وسى حاباردى قولفوننان كورىڭىز
قانات ايتبايەۆ: «ديماشتى باعالاماعان ەدىك» دەپ ايتپاڭىزدار
  • ۋاقىتى: 2017-05-09
  • جولداۋشى: ايگەرىم
  • كورىلىم : 769 رەت
  • قاينار: قازاقىستان تورابى
  • باعالاۋ : 0 پارشا

قانات ايتبايەۆ جەلىدە «بۇرىن ديماشتى باعالاماعان ەدىك» دەگەندەرگە جاۋاپ بەردى.

بۇل تۋرالى استانا ارناسىنىڭ «سىرلاسۋ» باعدارلاماسىندا ايتىلدى.

الەۋمەتتىك جەلى قولدانۋشىلارى قازاقستاندىقتاردىڭ ديماشتىڭ تالانتىن مويىنداماي كەلگەندىگى تۋرالى ءجيى جازىپ ءجۇر. اسىرەسە، بۇل سىن ءانشى قاۋىمىنا قاراتا ايتىلعان-دى. وسى ورايدا، ءانشىنىڭ اكەسى «بۇرىن ديماشتى ەلەمەپ ەدىك» دەگەندەرگە جاۋاپ بەردى.

«قازىر كوپتەگەن ازامات «بۇرىن ەلەمەپ ەدىك»، «مويىنداماعان ەدىك» دەگەن سىندى سوزدەر ايتادى. نەگىزى ول دۇرىس ەمەس. ويتكەنى، ديماشتىڭ ءوزىنىڭ جاقسى تىڭدارماندارى بولدى. حالقىمىز ۇلكەن قولداۋ ءبىلدىرىپ، تىلەكتەس بولىپ وتىردى. تاۋەلسىزدىكتىڭ 25 جىلدىعىنا وراي، 25 كونتسەرت بەرەمىز دەگەن جوسپاردى قويعان بولاتىنبىز. قازان، ۋفا قالالارىندا جيىرما بەس كونتسەرت ۇيىمداستىرىلدى. سول شارالارعا حالىق كەلىپ، وزدەرىنىڭ ىقىلاستارىن ءبىلدىرىپ جاتتى.

كوپتەگەن جۋرناليسپەن كەزدەسىپ، باسىلىمدارعا ول تۋرالى اقپاراتتار شىعىپ جاتتى. ءار سايىس سايىن ءانشىنىڭ تانىمالدىلىعى ارتا تۇسەدى. ول «جاس قاناتقا» بارعان كەزدە ءوزىنىڭ تىڭدارماندارىن تاپتى. ودان كەيىن «شىعىس بازارى» سايىسىنا قاتىسقان كەزدە تىڭدارماندارى ارتا ءتۇستى. مۇنىمەن قاتار، قىرعىزستاندا، تۇركيادا وتكەن بايقاۋلارعا دا بارىپ، كوپتەگەن جانكۇيەردىڭ ىقىلاسىنا بولەندى. سول سەكىلدى ءاربىر دودا وتكەن سايىن كوبەيە بەرەدى»،– دەيدى قانات ايتبايەۆ.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: