وسى حاباردى قولفوننان كورىڭىز
ولەر الدىندا وتىنگەن ەر ادام مارقۇم قىزىنا بەرگەن ۋادەنى ورىنداۋ ءۇشىن 90 كيلوگرام ارىقتادى
  • ۋاقىتى: 2019-08-26
  • جولداۋشى: سارماي
  • كورىلىم : 166 رەت
  • قاينار: Stan.kz
  • باعالاۋ : 0 پارشا

ۋەلس قالاسىنىڭ تۇرعىنى قىزىنىڭ ولەر الدىندا ايتقان سوڭعى ءوتىنىشىن ورىنداۋ ءۇشىن 90 كيلوگرامعا ارىقتادى، دەپ حابارلايدى Stan اقپارات اگەنتتىگى Wales Online سايتىنا سىلتەمە جاساپ.

56 جاستاعى مايك ساممەرستىڭ قىزى وسىدان ءۇش جىل بۇرىن كەۋدە راگىنان كوز جۇمعان.

«سوڭعى رەت سويلەسكەنىمىزدە ول ماعان كۇيەۋ بالاما بالالاردى وسىرۋگە كومەكتەسۋىمدى سۇرادى»، -دەيدى ول.

وسى كەزدە ساممەرستىڭ سالماعى 170 كيلوگرام ەدى. سونداي-اق، ول جۇرەك پەن وكپە سوزىلمالى اۋرۋلارىنا شالدىققان.

«قىزىمدى جوعالتقاننان كەيىن عانا ماعان بىرنارسە بولسا، باسقالاردىڭ دا ءومىرىنىڭ استاڭ-كەستەڭى شىعاتىنىن ءتۇسىندىم»، -دەيدى ول.

بۇعان قاراماستان، مايك ءبىر دە ءبىر رەت جامان ادەتتەرىنەن باس تارتپاعان. ول تاڭنان كەشكە دەيىن تاڭعى اسقا ءبالىش، كەيىن بۋتەربرود، ءدامحانالارعا بارىپ جانە تاپسىرىس بەرىپ العىزىپ جەپ وتىرعان. باسقا ۋاقىتتىڭ وزىندە دە تاماق جەپ وتىراتىن بولعان. 2018- جىلدىڭ باسىندا ونىڭ دەنساۋلىعى ناشارلاپ، اۋرۋحاناعا ءتۇسىپ قالادى.

«مەن مۇنى ءوزىمنىڭ باس پايدام ءۇشىن ەمەس، جاقىندارىم ءۇشىن جاسادىم»، -دەپ ءتۇسىندىردى مايك ارىقتاۋ ورتالىعىنا بارۋ سەبەبىن.

ءبىر جىل بۇرىن ساممەرس Slimming World ۇيىمى ۇسىنعان ارىقتاۋ باعدارلاماسىنا جازىلعان. ديەتا مەن فيزيكالىق بەلسەندىلىكتىڭ ارقاسىندا ول 12 اي ىشىندە 76 كيلوگرامعا ارىقتادى.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: