وسى حاباردى قولفوننان كورىڭىز
توپتا ‹اشىعىن› ايتامىن دەپ اۋىزى كۇيدى، سەرىكتىك 460 مىڭ يۋان تالاپ ەتتى
  • ۋاقىتى: 2019-09-08
  • جولداۋشى: سارماي
  • كورىلىم : 250 رەت
  • قاينار: جۇڭگو قازاق راديو تورابى
  • باعالاۋ : 0 پارشا

بۇل كۇندە ءاربىر مەكەمە ورىندارى مەن سەرىكتىكتەردىڭ بارىندە ءوز قارماعىنداعى قىزمەتشىلەرىنە ارناپ قۇرعان ءبىر-ءبىر ءۇنحات توبى بار، ءتىپتى كەي مەكەمە ورىندارى ەكى-ۇشتەن ءۇنحات توبىن قۇرىپ، ءۇنحاتتى جۇمىستى جەڭىل جۇرگىزۋدىڭ ءبىر بولشەگىنە اينالدىردى.

بۇنداي ءۇنحات توبىندا كوبىنەكي قىزمەتكە قاتىستى مازمۇندار ۇقتىرىلادى، ونان قالسا قىزمەتشىلەر ءوزارا پىكىر الماستىرىپ، جەكەلىك كوزقاراستارىن ءبىلدىرىپ وتىرادى.

الايدا ايتىلمىش قىزمەتشىلەرگە ارنالعان ءۇنحات توبى قازىرگى كۇنى كەيبىر باسى ارتىق داۋ-دامايدىڭ ورشۋىنە، ءتىپتى قىزمەتكەر مەن ۇيىمنىڭ اراسىنا سىنا قاعىپ، ولاردىڭ سوتتىڭ ىرگەسىنە دەيىن الىپ كەلدى.

سوندا دەيمىز-اۋ، ءۇنحات توبىندا ارتىق اۋىس ايتىلعان الا-قۇلا پىكىردىڭ دە قىزمەتتەن ايدالۋعا مۇرىندىق بولۋى دۇرىس پا، الدە، بۇرىس پا، ءۇنحات توبىنداعى كەلەڭسىزدىكتەر قالاي شەشىمىن تاپقانى ءجون، بۇعان كىم جاۋاپ بەرەدى؟

بۇل تۋرالى بىلگىڭىز كەلسە، تومەندەگى جازبانى مىندەتتى تۇردە وقىپ شىعىڭىز....

ول ءاسىلى ءۇنحات قىزمەت توبىندا ءىستىڭ انىق-قانىعىن تۇسىندىرمەكشى بولعان، ءبىراق سەرىكتىك ونى ‹ۇيىمنىڭ ەرەجە-تۇزىمىنە قايشىلىق جاسادىڭ، ەكونوميكالىق كىرىسىمىز بەن اتاق-ابىرويىمىزعا نۇقسان كەلتىردىڭ›،-دەپ كىنالاپ، ودان 460 مىڭ يۋان تالاپ ەتتى.

8-ايدىڭ 16-كۇنى جياڭ حان داليان ەكونوميكا، عىلىم-تەحنيكا اشۋ رايونىنىڭ حالىق سوت مەكەمەسىنىڭ ۇكىم قاعازىن تاپسىرىپ الدى. ول ءوزىنىڭ سوتتا جەڭىپ شىققانىن بىلگەندە عانا كوڭىلى ورنىنا ءتۇستى.

ءتىلشى ءبىر تالاي ادامعا ارنايى تىلشىلىك جاسادى. ول كوپتەگەن قىزمەتكەرلەردىڭ ءۇنحات توبىندا اۋىزىنداعى ءسوزدى ىرىكپەي ايتا بەرەتىنىن؛ كاسىپورىنداردىڭ ءۇنحات توبىن باسقارۋ قاعيدالارىنىڭ جوق ەكەنىن؛ توپتا تومپاق ءىس شىقسا بولدى، ءوز ويىمەن قىزمەتكەردى ارتىعىمەن جازالايتىن حارەكەتتەردىڭ ءالسىن-ءالى تۋىنداپ جاتقانىن بايقادى.

ءجون كورسەتەمىن،-دەپ ءجۇنى جىعىلدى، 460 مىڭ يۋانعا جىعىندى بولدى.

جياڭ حان بولسا داليان قالاسىندا تۇراتىن شوفەرلىققا تاربيەلەۋ ورتالىعىنىڭ تاربيەشىسى ەدى. قاتىستى ۇقتىرۋلاردى ۋاعىندا ۇقتىرۋ ءۇشىن ول ءوزى قارماعىنداعى 38 وقۋشىعا باعىتتاپ ارنايى ءۇنحات توبىن قۇردى.

بيىل 3-ايدان باستاپ شوفەرلىق ۇيىرەنىپ جاتقان ءبىر وقۋشى ۋاقىتى جەتىسپەگەندىكتەن جالعاستى ۇيىرەنە المايتىندىعىن ايتىپ، جياڭ ۇستازدان وقۋ قاراجاتىن قايتاىپ بەرۋدى تالاپ ەتتى.

وسىنىڭ الدىندا مەكتەپ قۇرىلىم رەفورماسىمەن قاربالاستاپ، وقۋشىلارعا ءبىر اپتا ماشينا ۇيىرەتە الماعان-دى. جاڭاعى وقۋشىنىڭ ەكى-اق رەت ماشينا ۇيىرەنۋگە جاتتىققانىن ويلاعان جياڭ تاربيەشى وقۋ قاراجاتىن تولىعىمەن قايتارۋىمىز كەرەك دەگەن ويعا كەلەدى دە بۇل ءىستى مەكتەپ باستىعىنا ايتادى. مەكتەپ باستىعى ماقۇلدىق بەرەدى. مەكتەپ باستىعىنىڭ ماقۇلدىعىنان وتكەن سوڭ ول بۇل ءىستى ءوزى قۇرعان توپقا جاريالايدى.

‹اسىلىندە مەكتەپتىڭ كەلىسىم حۇجاتىندا ‹جەكەلىك سەبەپ› بولسا، وقۋ قاراجاتى قايتارىلمايدى،-دەگەن انىق كەلىسىم بار، ءبىراق مەكتەبىمىز قۇرىلىمدى قايتا رەتتەپ جاتقاندىقتان، بۇل جولى وقۋ قاراجاتتى تولىقتاي قايتاراتىن بولدى›.

مىنە بۇل جياڭ تاربيەشىنىڭ توپتا جولداعان تۇسىندىرمەسى.

اسىلىندە جاڭ تاربيەشى كەلىسم قاعازىندا وقۋشىنىڭ جەكەلىك سەبەپتەن وقۋدان شەگىنسە، وندا وقۋ قاراجاتى تولىق قايتارىلمايتىندىعىن ەسكەرتپەكشى بولعان، ءبىراق بۇل ەسكەرتۋدىڭ سوڭى 300 دەي وقۋشىنىڭ: وقۋ قاراجاتىمىزدى قايتارىپ بەرىڭدەر،-دەگەن ۇندەۋىنە ۇلاسىپ كەتكەن. سونىمەن مەكتەپ ۇجىمى جياڭ حاننان ۇيىممەن جاساسقان ‹تيجارات كەلىسىمى حۇجاتىن› كۇشىنەن قالدىرۋدى ءارى 260 مىڭ يۋان ەكونوميكالىق شىعىن مەن 200 مىڭ يۋان اتاق-ابىروي شىعىنىن تولەۋدى تالاپ ەتكەن.

جياڭ تاربيەشى سوت قاعازىن كورگەندە ءوز كوزىنە ءوزى سەنبەي اڭىرىپ قالدى. ول: وزگە وقۋشىلار وقۋ قاراجاتىن قايتارۋدى تالاپ ەتسە، مەكتەپ ۇجىمى ەكى جاقتىڭ قول قويعان كەلىسىمىن ورتاعا سالسا، ءىس جونىمەن بىتپەي مە؟ ادىلدىكپەن شارا اتقارسا، ءبارى ورىنىندا عوي. بۇنىڭ مەنىمەن نە قاتىسى بار›،-دەپ ويلادى.

ءبىراق مەكتەپ ۇجىمى: ول سەرىكتىگىمىزدىڭ قىزمەتكەرى بولعاندىقتان ءبىزدىڭ ءتارتىپ-تۇزىمىمىزگە بۇيسىنۋى كەرەك، ونىڭ بۇلاي ءوز بىلگەنىنشە توپ ورتادا ۇقتىرۋدى حابارلاۋى سەرىكتىگىمىزدىڭ ابىرويىنا نۇقسان كەلتىردى. سوندىقتان ول قىزمەتتەن شەگىنۋمەن قاتار ەكونوميكالىق تولەم بەرۋى ءتيىس›،-دەگەندى ايتتى.

سوڭىندا سوت تەكسەرىپ، قاراۋ ارقىلى جياڭ مىرزانىڭ ءىس-ارەكەتى دۇرىس، ال سەرىكتىكتىڭ وعان قارجىلاي تالاپ قويۋى بۇرىس دەپ قارادى.

سوت وقۋ قاراجاتىن قايتارۋدى تالاپ ەتكەن 300 وقۋشىنىڭ مەكتەپپەن پىكىر بىرلىگىنە كەلىپ، ‹كەلىسىم حۇجاتىنا› ساي ءىس ىستەۋ كەرەكتىگىن، وزگە وقۋشىنىڭ مەكتەپتەن وقۋ قاراجاتىن تالاپ ەتۋى مەن جاڭ مىزا اراسىندا ەشقانداي سەبەپ-سالدارلىق بايلانىستىڭ جوقتىعىن ەسكەرتتى.

‹ەگەر قىزمەتكەر كەڭسە توبىندا زاردابى اۋىر حابار-وشار تاراتسا، وندا ول زاڭدىق جاۋاپكەرشىلىك ارقالاۋعا ءتيىستى. ال ىستەگەن ءىسى جەڭىل بولسا، وندا وعان ەكونوميكالىق تولەم تولەتىپ، ونى قىزمەتتەن ايداپ جىبەرۋ زاڭعا تومپاق›،-دەيدى شىنياڭ قالاسىندا تۇراتىن وسى ىسكە جاۋاپتى بولعان سوتشى جىڭ حۇڭ.

جىڭ حۇڭ تىلشىگە ءۇنحات توبىندا اۋىزى كۇيىپ قىزمەتتەن ايدالعان تالاي قىزمەتشىنىڭ دەلوسىنا قاتىناسقانىن ايتتى.

ماسەلەن جيا ەسىمدى قىزمەتكەر اراق ءىشىپ العان سوڭ قىزمەتشىلەردىڭ ءۇنحات توبىندا ەسىرە سويلەپ، ەلىرىپ پىكىر بىلدىرگەن كورىنەدى، بۇنى بىلگەن سەرىكتىك ۇجىمى ونى سەرىكتىكتىڭ اتاعى مەن ابىرويىنا نۇقسان كەلتىردىڭ دەپ وعان اۋىر شارا قولدانىپ، ونى قىزمەتتەن ايداۋعا قول قويعان.

ەندى بىردە ي ەسىمدى ءبىر قىزمەتكەر قىزمەتشىلەر ءۇنحات توبىندا مەكەمەلەرىنىڭ كادىر باسقارۋ جاعىندا ولقىلىقتاردىڭ ءومىر ءسۇرىپ جاتقانىن ايتامىن،-دەپ پالەگە قالعان، بۇل دا سەرىكتىك جاعىنان رۋحاني تولەم مەن ەكونوميكالىق ايىپتاۋعا قۇسا ۇشىراپ، سوڭىندا قىزمەتتەن ايدالعان.

جيا ەسىمدى قىزمەتكەر قىزمەتشىلەردىڭ ءۇنحات توبىندا ءمورالسىز كەسكىن جولداعاسىن، سەرىكتىك ونىڭ ‹نوقتا-شىلبىرىن› قولعا ۇستاتقان.

جىڭ حۇڭنىڭ ايتۋىنشا قىزمەت ءۇنحات توبىندا تۋىلعان مۇنداي دەلولاردى قاراعاندا الدىمەن ايىپتالۋشىنىڭ ءسوز-ارەكەتىنە نازار اۋدارعان ءجون، شىنىمەن دە زاردابى اۋىر ما؟ اۋىر بولسا، وندا وعان ەسكەرتۋ جازاسىن بەرۋ كەرەك پە، الدە توتە قىزمەتتەن ايداپ جىبەرۋ كەرەك پە؟ سەرىكتىكتىڭ تۇزىمىنە قايشى كەلەتىن قانداي دالەل-سىپاتتار بار؟ وسىنىڭ بارىنە ىشكەرلەي نازار اۋدارۋ كەرەك.

جەكەنىكى ءسوز بە، الدە ۇيىمدىكى ءجون بە

ءتىلشى قالانىڭ جەر-جەرىندە تۇراتىن 28 سەرىكتىك قىزمەتكەرىنە تىلشىلىك جاسادى، ولاردىڭ بارىندە بىردەن قىزمەت ءۇنحات توبى بار ەكەن، ولاردىڭ كوبى بۇل توپتى ءوزىنىڭ ‹جەكەلىك› پاراقشاسى رەتىندە قارايدى.

ال ءبىراق سەرىكتىك تارابى بۇلاي دەپ قارامايدى، ‹سەن تۇتاس مەكەمەنىڭ قىزمەتشىلەرى وتىرعان توپتا ابايلاپ سويلەۋىڭ كەرەك، ارەكەتىڭ اسىپ بارا جاتسا، سەنى تايىراڭداتا المايمىز›،-دەيدى لياۋنيڭنىڭ ءمالىم ءبىر قۇرىلسى سەرىكتىگىنىڭ كادرلار ءبولىمنىڭ قىزمەتكەرى مىڭ فىڭچين.

اۋرەشىلىكتەن قۇتىلۋ ءۇشىن ءتۇزىم بەلگىلەۋ كەرەك

لياۋنيڭ چيڭسۇڭ ادۆاكات ورىنىنىڭ ادۆاكاتى ۋاڭ جينحاي ايتۋىنشا قاندايدا ءبىر ءۇنحات توبىندا بولسىن، جالعان، جارامسىز پىكىر بىلدىرگەندەردىڭ زاڭدىق جاۋاپكەرشىلىگى قۋزالۋى كەرەك. ينتەرنەت ەركىن بولعانىمەن ونىڭ دا ءوز ءتارتىبى بار. ماسەلەن ينتەرنەت توبىندا ينتەرنەت قولدانۋشى ينتەرنەتتەن پايدالانىپ زاڭ-بەلگىلەمەگە، مەملەكەتتىڭ زاڭ-جارلىقتارى شەكتەگەن حابار-وشاردى تاراتسا، وزگەلەردىڭ زاڭدىق ۇقىق مۇددەسىنە زيان جەتكىزسە، ءسوز جوق، قاتىستى زاڭدىق جاۋاپكەرشىلىكتى ۇستىنە الۋى كەرەك.

كىم توپتى قۇرسا، سول جاۋاپكەرشىلىك ارقالاۋى كەرەك، كىم باسقارسا سول جاۋاپتى بولۋى ءتيىس.

‹توپ باستىعى بولعان ەكەنسىڭ، وندا ءوزىڭ قۇرعان توبىڭنىڭ تىنىشتىعى مەن ءتارتىپ-تۇزىمىنە جاۋاپكەر بولۋىڭ كەرەك.توپتاعى بارلىق ادام زاڭ-تۇزىمگە بويسۇنىپ، مادەنيەتى دە ادەپتى سويلەپ، اقاۋسىز دا حاۋىپسىز ينتەرنەت ورتاسىن قالىپتاستىرۋى ءتيىس، ينتەرنەت پايدالانۋ جەكە ادامنىڭ ۇقىعى، زاڭعا بۇيسۇنۋ بارلىق ادامنىڭ ءىسى، سەرىكتىكتىڭ ءوز بىلگەنىنشە قىزمەتشىلەرىن جازالاۋ اسىرا سىلتەگەندىك، بارلىعى دا قيىسىندى بولعانى دۇرىس›،-دەيدى لياۋنيڭ بايلان ادۆاكات ورىنىنىڭ ورىنباسار مەڭگەرۋشىسى مىڭ يۇيپيڭ.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: