وسى حاباردى قولفوننان كورىڭىز
شي جينپيڭ اۋە ارمياسىنىڭ بەلگىلى بازاسىن كوزدەن كەشىردى
  • ۋاقىتى: 2019-08-27
  • جولداۋشى: اراي
  • كورىلىم : 76 رەت
  • قاينار: ءتاڭىرتاۋ تورابى
  • باعالاۋ : 0 پارشا

8 - ايدىڭ 22 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اۋە ارمياسىنىڭ بەلگىلى بازاسىن كوزدەن كەشىردى. سۋرەتتە: شي جينپيڭ گانسۋدا تۇراتىن اسكەري بولىمدەردىڭ ورىنباسار شى دارەجەلىدەن جوعارى باسشى كادرلاردى جانە تۋان دارەجەلى ورىنداردىڭ نەگىزگى كومانديرلارىن ىقىلاسپەن قابىلداۋدا. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

شي جينپيڭ اۋە ارمياسىنىڭ بەلگىلى بازاسىن كوزدەن كەشىرگەندە بىلاي دەپ باسا دارىپتەدى

اۋەلگى ماقساتتى، بورىشتى ەستە بەرىك ساقتاپ، جەڭىپ شىعۋ قابىلەتىن جوعارىلاتىپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەمەن قۇتتىقتاۋ كەرەك

شينحۋا اگەنتتىگىنىڭ 8 - ايدىڭ 23 - كۇنى لانجوۋدان بەرگەن حابارى (تىلشىلەر لي شۇانلياڭ، جاڭ يۇيچيڭ). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 8 - ايدىڭ 22 - كۇنى اۋە ارمياسىنىڭ بەلگىلى بازاسىن كوزدەن كەشىردى. ول بىلاي دەپ باسا دارىپتەدى: جاڭا ءداۋىر جۇڭگوشا سوتسياليزم يدەياسىن جانە جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، اۋەلگى ماقساتتى، بورىشتى ەستە بەرىك ساقتاپ، جەڭىپ شىعۋ قابىلەتىن جوعارىلاتىپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەمەن قۇتتىقتاۋ كەرەك.

8 - ايداعى گانسۋدىڭ كەڭ - بايتاق دالاسىندا اسپان شايداي اشىلىپ، سالقىن سامال ەستى، بارلىق جەردەن جالىندى تىرشىلىك لەبى ەسەدى. تۇستەن بۇرىن ساعات 10 شاماسىندا، شي جينپيڭ اۆتوكولىكپەن اۋە ارمياسىنىڭ بەلگىلى بازاسىنا كەلدى. قىزۋ قول شاپالاق ءۇنى ىشىندە، شي جينپيڭ گانسۋدا تۇراتىن اسكەري بولىمدەردىڭ ورىنباسار شى دارەجەلىدەن جوعارى باسشى كادرلاردى جانە تۋان دارەجەلى ورىنداردىڭ نەگىزگى كومانديرلارىن ىقىلاسپەن قابىلداپ، كوپشىلىكپەن ەستەلىك سۋرەتكە ءتۇستى.

سوعىسقا قولباسشىلىق ەتۋ ورتالىعىندا، كوماندير - جاۋىنگەرلەر قاۋىرت جۇمىس ىستەپ جاتتى. شي جينپيڭ وسى اراعا كەلىپ، كەزەكشىلىك ورىندارىن كورىپ، قاتىستى تانىستىرۋدى تىڭداپ، سوعىس دايىندىعى كەزەكشىلىگى مەن جاتتىعۋ جاعدايىن ەگجەي - تەگجەيلى ۇعىستى.

شي جينپيڭ بەينەجازبا ارقىلى بازاداعى قاتىستى اسكەري بولىمدەردى كوردى. بەلگىلى رادار پۋنكتى تەڭىز دەڭگەيىنەن 3600 نەشە مەتر بيىكتىكتەگى ۇستىرتكە ورنالاسقان، جىل بويى سوعىس دايىندىعى كەزەكشىلىك مىندەتىن ۇستىنە العان. شي جينپيڭ كوماندير - جاۋىنگەرلەردىڭ قىزمەت جانە تۇرمىس جاعدايىن سۇراپ، ولاردى ءداستۇردى ساۋلەلەندىرىپ، قاسيەتتى ساقتاپ، بەرىك ساپانى شىڭداپ، ادالدىقپەن بورىش وتەپ، جاۋاپكەرشىلىكتى ادا ەتۋگە شابىتتاندىردى. بەلگىلى تاسىمال ىزدەۋ - قۇتقارۋ تۋانى سوعىس دايىندىعى جاتتىعۋىن كۇشەيتۋمەن قاتار، ءۇرتىس 30 نەشە جىل ۇشاقپەن تۇقىم شاشىپ ورمان ءوسىرۋ مىندەتىن اتقاردى. شي جينپيڭ ولاردىڭ قول جەتكىزگەن ناتيجەلەرىن تۇراقتاندىرىپ، ولاردان حالىق ارمياسىنىڭ ءتۇبىرلى باستى ماقساتىن ەستە بەرىك ساقتاپ، مەملەكەتتىڭ ەكونوميكالىق، قوعامدىق قۇرىلىسىنا ۇزدىكسىز كومەكتەسىپ، پارتيا مەن حالىق جۇكتەگەن بورىش پەن مىندەتتى ويداعىداي ورىنداۋدى ءۇمىت ەتتى.

ونان سوڭ، شي جينپيڭ بازانىڭ قىزمەت مالىمەتىن تىڭدادى ءارى ماڭىزدى ءسوز سويلەدى. ول بىلاي دەپ باسا دارىپتەدى: جاڭا جۇڭگو قۇرىلعاندىعىنىڭ 70 جىلدىعى قارساڭىندا ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋ ءدال ۋاعىندا بولدى، ماڭىزى زور. پارتيا ورتالىق كوميتەتىنىڭ بەكىمى مەن ماقساتىن ىشكەرىلەي ۇعىنىپ، ساياسي دەڭگەيدى ءوسىرىپ، ۇيىمدىق باسشىلىقتى كۇشەيتىپ، نەگىزگى تاقىرىپتىق تاربيەنىڭ ناقتى ونىمگە قول جەتكىزۋىنە شىنايى كەپىلدىك ەتۋ كەرەك. نەگىزگى تاقىرىپتىق تاربيەدە ناقتى ونىمگە باسا ءمان بەرىپ، ءار الۋان فورماشىلدىقتى، تورەشىلدىكتى جويۋ كەرەك. ماسەلەنى باعدار ەتۋدەن جازباي، ءىس جۇزىندىك جاعدايعا تىعىز بىرلەستىرە وتىرىپ ماسەلەلەردى تەكسەرىپ ورتاعا سالىپ، ماسەلەلەردى شىنداپ شەشۋ كەرەك.

شي جينپيڭ بىلاي دەپ اتاپ كورسەتتى: جاۋاپكەرشىلىك ارقالاۋدى كۇشەيتىپ، شىنايى يگەرىپ، ناقتى دايىندىق ىستەپ، تالىقپاي دايىندالىپ، بىرەر ءىس تۋىلا قالسا شەپكە اتتانۋعا، جەڭىپ شىعۋعا شىنايى كەپىلدىك ەتۋ كەرەك. ناقتى سوعىس، ناقتى جاتتىعۋعا، بىرلەسكەن سوعىسقا، بىرلەسكەن جاتتىعۋعا تاباندى بولىپ، قارسىلاسۋ سيپاتتى، باعىتتامالى سيپاتتى، سايكەسۋ سيپاتتى جاتتىعۋدى كۇشەيتىپ، جاتتىعۋدىڭ ساپاسى مەن دەڭگەيىن ءوسىرۋ كەرەك. سوعىس ارقىلى قۇرىلىسقا جەتەكشىلىك ەتۋ، جاتتىعۋ ارقىلى قۇرىلىستى جەبەۋ رولىن ساۋلەلەندىرىپ، سوعىستىق قۋات جانە قامتاماسىز ەتۋ قۋاتى قۇرىلىسىن كۇشەيتۋ كەرەك.

شي جينپيڭ بىلاي دەپ باسا دارىپتەدى: پارتيانى جاپپاي قاتاڭ جونگە سالۋدى، ارميانى جاپپاي قاتاڭ جونگە سالۋدى مىقتى يگەرىپ، ۇدايىلىق يدەيالىق قىزمەت پەن ۇدايىلىق باسقارۋ قىزمەتىن جاقسى ىستەپ، اسكەري ءبولىمنىڭ وسكەلەڭ شوعىرلى بىرلىگىنە جانە كىرشىكسىزدىگىن بەكەمدەۋگە شىنايى كەپىلدىك ەتۋ، اسكەري ءبولىمنىڭ حاۋىپسىزدىگى مەن ورنىقتىلىعىنا شىنايى كەپىلدىك ەتۋ كەرەك. قاتاڭ باسقارۋ مەن سۇيىسپەنشىلىكتى ۇشتاستىرۋعا تاباندى بولىپ، اسكەردى شىن پەيىلمەن باستاپ، اسكەردى سۇيىسپەنشىلىكپەن باستاپ، اسكەري ءبولىمنىڭ ۇيىسۋ قۋاتى مەن جاۋىنگەرلىك قۋاتىن كۇشەيتۋ كەرەك. قىزمەتتىڭ سالماعىن نەگىزگى ساتىعا قويىپ، نەگىزگى ساتى پارتيا ۇيىمىنىڭ يقۋاتىن كۇشەيتىپ، نەگىزگى ساتى قۇرىلىسىنىڭ جاپپاي العا باسۋىن، جان - جاقتى كەمەلدەنۋىن ىلگەرىلەتۋ كەرەك. ءار دارەجەلى ورىندار كوكىرەك تولى ىستىق ىقىلاسپەن كوماندير - جاۋىنگەرلەردى الاڭنان ارىلتىپ، قيىنشىلىعىن شەشىپ، نەگىزگى ساتىنىڭ اۋىرتپالىعىن جەڭىلدەتىپ، قالىڭ كوماندير - جاۋىنگەرلەردى زەيىن - زەردەنى شوعىرلاندىرا وتىرىپ ءىس تىندىرىپ، ناتيجە شىعارۋعا جىگەرلەندىرۋ كەرەك.

شۇي چيلياڭ قاتارلىلار قيمىلعا قاتىناستى.

جاۋاپتى رەداكتور : سايراش تۇرارجان

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: