وسى حاباردى قولفوننان كورىڭىز
رەسپۋبليكا قۇرىلعاندىعىنىڭ 70 جىلدىعىن قۇتتىقتاۋ جينالىسى اشىلدى
  • ۋاقىتى: 2019-10-04
  • جولداۋشى: سارماي
  • كورىلىم : 128 رەت
  • قاينار: جۇڭگو قازاق راديو تورابى
  • باعالاۋ : 0 پارشا

ٴوز حابارىمىز: جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسى 10-ايدىڭ 1-كۇنى تۇستەن بۇرىن بەيجيڭدەگى تيان-انمىن الاڭىندا سالتاناتپەن وتكىزىلدى، ارميا مەن حالىقتان 200 مىڭنان استام ادام سالتاناتتى اسكەري پارات سالتى جانە بۇقارالىق جۇرىسكە قاتىناسپ، رەسپۋبليكانىڭ 70 جىلدىق تۋعان كۇنىن قۇتتىقتادى. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماڭىزدى ٴسوز سويلەدى ٴارى پاراتتان وتكەن اسكەري بولىمدەردى كوزدەن كەشىردى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ قۇتتىقتاۋ جينالىسىن باسقاردى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ ياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ٴتارتىپ تەكسەرۋ كوميتەتىنىڭ شۋجيى جاۋ لىجي، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ، مەملەكەتتىڭ ورىنباسار ٴتوراعاسى ۋاڭ چيشان جينالىسقا قاتىناستى.

تۇستەن بۇرىن ساعات 9 دان 57 مينۋت وتكەندە، ويناقى مۋزيكا ٴۇنى اۋەلەپ شي جينپيڭ قاتارلى پارتيا مەن مەملەكەت باسشىلارى تيان-انمىن ٴتوراعالار مىنبەسىنە شىعىپ، الاڭداعى ٴار سالا ۋاكىلدەرىنە قول بۇلعاپ قۇرمەت ٴبىلدىردى. الاڭدا شاتىرلاعان شاپالاق ٴۇنى كوتەرىلدى.

ساعات 10 دا قۇتتىقتاۋ جينالىسى باستالدى. بارلىق ادام ورىندارىنان تۇردى، 70 رەت اتىلعان ساليۋت ٴۇنى كوك ٴجۇزىن كەرنەدى، مەملەكەت تۋىن قورعاۋ اترەتىنىڭ كوماندير-جاۋىنگەرلەرى بەس جۇلدىزدى قىزىل تۋدى كوتەرىپ، نىق قاداممەن حالىق قاھارماندارى ەسكەرتكىشىنەن الاڭنىڭ سولتۇستىك بۇيىرىندەگى تۋ شىعارۋ ورنىنا باردى. جۇڭگو حالىق ازاتتىق ارمياسىنىڭ بىرلەسكەن اسكەري وركەسترى ايبىندى «ەرىكتىلەر مارشىن» ورىندادى، بۇكىل الاڭداعىلار جۇڭحۋا حالىق رەسپۋبليكاسىنىڭ مەملەكەت ٴانىن بىرلىكتە اسقاقتاتا شىرقاعاندا، بەس جۇلدىزدى نارت قىزىل تۋ باياۋ كوتەرىلىپ، تيان-انمىن الاڭىندا جەلبىرەدى.

وسىدان كەيىن شي جينپيڭ ماڭىزدى ٴسوز سويلەدى.

شي جينپيڭ بىلاي دەدى: بۇكىل ەلدەگى باۋىرلاستار، جولداستار، دوستار: بۇگىن ٴبىز سالتاناتپەن باس قوسىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاپ وتىرمىز. ٴدال وسى ساتتە بۇكىل ەلدەگى ٴار ۇلت حالقى، ەل ٴىشى-سىرتىنداعى جۇڭحۋا ۇلاندارى شەكسىز قۋانىشپەن ۇلى وتانىمىزدى ماقتانىش ەتىپ، ۇلى وتانىمىزعا شىن جۇرەكتەن باقىت تىلەۋدە. وسى ارادا مەن پارتيا ورتالىق كوميتەتى، مەملەكەتتىك حالىق قۇرىلتايى، مەملەكەتتىك كەڭەس، مەملەكەتتىك ساياسي كەڭەس جانە ورتالىق اسكەري ىستەر كوميتەتى اتىنان ۇلتتىڭ تاۋەلسىزدىگى مەن حالىقتىڭ ازاتتىعى، مەملەكەتتىڭ قۇدىرەتتەنۋى مەن حالىقتىڭ باقىتى جولىندا وشپەس ەڭبەك سىڭىرگەن بارلىق توڭكەرىستىك اعا بۋىندار مەن قۇربانداردى ساعىنا ەسكە الامىن! بۇكىل ەلدەگى ٴار ۇلت حالقىن جانە ەل ٴىشى-سىرتىنداعى وتانشىل باۋىرلاستاردى قىزۋ قۇتتىقتايمىن! جۇڭگونىڭ دامۋىنا كوڭىل بولگەن جانە قولداۋ كورسەتكەن ٴار ەلدەگى دوستارعا شىن جۇرەكتەن العىس ايتامىن!

شي جينپيڭ بىلاي دەپ اتاپ كورسەتتى: 70 جىلدىڭ الدىنداعى بۇگىنگى كۇندە ماۋ زىدۇڭ جولداس وسى ارادا جۇڭحۋا حالىق رەسپۋبليكاسىنىڭ قۇرىلعاندىعىن دۇنيەگە سالتاناتپەن جاريالادى، جۇڭگو حالقى سودان باستاپ ەڭسە كوتەردى. بۇل ۇلى وقيعا تاياۋ زاماننان كەيىنگى 100 جىلدان استام ۋاقىتتا جۇڭگونىڭ كەدەي، ٴالسىز بولعان، باسقالاردىڭ قورلىعىنا ۇشىراعان ايانىشتى تاعدىرىن تۇبەگەيلى وزگەرتىپ، جۇڭحۋا ۇلتىن ۇلى گۇلدەنۋدى جۇزەگە اسىرۋدىڭ داڭعىل جولىنا ٴتۇسىردى. 70 جىلدان بەرى، بۇكىل ەلدەگى ٴار ۇلت حالقى ٴبىر نيەت، ٴبىر تىلەكتە بولىپ، قاجىرلىلىقپەن كۇرەس جۇرگىزىپ، دۇنيەنى جالت قاراتقان ۇلى تابىستارعا قول جەتكىزدى. بۇگىنگى تاڭدا، سوتسياليستىك جۇڭگو دۇنيەنىڭ شىعىسىندا قاسقايىپ تۇر، ۇلى وتانىمىزدىڭ ورنىن ٴارقانداي كۇش شايقالتا المايدى، جۇڭگو حالقى مەن جۇڭحۋا ۇلتىنىڭ العا باسۋ قادامىن ەشقانداي كۇش بوگەي المايدى.

جولداستار، دوستار! العا باسۋ ساپارىندا ٴبىز جۇڭگو كوممۋنيستىك پارتياسىنىڭ باسشىلىعىنا، حالىقتىڭ نەگىزگى تۇلعالىق ورنىنا، جۇڭگوشا سوتسياليزم جولىنا تاباندى بولىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جاپپاي دايەكتى اتقارىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرىپ، جاڭا تاريحي ۇلى ىستەردى ۇزدىكسىز جاراتۋىمىز كەرەك.

شي جينپيڭ مىنالاردى باسا دارىپتەدى: ٴبىز «بەيبىت جولمەن بىرلىككە كەلۋ، ٴبىر ەل، ەكى ٴتۇزىم» باعىتىنا تاباندى بولىپ، شياڭگاڭنىڭ، اۋمىننىڭ ۇزاق ۋاقىت گۇلدەنىپ-كوركەيۋى مەن ورنىقتىلىعىن ساقتاپ، بۇعاز ەكى جاعالاۋى قاتىناسىنىڭ بەيبىت دامۋىن ىلگەرىلەتىپ، بارلىق جۇڭحۋا ۇلاندارىن ىنتىماقتاستىرىپ، وتاننىڭ تولىق بىرلىككە كەلۋىن جۇزەگە اسىرۋ جولىندا ۇزدىكسىز كۇرەس جۇرگىزۋىمىز كەرەك.ٴبىز بەيبىت دامۋ جولىنا تاباندى بولىپ، ٴوزارا تيىمدىلىك جەتكىزىپ، تەڭ يگىلىكتەنۋ سىندى ەسىك اشۋ ستراتەگياسىن اتقارىپ، دۇنيە جۇزىندەگى ٴار ەل حالقىمەن بىرگە ادامزاتتىڭ تاعدىرلاس ورتاق تۇلعاسىن بىرگە قۇرۋدى ۇزدىكسىز ىلگەرىلەتۋىمىز ٴتيىس. جۇڭگو حالىق ازاتتىق ارمياسى مەن حالىق قارۋلى ساقشى بولىمدەرى حالىقتىق ارميانىڭ سيپاتىن، ماقساتىن، قاسيەتىن ماڭگى ساقتاپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن، دۇنيە ٴجۇزى بەيبىتشىلىگىن باتىل قورعاۋى كەرەك.

جولداستار، دوستار! جۇڭگونىڭ كەشەگى كەشىرمەلەرى ادامزات تاريحىنا جازىلعان، جۇڭگونىڭ بۇگىنگى ٴداۋىرىن ٴجۇز ميلليونداعان حالىق ٴوز قولىمەن قۇرۋدا. جۇڭگونىڭ بولاشاعى، ٴسوز جوق، اناعۇرلىم كوركەم بولادى. بۇكىل پارتيا، بۇكىل ارميا، بۇكىل ەلدەگى ٴار ۇلت حالقى ونان ارى تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، حالىق رەسپۋبليكامىزدى ۇزدىكسىز بەكەمدەپ، دامىتىپ، «قوس 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ۇزدىكسىز قۇلشىنا كۇرەسۋى كەرەك! ۇلى جۇڭحۋا حالىق رەسپۋبليكاسى جاساسىن! ۇلى جۇڭگو كوممۋنيستىك پارتياسى جاساسىن ! ۇلى جۇڭگو حالقى جاساسىن!

شي جينپيڭنىڭ ٴسوزى اياقتاعاندا، شاتىرلاعان شاپالاق ٴۇنى ۇزاق ۋاقىتقا دەيىن تولاستامادى.

ساعات 10 نان 15 مينۋت وتكەندە، اسكەري پاراتتان ٴوتۋ سالتى باستالىپ، پاراتتان وتەتىن اسكەرلەر ورىندارىنا جايعاستى، اسكەري وركەستر اسكەري پارات دابىلىن قاقتى. شي جينپيڭ قىزىلتۋ ماركالى كوزدەن كەشىرۋ كولىگىنە وتىرىپ، جينشۇي كوپىرىنەن ٴوتىپ، چاڭ-ان كوشەسىنە شىقتى.

جۇڭگو كوممۋنيستىك پارتياسىنىڭ تۋى، جۇڭحۋا حالىق رەسپۋبليكاسىنىڭ مەملەكەت تۋى، جۇڭگو حالىق ازاتتىق ارمياسىنىڭ ارميا تۋى پاراتتان وتەتىن اسكەري بولىمدەردىڭ ەڭ الدىڭعى شەبىندە جەلبىرەپ تۇردى، شي جينپيڭ اۆتوكولىكپەن پارتيا تۋى، مەملەكەت تۋى، ارميا تۋى الدىنا بارىپ، تۋعا قۇرمەت ٴبىلدىردى.

ايبىندى اسكەري مۋزيكا ٴۇنى اۋەلەپ شي جينپيڭ اۆتوكولىكپەن كەڭ چاڭ-ان كوشەسىن بويلاپ، 15 جاياۋ، 32 جابدىقتاۋ شارشى توبىن رەتىمەن كوزدەن كەشىردى. اسكەري پاراتتان وتەتىن 15 مىڭعا جۋىق كوماندير-جاۋىنگەر رەتتى ساپ تۇزەدى، پاراتتان وتكىزىلەتىن 580 جابدىق كۇن نۇرىنىڭ شۋاعىنا شومىلدى. بۇل-جۇڭگوشا سوتسياليزم جاڭا داۋىرگە قادام تاستاعاننان كەيىنگى تۇڭعىش مەملەكەت مەرەكەسىندەگى اسكەري پارات، سونداي-اق رەسپۋبليكانىڭ قارۋلى كۇشىنە رەفورما جاسالىپ، قايتا رەتتەلگەننەن كەيىنگى جۇرتقا العاش رەت جالپىلىق كورسەتىلۋى.

كوزدەن كەشىرۋ اياقتاعان سوڭ، شي جينپيڭ تيان-انمىن مىنبەسىنە شىقتى.

ساعات 10 نان 43 مينۋت وتكەندە، كەڭىستىكتەگى تۋ قورعاۋ ايروپلان تىزبەكتى قوسىنى سالتانات قاتارىنىڭ شىمدىلىعىن اشتى.

تيان-انمىن الاڭىندا قۇرمەت قاراۋىلى شارشى شەبى پارتيا تۋىن، مەملەكەت تۋىن، ارميا تۋىن بيىك ۇستاپ، شىعىس چاڭ-ان كوشەسىن بويلاپ ارشىندى قادام تاستادى. ايبىندى قولباسشىلىق، قۇرلىق ارميا، تەڭىز ارميا، اۋە ارميا، رەكاتا ارميا قوسىنى ولارعا ىلەسىپ، قۇرىش قورعاننىڭ داۋىرلىك بەينەسىن ايگىلەدى؛ ستراتەگيالىق كومەك اسكەري ٴبولىمىنىڭ شارشى شەبى، بىرىككەن ارتقى شەپ قامتاماسىزداندىرۋ اسكەري ٴبولىمىنىڭ شارشى شەبى، جوعارى مەكتەپتەردىڭ عىلمي زەرتتەۋ شارشى شەبى، اكىمشىلىك قىزمەتكەرلەردىڭ شارشى شەبى تۇڭعىش رەت مەملەكەت مەرەكەسى بايلانىسىمەن اسكەري پارات وتكىزىپ، رەفورما جاساپ، ارميانى قۇدىرەتتەندىرۋدىڭ شىت جاڭا بەينەسىن كورنەكتىلەندىردى؛ قارۋلى ساقشى بولىمدەرىنىڭ شارشى شەبى ەكپىندى قادام تاستاپ، ادال قورعاۋشىلاردىڭ بورىشى مەن جاۋاپكەرشىلىگىن ايگىلەدى؛ ايەل اسكەرلەر شارشى شەبىنىڭ كەلبەتى ەكپىندى دە ايبىندى بولىپ، جەلەكتىلەردىڭ ەرلەردەن كەم تۇسپەيتىن اسقاق سۇيىسپەنشىلىگىن ايگىلەدى؛ زاپاس اسكەري بولىمدەردىڭ شارشى شەبى، حالىق جاساقتارىنىڭ شارشى شەبى اسكەري پاراتتان ٴوتىپ، ەلىمىزدىڭ زاپاس كۇش قۇرىلىسىنىڭ داۋىرلىك كەلبەتىن ايگىلەدى؛ بەيبىتشىلىكتى قورعاۋ اسكەري بولىمدەرىنىڭ شارشى شەبى ايبىندى دا سالاۋاتتى بولىپ، جۇڭگو ارمياسىنىڭ بەيبىتشىلىك قالقانى بولعان ۇلەسى مەن كۇش-قۋاتىن ايگىلەدى. 15 جاياۋ شارشى شەبى ەكپىندى قادام تاستاپ، تيان-انمىن الاڭىنان رەت رەتىمەن ٴوتىپ، وتان مەن حالىقتىڭ كوزدەن كەشىرۋىن قابىلدادى.

نارتتاي قىزىل 100 سوعىس تۋىن كوتەرگەن شارشى شەپ تيان-انمىن الاڭىندا پاراتتان ٴوتتى. حالىق ارمياسىنىڭ توڭكەرىستىك رۋحى ماڭگى وشپەيدى، ماڭگى جالعاسادى. جاڭعىرعان داۋىس جەر-كوكتى ٴدۇر سىلكىندىردى. 32 جابدىقتاۋ قوسىننىڭ شارشى شەبى قۇرلىقتا سوعىس جۇرگىزۋ، تەڭىزدە سوعىس جۇرگىزۋ، اۋە شابۋىلىنان قورعانۋ باسقارىلمالى بومبىعا قارسى تۇرۋ، ينفورماتسيالىق سوعىس جۇرگىزۋ، ادامسىز سوعىس جۇرگىزۋ، ارتقى شەپتى قامتاماسىزداندىرۋ، ستراتەگيالىق سوققى بەرۋ سىندى 7 بولەككە ٴبولىنىپ، بىرلەسىپ شايقاس جاساۋ بويىنشا ساپ تۇزەپ، پاراتتان ٴوتتى. بۇل جولعى پاراتتان وتەتىن جابدىقتاردى تۇگەلدەي ەلىمىز جاساپ شىققان، ونىڭ % 40 ى تۇڭعىش رەت جۇرتقا كورسەتىلدى. تانكى، سوعىس ماشيناسى، زەڭبىرەك، باسقارىلمالى بومبى، ۇشقىشسىز ايروپلان قاتارلىلاردىڭ بارلىعى دا مەملەكەتتىڭ يەلىك ۇقىعىنىڭ تۇتاستىعىن، تەرريتوريا تۇتاستىعىن، ۇلتتاردىڭ ار-نامىسىن جانە حالىقتىڭ تىنىشتىعىن قورعايتىن قارۋ-جاراق قوسىنى تيان-انمىن الاڭىنىڭ الدىنان ٴبىر-بىردەن ٴوتتى، شاتىرلاعان دۋ قول شاپالاق ٴۇنى تولاستامادى.

ساعات 11 دەن 23 مينۋت وتكەندە، تيان انمىن الاڭىنىڭ كەڭىسىتىگىنەن 11 ايروپلان تىزبەك قوسىنى ۇشىپ ٴوتىپ دۇيىم جۇرت اسپانعا كوز تىكتى. جەتەكشى ايروپلان ۇشىپ وتكەندە 7 رەڭدى جولاق ٴىز قالدىرىپ، كەڭىستىك مانۋەرىنىڭ شىمىلدىعىن اشتى. ساقتىق سيگنال قولباسشىلىق ايروپلان تىزبەك قوسىنى، تەڭىزدى شارلاۋ ايروپلانىنىڭ تىزبەك قوسىنى، تاسىمال ايروپلانىنىڭ تىزبەك قوسىنى، كومەك بەرۋ قامتاماسىزداندىرۋ ايروپلانىنىڭ تىزبەك قوسىنى، كەڭىستىكتە ماي قۇيۋ ايروپلان تىزبەك قوسىنى، بومبىلاۋشى ايروپلان تىزبەك قوسىنى، اۆياماتكادا ۇشىپ-قوناتىن ايروپلان تىزبەك قوسىنى، جويىمپاز ايروپلان تىزبەك قوسىنى، قۇرلىق-اۆياتسيا ەكپىندى تىزبەك قوسىنى رەتى بويىنشا كەڭىستىكتەن ۇشىپ ٴوتتى. جاتتىقتىرۋشى ايروپلان تىزبەك قوسىنى ۇشىپ وتكەندە 7 رەڭدى جولاق ٴىز قالدىرىپ، رەسپۋبليكانىڭ تۋعان كۇنىن قۇتتىقتادى.

پاراتتان وتكەن اسكەري بولىمدەردىڭ ايباتتى دا اسقاق، ەكپىندى دە سالاۋاتتى كەلبەتىن كوزدەن كەشىرگەن شي جينپيڭ قاتارلى باسشى جولداستار ٴالسىن-ٴالى شاپالاق سوقتى، ناق مايداندا تاماشالاعان ٴار سالا ۋاكىلدەرىنىڭ كوڭىلى كوتەرىلىپ، دۋ قول شاپالاق ٴۇنى تولاستامادى.

ساعات 11 دەن 32 مينۋت وتكەندە الاڭداعى ەلەكتروندى ەكراننان «ۇلى جۇڭگو حالقى جاساسىن»، «ۇلى جۇڭگو كوممۋنيستىك پارتياسى جاساسىن»، «ۇلى جۇڭحۋا حالىق رەسپۋبليكاسى جاساسىن» دەگەن جازۋلار شىعىپ تۇردى. الاڭداعى حور ۇيىرمەسى «بۇگىن سەنىڭ تۋعان كۇنىڭ جۇڭگو» ٴانىن شىرقاپ، ٴبىر نيەت ٴبىر تىلەكپەن جۇڭگو ارمانىن بىرگە جۇزەگە اسىرايىق دەگەن تاقىرىپتاعى بۇقارالىق جۇرىس قيمىلىن باستادى.

بۇقارالىق جۇرىس «مەملەكەت قۇرىپ كاسىپ جاراتۋ»، «رەفورما جاساۋ، ەسىك اشۋ»، «ۇلى گۇلدەنۋ» سىندى ٴۇش بولىمگە ٴبولىندى، 100 مىڭ بۇقارا مەن 70 گرۋپپا ٴتۇستى اۆتوموبيلدەن قۇرالعان 36 شارشى توپ جۇڭگو كوممۋنيستىك پارتياسىنىڭ بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى جورىقتى ايگىلەپ، جۇڭگو كوممۋنيستىك پارتياسىنا، جۇڭحۋا حالىق رەسپۋبليكاسىنا دەگەن شىنايى ماداق پەن قويۋ سۇيىسپەنشىلىكتەرىن بەينەلەدى.

70 مىڭ بەيبىتشىلىك كوگارشىنى ۇشىرىلدى، 70 مىڭ شار اسپانعا كوتەرىلدى، «وتاندى جىرلايمىز» دەگەن سازدى اۋەن، اسقاق ٴان تۇتاس الاڭدى كەرنەپ، پاراتتان وتكەن بۇقارا تيان-انمىن مىنبەسىنە قاراپ قۇرمەت ٴبىلدىردى، شي جينپيڭ قاتارلى باسشىلار ٴار سالا بۇقاراسىنا قول بۇلعاپ قۇرمەت ٴبىلدىردى.

قۇتتىقتاۋ جينالىسى 2 ساعات 40 مينۋت جالعاسىپ، ساعات 12 دەن 40 مينۋت وتكەندە تابىسپەن اياقتادى.

قۇتتىقتاۋ جينالىسىنا تاعى ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين-ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، جياڭ زىمين، حۋ جينتاۋ، لي رۇيحۋان، ۋ باڭگو، ۋىن جياباۋ، جيا چيڭلين، جاڭ دىجياڭ، يۇي جىڭشىڭ، سۇڭ پيڭ، لي لانچيڭ، زىڭ چيڭحۇڭ، ۋ گۋانجىڭ،لي چاڭچۇن، حى گوچياڭ، ليۋ يۇنشان، جاڭ گاۋلي قاتارلىلار قاتىناستى.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: