وسى حاباردى قولفوننان كورىڭىز
تانىستىرىلعان جاڭالىقتار   国内新闻
يندونەزيا ەلى استاناسىن اۋىستىرماق
  • ۋاقىتى: 2019-04-30
  • جولداۋشى: سارماي
  • كورىلىم : 504 رەت
  • قاينار: ماسساگەت
  • باعالاۋ : 0 پارشا

يندونەزيا پرەزيدەنتى يوكو ۆيدودو ەل استاناسىن دجاكارتادان وزگە قالاعا اۋىستىرۋ تۋرالى جوسپارىن ايتتى. بۇل تۋرالى مەملەكەت باسشىسى ۇكىمەت وتىرىسى كەزىندە حابارلاعان.

-دجاكارتا ءبىر مەزەتتە ەكى بىردەي ماڭىزدى ءىستىڭ (قارجى جانە ساياسات) ورتالىعى بولا المايدى،- دەگەن پرەزيدەنت.

سونداي-اق يوكو ۆيدودو ەل استاناسىن اۋىستىرعان ءۇش ەلدى مىسالعا كەلتىرە كەتكەن. ونىڭ ءبىرى- قازاقستان.

-ءبىز دە وسىلاي جاساي الامىز. ول ءۇشىن تىڭعىلىقتى دايىندالۋىمىز كەرەك،- دەگەن ەلدىڭ باسشىسى.

جاڭا استانا بولاتىن ايماقتى بارلىق فاكتور تۇرعىسىنان دۇرىس تاڭداۋ تۋرالى بۇيرىق بەرگەن. قازىرگى تاڭدا ەل بيلىگى تاڭداۋى ءۇش ايماققا تۇسۋدە. ولار-پالانكارايا قالاسى (ورتالىق كاليمانتان)، تاناح بۋمبۋ وكرۋگى (وڭتۇستىك كاليمانتان) جانە پەنادجام پروۆينتسياسى (شىعىس كاليمانتان).

ەلدەگى ۇلتتىق دامۋ ءمينيسترى بامبانگ برودجونەگورو حابارلاعانداي، استانانى اۋىستىرۋ ۋاقىتى 10 جىلعا سوزىلۋى مۇمكىن. ال اۋىستىرۋدىڭ ءبىر سەبەبى- دجاكارتا قالاسى ورنالاسقان ياۆا ارالىندا حالىقتىڭ سانى تىم ارتىپ كەتكەن.

ايتا كەتەيىك، يندونەزيادا 17- ءساۋىر كۇنى پرەزيدەنت سايلاۋى وتكەن بولاتىن. قازىرگى تاڭدا داۋىستاردىڭ 50 %ى سانالعان. قازىرگى مەملەكەت باسشىسى باستى قارسىلاسىنان ايقىن الدا كەلەدى. ساراپشىلار پىكىرى بويىنشا استانانى اۋىستىرۋ تۋرالى شەشىم يوكو ۆيدودو رەسمي تۇردە ەكىنشى رەت سايلانعاننان كەيىن قابىلداناتىن كورىنەدى.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: