وسى حاباردى قولفوننان كورىڭىز
تانىستىرىلعان جاڭالىقتار   国内新闻
جاستار نەگە ۇيلەنبەيدى، كەدەيلىك پە، كەرجاقتىق پا؟
  • ۋاقىتى: 2019-08-26
  • جولداۋشى: سارماي
  • كورىلىم : 281 رەت
  • قاينار: جۇڭگو قازاق راديو تورابى
  • باعالاۋ : 1 پارشا

تاياۋدا حالىق ىستەرى مينيسترلىگى ‹2018-جىلعى حالىق ىستەرى دامۋ ساناعىنىڭ مازمۇنداماسىن› جاريالادى. ‹مازمۇندامادا› 2018-جىلى ەلىمىزدە ۇيلەنەتىندەردىڭ سانى %7.3 بولىپ، بۇل وتكەن جىلعى ساناقپەن سالىستىرعاندا %0.4 تومەندەپ كەتكەن ەكەن.

بۇنى ماماندار 11 جىلدان بەرگى ەڭ جاڭا ‹رەكوردتىق قۇلدىراۋ› دەپ ەسەپتەپ وتىر.

بۇل جايىندا قوعامداعى ادامداردىڭ پىكىرى دە الا-قۇلا.

سونىڭ ىشىندە: ‹قازىرگى كۇنى جاستار ۇيلەنگىسى كەلمەيدى، ويتكەنى ولار ۇيلەنسەك كەدەيشىلىك تارتامىز، تۇرمىستان ءلاززات تابا المايمىز،-دەپ ەسەپتەيدى›،-دەگەن پىكىردىڭ جانى بار سياقتى.

بويداق جۇرسەك، قالتامىز شىنىمەن دە قالىڭداي ما؟ بويداقتىق بىزگە قانشالىق بايلىق ءجيىپ بەرە الادى...وسى تاقىرىپ اياسىندا ءتىلشى سۇر بويداقتارمەن سىر ءبولىسىپ قايتتى.

ەندەشە، قازىرگى جاستاردىڭ ۇيلەنۋ تۋراسىندا ويى قانداي، ولاردىڭ باسىنان كەشىپ جاتقان تۇرمىسى ءسىزدىڭ ويلاعانىڭىزداي ما، قىزىقساڭىز، اڭگىمەنى بويداقتاردىڭ ءوز اۋىزىنان ەستىڭىز.

‹ايتەۋىر ەبىن تاۋىپ، عاشىقتار مەرەكەسىندە وزىمە-ءوزىم تارتۋ ۇسىنامىن›

‹شىنىمدى ايتايىن، بويداق بولساڭ، ءوز-وزىڭە تارتۋ ۇسىنا الاسىڭ›،-دەيدى 26 جاستاعى لي كى ءوزىنىڭ ءبىر جارىم جىلدان بەرگى بويداقتىق تۇرمىسىن ەسىنە الىپ.

ول بويداقتىقتىڭ شارباعىنا قامالعاننان بەرى قۇددى ءوزىن زاتتىق تۇرمىستىڭ ىرعىن باعىنا كىرگەن كىسىدەي سەزىنىپتى.

ول بويداقتىقپەن دوستاسقالى بارلىق جاعدايدى وزىنە قاراي يكەمدەي بىلگەن كورىنەدى، ءوزىن-ءوزى كۇتىپ، ءوزىن-ءوزى قوناق ەتىپ، ءوز-وزىنە تارتۋ ۇسىنىپ دەگەندەي...

ەكونوميكانىڭ جوعارى ورلەۋىنە ىلەسە، لي كى سىندى بويداقتاردىڭ سانى دا جىلدان-جىلعا ارتىپ كەلەدى. ولار بويداق بولساق اقشا ءجيا الامىز، بويداق بولساق، ءوز تاپقانىمىزدى ءوزىمىز ىستەتە الامىز،-دەپ ويلايدى.

‹تۇرمىستىق قاراجاتىمدى ەسەپكە الماعاندا، اي سايىن ءوز باسىما كەمىندە 2500 يۋان جۇمساپ وتىرامىن، قىز بالا بولعان سوڭ ساندەنەسىڭ، موددى كيىمدەرگە قۇمارتاسىڭ، دەنە شىنىقتىرۋ زالىنا باراسىڭ...

ءبىراق مەن كەيبىر دوستارىم قۇساپ ايلىعىن شايلىعىنا جەتكىزە الماي سەنىمدىلىك كارتوچكا ءبىتىرىپ، اقشا شاشاتىن جانداردان ەمەسپىن، ورتا دارەجەلى تۇتىنۋشىمىن، كىرىس پەن شىعىسىمدى تەڭشەپ وتىرۋعا كۇش سالامىن›،-دەيدى لي كى ءوزىنىڭ بويداقتىق تۇرمىسىنا جۇمسالاتىن قارجىنى ەسەپتەپ.

اسحاناعا بارىپ جالعىز تاماق ىشكەننەن گورى سىرتتان تاماق الدىرا سالعانىم الدە قايدا قايىرلى

ءبىر ءوزى ءان ايتىپ، ءبىر ءوزى تاماقتانىپ، ءبىر ءوزى كينو كورىپ تۇرمىستان ءلاززات تاباتىن بويداقتاردا از ەمەس ەكەن.

سىرتقى ساۋدامەن شۇعىلداناتىن ۋاڭ جى دا انە سونداي جاستاردىڭ ءبىرى. ول كوشەدەگى اسحاناعا بارىپ، جاپادان جالعىز تاماقتانىپ وتىرعاندى قۇپ كورمەيدى، ول قارىنى اشسا بولدى، تەلەفون دايىن، اقشا دايىن اسحانالارعا تەلەفون بەرىپ، تاماق الدىرا سالادى.

‹مەن ءوزىم ۇيدە تاماق ىستەگەندى ۇناتپايمىن، سەنبى-جەكسەنبى كۇندەرى سىرتتان تاماق الدىرامىن، ال كينو كورۋگە بارسام، ورتا جولدان ۇساق-تۇيەك نارسە جەي سالامىن، اسحانالاردىڭ ۇيگە تاماق اكەپ بەرەتىنى ءبىز سياقتى سۇر بويداقتارعا باپ بولدى›،-دەيدى ول كۇلىپ.

‹بويداقتاردىڭ ەكونوميكالىق، تۇرمىستىق احۋالدارى› دەيتىن مالىمەتكە كوز قىدىرتساق، بويداقتاردىڭ كوبى نە سىرتتان تاماقتاناتىندار نە بولماسا سىرتتان تاماق الدىرىپ ىشەتىندەردىڭ توبىنان ەكەن.

ادەتتە ۇيلەنگەندەردىڭ دەنى ۇيدە تاماق ىستەۋدى تۇرمىستىڭ ەڭ تاماشا ءلاززاتى دەپ سەزىنسە، قازىرگىنىڭ بويداقتارى ونى تۇرمىستىڭ ەڭ ءبىر اۋىر جۇگى،-دەپ ويلايدى ەكەن.

‹ۇيلەنسەم دە ساياحاتقا جالعىز شىعامىن›

29 جاستاعى مىڭ ران اكە-شەشەسىمەن بىرگە تۇرادى، ءوزى سىرتقى ساۋدا سەرىكتەستىگىنىڭ اتقارۋشى جوراسى، ول قىزمەت سەبەبىمەن سىرتقا ۇدايى شىعىپ تۇرادى. بۇل وعان ەل كورەتىن، جەر تانيتىن وراي سيلادى. كۇندەر وتە كەلە ول ساپارعا جالعىز شىعىپ، جەكە دارا ساياحاتتاپ، وزىمەن- ءوزى قىدىرعاندى ۇناتىپ قالدى.

اگار-اكىم ۇيدەگىلەرى وعان بىرگە ساياحاتتاپ كەلەيىك دەسە، ول ەكى قولىن تاس توبەسىنە قويادى. بۇنىڭ سەبەبىن سۇراساڭ، ول بىلاي دەپ ءۋاج ايتادى:

‹اكە-شەشەڭمەن، ۇيدەگىلەرىڭمەن سىرتقا شىقساڭ، وندا سەن ولاردىڭ ءسوزىن تىڭداۋىڭ كەرەك، ءجۇر دەگەنىنە ءجۇرىپ، تۇر دەگەنىنە تۇرۋىڭ كەرەك، ءبىر سوزبەن ايتقاندا سەن ولاردىڭ جەكە مەنشىك اپپاراتشىسى بولاسىڭ عوي.

ال جىگىتىڭ بولسا، وندا تىپتەن قيىن، مەن ءوزى كوزقاراسىم مەن ويىمنان قايتپايتىن پەندەمىن، بۇرىنعى جىگىتىممەن تالاي رەت سوزگە كەلىسىپ قالدىم، سودان قۇرىسىن دەدىم دە، بويداقتىق جولعا ءتۇسىپ كەتتىم، قازىر ءوزى ويىممەن ءوزىم اۋرەمىن، ءوز بيلىگىڭ وزىڭدە بولىپ سەرۋەندەگەنگە نە جەتسىن›.

مىڭ ران ۇيلەنۋگە اسىقپايدى، اسىقپايتىنى وزىنە ءتان كەڭىستىك پەن ويدان ايىرىلىپ قالامىن،-دەيدى.

‹ەگەر بولاشاقتا ۇيلەنىپ جاتسام›،-دەيدى ول: ‹وندا ساياحاتقا تاعى دا جالعىز شىعامىن، بالا-شاعانى شۋلاتىپ، ميدان تۇتىن شىعاراتىن كۇيىم جوق، ماعان كەرەگى كەرىمسال تابيعاتتا جاپادان جالعىز كەزۋ›.

‹مىسىق مەنىڭ بالام سياقتى›

بويداقتىقتى ءومىردى قۇپ كورگەن قىز-جىگىتتەردىڭ ءبىر تالايى قازىر ۇيىندە مىسىق پەن كۇشىك باعاتىن ادەت تاپتى، سۇڭ شىن ءتورت جىلدىڭ الدىندا ءبىر مارعاۋ ساتىپ الدى، مارعاۋ ەسەيىپ، ءجۇنى تۇبىتتەنىپ مىسىق بولدى. قازىر ونى قۇددى بالاسىنداي قارايدى.

ول مارعاۋدىڭ كۇتىمىنە جىلىنا ون مىڭ يۋانداي اقشا جۇمسايدى، تاياۋدا ول مىسىعىنىڭ دەنساۋلىعىن تەكسەرتتى، تەكسەرتۋ اقىسى 900 يۋان بولدى.

مارعاۋدىڭ كوزى اۋىرىپ قالىپ ەدى، سۇڭ شىن وعان 60 يۋان جۇمساپ كوز ءدارى الىپ بەردى. ءاسىلى شيپاگەر وعان 2 يۋاندىق كوز ءدارىسىن الىپ بەرسەڭ دە بولادى،-دەپ كەڭەس بەرىپ ەدى، وعان سۇڭ بيكەشتىڭ كوڭىلى قىمبات ءدارىنى قالادى، مارعاۋ ونىڭ جانى ەدى.

‹مىسىعىم مەنىڭ قۇددى بالام سياقتى، قىزمەتىم قانشا قاربالاس بولسا دا، ونى ۇنەمى ويلاپ وتىرامىن، انەۋ كۇنى ۇيگە كەلسەم، ول ەسىكتى تىرمالاپ جاتىر ەكەن، قارىنى ابدەن اشىپتى، جۇرەگىمنىڭ اۋىرعانىن ايتىپ سۇراما، ءوزىم اش قالسام دا وسى مىسىعىم اش قالماسا ەكەن،-دەپ تىلەيمىن›،-دەيدى بويداق قىز.

قازىر كوپتەگەن جاس بويداقتار ەرمەك حايۋاناتتاردى باققاندى جاقسى كورەدى، بۇل ولاردىڭ مەيىر مەن سۇيىسپەنشىلىكتى اڭساپ جۇرگەنىن، ءبىر سوزبەن ايتقاندا ءبىر جىلى قۇشاقتى كۇتىپ جۇرگەنىن بىلدىرسە كەرەك.

ەندەشە، بويداقتىققا نە جورىق، جوق، الدە بويداق جۇرسەك شىنىمەن دە اقشامىز ۇنەمدەلىپ، اسىعىمىز الشىسىنان تۇسە قالاما؟

ال ەندى، ءسىزدىڭ پىكىرىڭىز قالاي؟ ماقالامىزدىڭ سوڭىنا ءوز پىكىرلەرىڭىزدى قالتىرا كەتىڭىزدەر.

جالپى 1 پارشا لەبىز
توراپتاستار لەبىزى
اتى-ءجونى: ەرزات       ۋاقىتى: 2019-08-27 07:46:06

باس ەكەۋ بولماي مال تورتەۋ بولمايدى، باس قۇراپ العان جاقسى، بالاڭ بولادى سۇيكمدى، جارىڭ بولادى، لازاتتى سوندا سەزىنەسىڭ !

اتى-ءجونى: كوكەك نومەرى:

تەكسەرۋ نومەرى: