وسى حاباردى قولفوننان كورىڭىز
شي جينپيڭ يندياعا بارىپ جۇڭگو-ينديا باسشىلارىنىڭ 2 ـ رەتكى بەيرەسمي كەزدەسۋىنە قاتىناسادى
  • ۋاقىتى: 2019-10-11
  • جولداۋشى: ايگەرىم
  • كورىلىم : 86 رەت
  • قاينار: جۇڭگو قازاق راديو تورابى
  • باعالاۋ : 0 پارشا

ءوز حابارىمىز: ينديا رەسپۋبليكاسىنىڭ زۇڭليى مودي مەن نەپالدىڭ پرەزيدەنتى بانداليدىڭ ۇسىنىسى بويىنشا، مەملەكەت ٴتوراعاسى شي جينپيڭ 10-ايدىڭ 11-كۇنىنەن 13 ـ كۇنىنە دەيىن يندياعا بارىپ، جۇڭگو-ينديا باسشىلارىنىڭ 2-رەتكى بەيرەسمي كەزدەسۋىنە قاتىناسادى، نەپالدا مەملەكەتتىك ساپاردا بولادى.

سىرتقى ىستەر مينيسترلىگى 10-ايدىڭ 9-كۇنى جۇڭگو مەن شەتەلدىڭ مەديالارىنا قۇلاق قاعىس ٴماجىلىس اشتى، قاتىستى جاۋاپتىلار مەملەكەت ٴتوراعاسى شي جينپيڭنىڭ يندياعا بارىپ جۇڭگو-ينديا باسشىلارىنىڭ 2-ەتكى بەيرەسمي كەڭەسىنە قاتىناساتىندىعىنا ٴارى نەپالدا مەملەكەتتىك ساپاردا بولۋىنا قاتىستى جاعدايلاردى تانىستىردى.

سىرتقى ىستەر مينيسترىنىڭ ورىنباسارى لو جاۋحۇي بىلاي دەدى: بۇل رەتكى ساپار جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن سالتاناتپەن تويلاعاننان كەيىن ٴتوراعا شي جينپيڭنىڭ تۇڭعىش ساپارى، سونداي-اق جۇڭگونىڭ مەملەكەت ٴتوراعاسى 23 جىلدان كەيىن نەپالدا تاعى دا ساپاردا بولۋى . كيننايدا بولعان كەزدە ٴتوراعا شي جينپيڭ زۇڭلي موديمەن دۇنيە ٴجۇزىنىڭ جالپى جاعدايىن جالعاستى تالقىلاپ، ايداعار اڭىزى تارالعان جۇڭگو مەن ءپىل مەملكەتى سانالاتىن ينديانىڭ ىنتىماقتاسا ـ سەلبەسە ارەكەتتەنۋىن، جۇڭگو مەن ينديا قاتىناسى دامۋىنىڭ جالپى جاعدايلىق، ۇزاق ۋاقىتتىلىق جانە ستراتەگيالىق ماسەلەلەرىن ىشكەرىلەي پىكىرلەسەدى. كەلەسى قادامداعى جۇڭگو ـ ينديا قاتىناسىنىڭ دامۋىنىڭ نەگىزگى ىرعاعىن بەلگىلەپ، بەتالىسىن ايقىنداپ، ەكى ەلدىڭ ٴار سالاداعى اۋىس ـ كۇيىسى مەن سەلبەستىگىن ىلگەرىلەتۋدە تىڭ ىلگەرىلەۋشىلىككە جانە مول تابىسقا قول جەتكىزۋگە جول اشادى.

لو جاۋحۇي بىلاي دەدى: وسى رەتكى تاريحي ساپار، ٴسوز جوق، تاريحي ىقپال تۋدىرادى. ٴتوراعا شي جينپيڭ باندالي پرەزيدەنت وتكىزگەن قارسى الۋ سالتىنا، قارسى الۋ قوناعاسىنا قاتىناسادى، باندالي پرەزيدەنتپەن كەزدەسەدى، اۆلي زۇڭليمەن كەڭەس وتكىزەدى ٴارى كوپ سالاداعى سەلبەستىك كەلىسىمىنە قول قويۋعا كۋا بولادى، نەپال كوممۋنيستىك پارتياسى بىرلەستىگىنىڭ ٴتوراعاسى پراچاندامەن، نەپال فەدەراتسيالىق پارلامەنتىنىڭ جاۋاپتىلارىمەن جانە قاتىستى ساياسي پارتيالاردىڭ باسشىلارىمەن كەزدەسەدى.

لو جاۋحۇي بىلاي دەدى: ەكى ەل باسشىلارى، بىرىنشىدەن، بۇدان بىلايعى جۇڭگو-نەپال قاتىناسىنىڭ دامۋى جونىندە جاڭا جوبا جاساپ، جۇڭگو ـ نەپال قاتىناسىنىڭ جەدەل دامۋىنىڭ جاڭا ٴداۋىرىن بىرلىكتە اشادى؛ ەكىنشى، ساياسي سەنىمدىلىكتى تەرەڭدەتىپ، جۇڭگو مەن نەپالدىڭ ۇرپاقتان-ۇرپاققا جالعاسقان دوستىعىنىڭ حالىق رايى نەگىزىن بەكەمدەيدى؛ ٴۇشىنشى، ەكى ەلدىڭ «ٴبىر بەلدەۋ، ٴبىر جولدى» جوعارى ساپالى ورتاق قۇرۋىن ىلگەرىلەتىپ، گيمالاي اتتاعان سترەولدى بايلانىس تورابى قۇرىلىسىن جەدەل ىلگەرىلەتىپ، ەكى ەلدىڭ ٴار سالاداعى ناقتى سەلبەستىگىنە جاڭا قوزعاۋشى كۇش قوسادى.

اۋدارعان: قاناتبەك جۇماباي ۇلى

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: