وسى حاباردى قولفوننان كورىڭىز
بەس از ۇلت تىلىندەگى مەملەكەت مەرەكەسىنىڭ كينوسى جاسالدى
  • ۋاقىتى: 2019-10-10
  • جولداۋشى: سارماي
  • كورىلىم : 89 رەت
  • قاينار: جۇڭگو قازاق راديو تورابى
  • باعالاۋ : 0 پارشا

كينونىڭ جاسالىپ بولعانىن جاريالاۋ سالتىندا «وسىٴسات-مەملەكەت مەرەكەسىنىڭ 70 جىلدىعىن قۇتتىقتاۋ سالتاناتى» اتتى 4K تىكە تاراتىلاتىن كينونىڭ از ۇلت ٴتىلى نۇسقاسىنداعى 5 مينۋتتىق قىسقا فيلمى قويىلدى.

ورتالىق راديو-تەلەۆيزيا باس ستانسياسىنىڭ ورتالىق كەسكىن تەرمينالى شىعارعان، ورتالىق كەسكىن تەرمينالى مەن باس ستانسياداعى ۇلتتىق تىلدەگى باعدارلاما ورتالىعى بىرلەسىپ جاساعان «وسى ٴسات-مەملەكەت مەرەكەسىنىڭ 70 جىلدىعىن قۇتتىقتاۋ سالتاناتى» اتتى 4K تىكە تاراتىلعان كينو فيلىمىنىڭ از ۇلت تىلىندەگى نۇسقاسى تاياۋدا جاسالىپ بولدى، بۇگىننەن باستاپ بۇكىل ەلدەگى از ۇلت كورەرمەندەرىمەن جۇزدەسەدى. از ۇلت ٴتىلى نۇسقاسىنداعى مەملەكەت مەرەكەسى سالتاناتى فيلىمى موڭعۇل، زاڭزۋ، ۇيعۇر، قازاق جانە چاۋشيان ٴتىلى سىندى بەس از ۇلت ٴتىلىن قامتيدى. از ۇلت بۇقاراسى ٴوزى قانىق ۇلت ٴتىلى ارقىلى جاڭا جۇڭگو قۇرىلعاندىعىنىڭ 70 جىلدىق سالتاناتى اكەلگەن اسەر مەن تەبىرەنىستى سەزىنەدى.

ورتالىق راديو-تەلەۆيزيا باس ستانسياسى 70 جىلدىق مەملەكەت مەرەكەسىن قۇتتىقتاۋ سالتاناتىن 4K تىكە تاراتۋ سيگنالى ارقىلى كينو جەلىسىنە ەنگىزدى ٴارى مەملەكەت مەرەكەسى كەزىندە گۋاڭدۇڭ اكسەنىتىندەگى تىكە تاراتىلعان كينونى شىعارۋ نەگىزىندە باس ستانسياسىنىڭ ۇلتتىق ٴتىل ورتالىعى ورتالىق كەسكىن تەرمينالىمەن بىرلەسىپ 5 از ۇلت ٴتىلى نۇسقاسىنداعى مەملەكەت مەرەكەسىن قۇتتىقتاۋ سالتاناتتى فيلمىن جاسادى.

10-ايدىڭ 10-كۇنى تۇستەن بۇرىن ورتالىق راديو-تەلەۆيزيا باس ستانسياسى، مەملەكەتتىك ۇلتتىق ىستەر كوميتەتى جانە مەملەكەتتىك كينو مەكەمەسى بەيجيڭدە «وسى ٴسات-مەملەكەت مەرەكەسىنىڭ 70 جىلدىعى سالتاناتى» اتتى كينونىڭ از ۇلت تىلىندەگى تىكە تاراتىلاتىن نۇسقاسىن جاريالاۋ سالتىن وتكىزدى. ورتالىق ۇگىت ٴبولىمىنىڭ ورىنباسار باستىعى، ورتالىق راديو-تەلەۆيزيا باس ستانسياسىنىڭ باستىعى شىن حايشيۇڭ، مەملەكەتتىك ۇلت ىستەرى كوميتەتىنىڭ ورىنباسار مەڭگەرۋشىسى گو ۋيپيڭ، مەملەكەتتىك كينو مەكەمەسىنىڭ ۇنەمىلىك ىستەرگە جاۋاپتى ورىنباسار باستىعى مىڭ شياڭلين، ورتالىق راديو-تەلەۆيزيا باس ستانسياسى رەداكسيا القاسىنىڭ مۇشەسى سۇن يۇيشىڭ، جياڭ ۋىنبو قاتارلىلار جاريالاۋ سالتىنا قاتىناستى.

ورتالىق راديو-تەلەۆيزيا باس ستانسياسى رەداكسيا القاسىنىڭ مۇشەسى ليۋ شياۋلۇڭ ارناۋ سوزىندە بىلاي دەدى: باس ستانسيا موڭعۇل، زاڭزۋ، ۇيعۇر، قازاق، چاۋشيان سىندى 5 ٴتۇرلى ۇلتتىق ٴتىل ابزالدىلىعىن ساۋلەلەندىرىپ، جاڭا جۇڭگونىڭ 70 جىلدىق سالتاناتىن قايتا جاريالاپ، از ۇلت كورەرمەندەرىنە ەرەكشە ىقىلاستى سەزىم سيلاپ، ٴار ۇلت بۇقاراسىنا ۇلى وتاننىڭ گۇلدەنىپ -كوركەيگەنىن، قۇدىرەتتەنگەنىن سەزىندىرىپ، جۇڭگولىقتاردىڭ باقىت سەزىمىن ۇزدىكسىز جوعارىلاتىپ، ٴار ۇلت جۇڭحۋا ۇلاندارىنىڭ قۇدىرەتتى وتانشىلدىق ىنتاسىن تاسقىنداتادى. بۇل باس ستانسيانىڭ باس شۋجي شي جينپيڭنىڭ ۇلتتار ىنتىماعى العاباسارلىعى جونىندەگى مەملەكەتتىك ماداقتاۋ-سيلاۋ جينالىسىندا سويلەگەن ماڭىزدى ٴسوزىنىڭ رۋحىن دايەكتى تياناقتاندىرۋداعى ناقتى شاراسى، ٴارى ورتالىق راديو-تەلەۆيزيا باس ستانسياسىنىڭ ۇلت تىلىندە تاراتۋ كولەمىن كەڭەيتۋدەگى تىڭ سىناعى.

وسى رەت جاريالانعان «وسى ٴسات-مەملەكەت مەرەكەسىنىڭ 70 جىلدىعى سالتاناتى» اتتى 4K تىكە تاراتىلعان كينونىڭ از ۇلت تىلىندەگى نۇسقاسىندا سۋرەت، دىبىس، كەسكىن ٴتىلى جانە ناق مايدانداعى دىبىس شەبەرلىكپەن توعىستىرىلعان. ورتالىق راديو-تەلەۆيزيا باس ستانسياسى ۇلتتىق تىلدەگى باعدارلاما ورتالىعىنىڭ جۇرگىزۋشىلەرى باس ستانسيانىڭ مەملەكەت مەرەكەسىن تىكە تاراتقان تارتىمدى فيليمىنە 5 از ۇلت تىلىندە دىبىس بەرىپ، از ۇلت بۇقاراسىنىڭ كورۋىنە، جاڭا جۇڭگونىڭ 70 جىلدان بەرگى وزگەشە تابىستارىن سەزىنۋىنە، جۇڭحۋا ۇلاندارىنىڭ اسقاق رۋحى مەن جالىندى جىگەرىن تاسقىنداتۋىنا مۇمكىندىك جاسايدى.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: