى قانات ايتبايەۆ.

مۇنىمەن قاتار، ءانشى  ۇلىنىڭ جاڭالىعىن ءبولىستى. الداعى استانا قالاسىندا وتەتىن كونتسەرتىنە لارا فابيان كەلۋى مۇمكىن ەكەن.

«ول– جاستىق امبيتسيا. نەگىزى دۇرىس. الدىعا ماقسات قويۋ كەرەك… الداعى ۋاقىتتا لارا فابيانمەن دۋەت ايتۋ جوسپاردا بار. ول كىسىمەن بايلانىسقا شىقتىق. ديماشقا جاقسى تىلەكتەرىن ءبىلدىردى. ريزا بولىپ وتىرمىز. ماۋسىم ايىندا ديماشتىڭ كونتسەرتىن وتكىزۋدى جوسپارلاپ وتىرمىز. سوعان دايىندالىپ جاتىر. اماندىق بولسا، ول كىسى كەلەتىن شىعار دەگەن ۇمىتتەمىز. دەسە دە، بارلىعى اللانىڭ قولىندا عوي. دەنساۋلىق دۇرىس بولىپ، ۇشاقتار ۋاقىتىندا ۇشىپ تۇرسا بولعانى. ديماش تويدىڭ دەڭگەيىن سوكەت كورىپ وتىرعان جوق. تەك ونىڭ بارۋعا مۇمكىندىگى بولماي جاتىر»،– دەيدى ول.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: