وسى حاباردى قولفوننان كورىڭىز
تانىستىرىلعان جاڭالىقتار   国内新闻
3600 جىل بۇرىن سۋعا باتقان كەمە انتاليادان تابىلدى
  • ۋاقىتى: 2019-04-25
  • جولداۋشى: سارماي
  • كورىلىم : 981 رەت
  • قاينار: ماسساگەت
  • باعالاۋ : 0 پارشا

جەرورتا تەڭىزىنىڭ انتالياعا جاقىن جاعالاۋىنان وسىدان 3600 جىل بۇرىن سۋعا باتقان ەسكى كەمە تابىلدى. ۇزىندىعى 14 مەتر سۋ كولىگىنىڭ بورتىندا 1.5 توننا مىس قۇيماسى بولعان. زەرتتەۋشىلەردىڭ بولجامى بويىنشا، كەمە ەگەي تەڭىزىنە ءجۇزىپ بارا جاتىپ الاپات داۋىلدىڭ كوتەرىلۋىنەن سۋعا كەتكەن.

«قازىرگى ۋاقىتتا تابىلعان كەمە سىنىقتارىنا زەرتتەۋ جۇمىستارى جۇرگىزىلىپ جاتىر. عالىمدارىڭ ايتۋىنشا، بۇل سۋ كولىگى سول كەزەڭدەگى العاشقى ونەركاسىپتىك تاۋارلاردى تاسىمالداعان»،- دەيدى انتاليا پروۆينتسياسىنىڭ گۋبەرناتورى مۋنير كاراوگلۋ.

«Akdeniz» ۋنيۆەرسيتەتىنىڭ زەرتتەۋشىلەرىنەن قۇرالعان توپ مۇشەسىنىڭ ايتۋىنشا، بۇل سۋاستى ارحەولوگياسى ءۇشىن ۇلكەن ولجا. الداعى ۋاقىتتا جۇمىستى تولىققاندى زەرتتەۋ ءتۇسۋ ءۇشىن قوسىمشا ارحەولوگتار توبى شاقىرتىلماق.

مۋنير كاراوگلۋدىڭ ايتۋىنشا، كەمە بورتىنان تابىلعان بارلىق زاتتار كەمەر مۇراجايىنا وتكىزىلەدى. كەمەر قالاسى ەندى سۋاستى ارحەولوگياسىنا باي بىرەگەي ايماققا اينالماق.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: