كەرۋەن حابار كانالى|www.Kerwen.com 新疆最大哈萨克门户娱乐新闻网 新疆凯软哈萨克网 |哈萨克新闻|哈萨克娱乐新闻|哈萨克明星关注│哈萨克电影新闻 |哈萨克最大娱乐门户网, 凯软哈萨克网, 哈萨克网站, |哈萨克文化, 哈萨克视频, 哈萨克音乐试听, 哈语歌曲下载网, kazakh, qazaq, kazak, kerwen, kerwen.com
وسى حاباردى قولفوننان كورىڭىز
شي جينپيڭ ابۋدابيگە بارىپ اراب بىرىككەن امىرلىگىندە مەملەكەتتىك ساپاردا بولدى
  • ۋاقىتى: 2018-07-20
  • جولداۋشى: سارماي
  • كورىلىم : 115 رەت
  • قاينار: جۇڭگو قازاق راديو تورابى
  • باعالاۋ : 0 پارشا

ٴوز حابارىمىز: 19-شىلدە كۇنى، مەملەكەت ٴتوراعاسى شي جينپيڭ ارناۋلى ايروپلانمەن ابۋدابيگە بارىپ، اراب بىرىككەن امىرلىگىندەگى مەملەكەتتىك ساپارىن باستادى.

شي جينپيڭ وتىرعان ايروپلان اراب بىرىككەن امىرلىگىنىڭ اۋە كەڭىستىگىنە كىرگەن كەزدە، اراب بىرىككەن امىرلىگى اۋە ارمياسىنىڭ سوعىس ايروپلانى اۋەگە كوتەرىلىپ قورعادى. جەرلىك ۋاقىت تۇستەن كەيىن ساعات 5 تەن 40 مينۋت وتكەندە ارناۋلى ايروپلان ابۋدابي پرەزيدەنت اۋە جايىنا قوندى. شي جينپيڭ مەن زايىبى پىڭ لييۋان ايروپلاننان تۇسكەن كەزدە اراب بىرىككەن امىرلىگىنىڭ ورىنباسار پرەزيدەنتى جانە زۇڭليى مۇحامەد، ابۋدابيدىڭ پاتشا مۇراگەرى مۇحاممەد قاتارلىلار قىزۋ قارسى الدى. اراب بىرىككەن امىرلىگىندەگى بالالار شي جينپيڭ مەن پىڭ لييۋانعا گۇل ۇسىندى.

ورىنباسار پرەزيدەنت جانە زۇڭلي مۇحاممەد اۋە جايدا شي جينپيڭگە ارناپ قارسى الۋ سالتىن وتكىزدى.

شي جينپيڭ مەن پىڭ لييۋان ورىنباسار پرەزيدەنت جانە زۇڭلي مۇحاممەد، پاتشا مۇراگەرى مۇحامەتتىڭ سەرىك بولۋىندا پاراتتان وتكىزۋ زالىنا باردى، جول بويى سالتانات قاراۋىل قوسىنى ساپ تۇزەپ قارسى الدى. 21 رەت ساليت اتىلدى. شي جينپيڭ مەن پىڭ لييۋان ورىنباسار پرەزيدەنت جانە زۇڭلي مۇحاممەتپەن بىرگە پارات مىنبەسىنە شىقتى. اسكەري وركەستر جۇڭگو گيمىنىن ورىندادى. سوڭىنان شي جينپيڭ مەن پىڭ لييۋان ورىنباسار پرەزيدەنت جانە زۇڭلي مۇحاممەد، پاتشا مۇراگەرى مۇحاممەتتىڭ سەرىك بولۋىندا كەزدەسۋ زالىنا باردى ٴارى اراب بىرىككەن امىرلىگى بيلىك كەڭسەسىنىڭ باستى مينيسترلەرى، پاتشا اۋلەتىنىڭ باستى مۇشەلەرىمەن قول الىسىپ ىقلاستى اڭگىمەلەستى.

شي جينپيڭ جۇڭگو ۇكىمەتى مەن حالقى اتىنان اراب بىرىككەن امىرلىگى ۇكىمەتى مەن حالقىنا دەگەن ىقلاستى سالەمى مەن ىزگى تىلەگىن جەتكىزدى. شي جينپيڭ بىلاي دەدى: جۇڭگو مەن اراب بىرىككەن امىرلىگى ديپلوماتيالىق قاتىناس ورناتقان 34 جىلدان بەرى، ەكى ەل باستان-اياق ٴوزارا قۇرمەتتەپ، تەڭ قاتار تۇرىپ، ەكى جاق قاتىناسى باياندى دامىپ، ٴار سالاداعى ماندىك سەلبەستىگىندە قوماقتى تابىستار قولعا كەلدى. اراب بىرىككەن امىرلىگى مەنىڭ وسى رەتكى ساپارىمنىڭ تۇڭعىش ايالداماسى، ٴارى مەنىڭ تاعى دا مەملەكەت ٴتوراعاسى بولىپ تاعايىندالعاننان كەيىن ساپاردا بولعان تۇڭعىش مەملەكەت، بۇل جۇڭگونىڭ ەكى ەل قاتىناسىنا ٴمان بەرەتىندىگىن بەينەلەيدى. ابۋدابيگە كەلگەننەن كەيىن اراب بىرىككەن امىرلىگى حالقىنىڭ جۇڭگو حالقىنا دەگەن شىنايى دوستىعىن تەرەڭ سەزىندىم. وسى رەتكى ساپاردا اراب بىرىككەن امىرلىگى باسشىلارىمەن ەكى ەل قاتىناسىن تەرەڭدەتۋ جونىندە پىكىرلەسۋدى ٴۇمىت ەتەمىن، ەكى جاقتىڭ ورتاق قۇلشىنىسىندا وسى رەتكى ساپارىمنىڭ تابىستى بولاتىندىعىنا، ٴسوز جوق ەكى ەل جانە ەكى ەل حالقىنىڭ دوستىعىن ارتتىراتىندىعىنا سەنەمىن.

ورىنباسار پرەزيدەنت جانە زۇڭلي مۇحامەد، پاتشا مۇراگەرى مۇحامەد ٴتوراعا شي جينپيڭنىڭ اراب بىرىككەن امىرلىگىندەگى مەملەكەتتىك ساپارىن قىزۋ قارسى الىپ بىلاي دەدى: ٴتوراعا شي جينپيڭ اراب بىرىككەن امىرلىگىنىڭ كونە ٴارى جاقسى دوسى، ٴتوراعا شي جينپيڭنىڭ جالعاستى مەملەكەت ٴتوراعاسى بولىپ تاعايىندالعاننان كەيىنگى ساپارىنىڭ تۇڭعىش ايالداماسىن اراب بىرىككەن امىرلىگىنە ورنالاستىرعاندىعىن ماقتانىش سەزىنەمىز، اراب بىرىككەن امىرلىگىنىڭ ٴار سالاسى ٴتوراعا شي جينپيڭنىڭ وسى رەتكى ماڭىزدى دا تاريحي ساپارىن اسىعا كۇتكەن ەدى. ٴتورعا شي جينپيڭنىڭ وسى رەتكى ساپارى ەكى ەلدىڭ ستراتەگيالىق قاتىناسىن ونان ارى دامىتاتىندىعىنا سەنەمىز.

اۋدارعان: نازار ٴارىپ ۇلى

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: