وسى حاباردى قولفوننان كورىڭىز
شي جينپيڭ وزبەكستاننىڭ زۇڭليى اليبوۆپەن كەزدەستى
  • ۋاقىتى: 2019-08-29
  • جولداۋشى: سارماي
  • كورىلىم : 121 رەت
  • قاينار: جۇڭگو قازاق راديو تورابى
  • باعالاۋ : 0 پارشا

ءوز حابارىمىز: مەملەكەت ءتوراعاسى شي جينپيڭ 8-ايدىڭ 28-كۇنى حالىق سارايىندا وزبەكستاننىڭ زۇڭليى اليبوۆپەن كەزدەستى.

شي جينپيڭ اليبوۆقا پرەزيدەنت ميرزيويەۆكە ىقىلاستى سالەمىن جەتكىزۋدى تاپسىردى. شي جينپيڭ مىنالاردى اتاپ كورسەتتى: جۇڭگو-وزبەكستان قارىم-قاتىناسىنىڭ سەكىرمەلى دامۋدى جۇزەگە اسىرۋىنىڭ تەتىگى--ەكى جاقتىڭ قاشاندا تاتۋ كورشىلىك، دوستىق، ءوزارا تيىمدىلىك، ءوزارا كومەكتەسۋ رۋحىنا بويسۇنىپ، ءوزارا قۇرمەت ەتۋ، تەڭدىك، ءوزارا تيىمدىلىك جاساۋ پرينسيبىنە باستان-اياق تاباندى بولىپ، ۇرپاقتان-ۇرپاققا جالعاسقان دوستىق، ورتاق دامۋ ۇستانىمىن اتقارۋىنىڭ ناتيجەسى.

شي جينپيڭ مىنالاردى باسا دارىپتەدى: جۇڭگو مەن وزبەكستان «ءبىر بەلدەۋ، ءبىر جولدى» جوعارى ساپامەن ورتاق قۇرۋدى ۇزدىكسىز ىلگەرىلەتىپ، مەملەكەتتىڭ دامۋ ستراتەگياسىن بارىنشا توعىسترىپ، شەكارا اتتاعان تاس جول مەن تەمىر جولدان ويداعىداي پايدالانىپ، ءوزارا بايلانىستى جيىلەتىپ، ەكونوميكا-ساۋدا، قارجى قوسۋ، جوعارى-جاڭا تەحنيكا، ەنەرگيا سياقتى سالالارداعى سەلبەستىكتى كەڭەيتىپ، گۋمانيتارلىق سەلبەستىكتىڭ تىڭ جارقىن ءتۇيىنىن جاراتۋ كەرەك. جۇڭگو وزبەكستاننان ساپالى اۋىل شارۋاشىلىق ونىمدەرىن يمپورت ەتۋ كولەمىن كەڭەيتۋدى قالايدى، 2 ـ كەزەكتى جۇڭگو حالىقارالىق يمپورت كورمەسىنە وزبەكستاننىڭ قۇرمەتتى قوناق رەتىندە قاتىناسۋىن قارسى الادى. ەكى جاق «ءۇش كەرى كۇش» جانە ەسىرتكى ساۋداسى سياقتى ەل اتتاعان ۇيىمدىق قىلمىستارعا بىرلەسە سوققى بەرىپ، ءوڭىردىڭ حاۋىپسىزدىگى مەن ەكى ەلدىڭ دامۋىن قامتاماسىز ەتۋلەرى كەرەك.

شي جينپيڭ مىنالاردى باسا دارىپتەدى: جۇڭگو وزگە ەلدەردىڭ تاريحتاعى مەملەكەت قۇدىرەتتەنسە، ءسوز جوق زورەكەر بولادى دەيتىن كونە سۇردەگىمەن جۇرمەيدى، جۇڭحۋا ۇلتىنىڭ كوركەيۋى-جۇڭگو حالقىنىڭ باقىتىن ءارى دۇنيە ءجۇزىنىڭ بەيبىتشىلىگى مەن ادامزاتتىڭ العا باسۋىنا ءتىپتى دە زور ۇلەس قوسۋدى ماقسات ەتەدى. جۇڭگو وزبەكستانمەن حالىقارالىق ىستەردەگى سايكەستىك پەن سەلبەستىكتى كۇشەيتىپ، ەكى ەلدىڭ ورتاق مۇددەسىن، كوپ جاقتىلىقتى قورعاپ، حالىقارالىق قاتىناستىڭ دەموكراتيالانۋىن جەبەۋدى قالايدى. جۇڭگو مەن وزبەكستان شاڭحاي سەلبەستىك ۇيىمىنا مۇشە ەلدەرمەن بىرگە تاعدىرلاس ورتاق تۇلعا تانىمىن كۇشەيتىپ، ءار سالاداعى سەلبەستىك دەڭگەيىن جوعارىلاتىپ، وسى ۇيىمنىڭ ونان ارى دامۋىن ىلگەرىلەتىپ، وڭىردەگى ءار ەل حالقىنا باقىت جاراتۋى كەرەك.

اليبوۆ پرەزيدەنت ميرزيويەۆتىڭ شي جينپيڭگە جولداعان ىقىلاستى سالەمىن جانە وسكەلەڭ قۇرمەتىن جەتكىزدى. پرەزيدەنت ميرزيويەۆ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قىزۋ قۇتتىقتاپ،ءتوراعا شي جينپيڭنىڭ باسشىلىعىندا جۇڭگونىڭ اناعۇرلىم گۇلدەنىپ-قۇدىرەتتەنىپ، ۇلتتىڭ ۇلى گۇلدەنۋىن ەرتەرەك جۇزەگە اسىرۋىن شىن جۇرەكتەن تىلەدى.

اليبوۆ بىلاي دەدى: جۇڭگو وزبەكستاننىڭ ەڭ جاقىن جانە ەڭ سەنىمدى كورشىسى جانە سەرىگى. وزبەكستان جۇڭگومەن بىرگە ەكى ەل باسشىلارى كەلىسكەن ماڭىزدى ورتاق تانىمدى باتىل تياناقتاندىرادى. پرەزيدەنت ميرزيويەۆ وزبەكىستان مەن جۇڭگونىڭ دامۋ ستراتەگياسىن ۇشتاستىرىپ، «ءبىر بەلدەۋ، ءبىر جول» سەلبەستىگىن بەلسەنە ىلگەرىلەتىپ، حالىقتىق جانە گۋمانيتارلىق اۋىس-كۇيىستى كەڭەيتىپ، ەكى ەلدىڭ ءداستۇرلى دوستىعىن تەرەڭدەتۋ ءۇشىن وزبەكستاندا ارناۋلى قۇرىلىم قۇرۋدى بەلگىلەدى. وزبەكستاننىڭ جۇڭگونىڭ مەملەكەتتىڭ يەلىك ۇقىعىن، حاۋىپسىزدىگىن جانە بىرلىككە كەلۋىن قورعاۋىن باتىل قولداپ، جۇڭگونىڭ «ءۇش كەرى كۇشكە» سوققى بەرۋىنە بەلسەنە سايكەسۋدى قالايتىندىعىن ايىتتى.

ياڭ جيەچى، ۋاڭ ي، حى ليفىڭ قاتارلىلار كەزدەسۋدە بىرگە بولدى.

8 ـ ايدىڭ 28-كۇنى تۇستەن كەيىن اليبوۆ تيان-انمىن الاڭىنا بارىپ، حالىق قاھارماندارى ەسكەرتكىشىنە گۇل شەڭبەر قويدى.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: