كەرۋەن حابار كانالى|www.Kerwen.com 新疆最大哈萨克门户娱乐新闻网 新疆凯软哈萨克网 |哈萨克新闻|哈萨克娱乐新闻|哈萨克明星关注│哈萨克电影新闻 |哈萨克最大娱乐门户网, 凯软哈萨克网, 哈萨克网站, |哈萨克文化, 哈萨克视频, 哈萨克音乐试听, 哈语歌曲下载网, kazakh, qazaq, kazak, kerwen, kerwen.com
وسى حاباردى قولفوننان كورىڭىز
شي جينپيڭ قازاقستاننىڭ پرەزيدەنتى نازاربايەۆپەن كەڭەستى
  • ۋاقىتى: 2018-06-07
  • جولداۋشى: سارماي
  • كورىلىم : 217 رەت
  • قاينار: جۇڭگو قازاق راديو تورابى
  • باعالاۋ : 0 پارشا

ٴوز حابارىمىز: مەملەكەت ٴتوراعاسى شي جينپيڭ 7-ماۋسىم كۇنى حالىق سارايىندا قازاقستان پرەزيدەنتى نازاربايەۆپەن كەڭەستى. ەكى ەل باسشىلارى جۇڭگو مەن قازاقستاننىڭ ٴداستۇرلى دوستىعىن بەكەمدەپ، ۇلتتىڭ كوركەيۋى جولىندا بىرلىكتە العا تارتۋدى ٴبىر اۋىزدان ۇيعاردى.

شي جينپيڭ مىنانى اتاپ كورسەتتى: قازاقستان جۇڭگونىڭ ماڭىزدى كورشى ەلى ٴارى ىقپالدى وڭىرلىك ئرى ەل. جۇڭگو مەن قازاقستان قاتىناسى كورشى ەلدەر دوستىق قاتىناسىنىڭ ۇلگىسىنە اينالدى. جۇڭگو قازاقستانمەن ادامزاتتىڭ تاعدىرلاس ورتاق تۇلعاسىن قۇرۋ جولىندا باستاماشى بولىپ، ادامزاتتىڭ ٴتىپتى دە نۇرلى بولاشاعىن جاراتۋعا اقىل-پاراساتى مەن كۇشىن شوعىرلاندىرۋدى قالايدى. جۇڭگو-قازاقستان دوستىعى سىندى وس ٴبىر الىپ كەمە ٴۇشىن سىزبەن بىرلىكتە باعدار نۇسقاۋدى قالايمىن.

شي جينپيڭ بىلاي دەدى: كونە دوسىم نازاربايەۆ پرەزيدەنتپەن جولىققانىما وتە قۋانىپ وتىرمىن، ٴسىزدىڭ جۇڭگوداعى مەملەكەتتىك ساپاردا بولۋىڭىزدى ٴارى شاڭحاي سەلبەستىك ۇيىمى چيڭداۋ باسشىلار كەڭەسىنە قاتىناسۋىڭىزدى قارسى الامىن. بىلتىر قازاقستاندا مەملەكەتتىك ساپاردا بولعان كەزىمدە، كەڭەس وتكىزىپ، ەكى جاقتىلى قاتىناستى تەرەڭدەتۋ، ٴتۇرلى سالاداعى سەلبەستىكتى دامىتۋ سونداي-اق ورتاق كوڭىل بولگەن حالىقارالىق جانە وڭىرلىك ماسەلەلەر جونىندە پىكىرلەسىپ، ٴبىر سىپىرا ماڭىزدى ورتاق تانىمدار قالىپتاستىردىق. وسى ماڭىزدى ورتاق تانىمداردىڭ ٴبىر-بىرلەپ تياناقتانعاندىعىن كورىپ قۋانىپ وتىرمىن. جۇڭگو مەن قازاقستان ديپلوماتيالىق قاتىناس ورناتقاننان بەرى، ەكى ەل قاتىناسى جوعارى ورەدەگى اينالىمدى ساقتاپ كەلەدى، ەكى جاقتىڭ جوعارى دەڭگەيلى بارىس-كەلىسى قويۋلاپ، ساياسي ٴوزارا سەنىمدىلىگى توتەنشە بەكەمدەلىپ، ٴبىر بەلدەۋ، ٴبىر جولدى بىرلىكتە قۇرۋدىڭ تابىسى قوماقتى بولدى. حالىقارالىق سەلبەستىكتەرىمىز ٴونىمدى بولىپ، ٴبىر-ٴبىرىمىزدىڭ وزەكتى مۇددەمىزگە قاتىستى ماسەلەلەردە ٴوزارا قولداپ، ورنىقتىلىقتى، دامۋدى، كوركەيۋدى ٴوزىن دامىتۋدىڭ تاماشا ورايى دەپ قارادىق، سەلبەستىكتى جالپى بەتتىك تەرەڭدەتۋ-ەكى جاقتىڭ ورتاق تىلەگى. جۇڭگو مەن قازاقستان قاتىناسىنىڭ دامۋ بولاشاعىنا تولىق سەنىمدەمىن.

شي جينپيڭ مىنانى باسا دارىپتەدى: جۇڭگو ارمانى مەن قازاقستان ارمانىندا حالىقتى وزەك ەتكەن دامۋ نازارياسى سونداي-اق كوركەم بولاشاققا دەگەن تالپىنىس بەينەلەندى. جۇڭگو قازاقستاننىڭ ىشكى-سىرتقى ساياساتىن ٴباز-باياعىسىنداي قولدايدى، «ٴۇش ٴتۇرلى كۇشكە» ىشكەرىلەي سوققى بەرۋ قاتارلى جاقتاردا قازاقستانمەن سەلبەستىكتى تەرەڭدەتۋگە پەيىل.

شي جينپيڭ مىنانى اتاپ كورسەتتى: جۇڭگو مەن قازاقستان ەلدەرى بەس جىلدان بەرى «ٴبىر بەلدەۋ، ٴبىر جولدى» ورتاق قۇرۋداعى سەلبەستىكتى توڭىرەكتەپ، ىشكەرىلەي توعىسۋ، ٴبىرىن-ٴبىرى جەبەۋدىڭ تىڭ ساتىسىنا ٴوتتى. ەكى جاق ساياسات جاعىندا سەلبەسۋ تەبىنىن كۇشەيتىپ، جىبەك جولى شارۋاشىلىق بەلدەۋ قۇرىلىسىن «نۇرلى جول» جاڭا ەكونوميكا ساياساتىمەن توعىستىرۋ، سەلبەسۋ پلانىن تياناقتاندىرىپ، ٴوندىرىس قۋاتى، قارجى قوسۋ، شارۋاشىلىق ساۋدا، ەنەرگيا، فينانس، ٴوزارا بايلانىستى بولۋ قۇرىلىسى، اۋىل شارۋاشىلىق، جاڭالىق اشۋ سەلبەستىگىن جەبەپ، مادەنيەت سەلبەستىگىنىڭ تىڭ جاعدايىن جاراتتى. جۇڭگو قازاقستانمەن سايكەسۋ، سەلبەسۋدى كۇشەيتىپ، شاڭحاي سەلبەستىك ۇيىمىنىڭ ٴتۇرلى سالاداعى سەلبەستىگىنىڭ ۇزدىكسىز تىڭ ساتىعا قادام تاستاۋىن جەبەپ، ازياداعى ىقپالداستىق جانە سەنىم شارالارى كەڭەسىنىڭ جالپىلاما سەلبەستىك ورەسىن ۇزدىكسىز جوعارىلاتىپ، ٴوڭىردىڭ حاۋىپسىزدىگى مەن دامۋ قاجەتىنە ٴتىپتى دە ويداعىداي قىزمەت ەتتىرۋدى قالايدى.

نازاربايەۆ بىلاي دەدى: قازاقستان جاڭا داۋىردەگى جۇڭگوشا سوتسياليزم ىستەرىن قولدايدى، بۇنىڭ تابىستارى قازاقستاننىڭ ٴوز مۇددەسىنە ۇيلەسەدى دەپ سەنەدى. قازاقستان ٴبىر جۇڭگو ساياساتىن قولدايدى، «ٴۇش ٴتۇرلى كۇشكە» باتىل سوققى بەرىپ، جۇڭگومەن حالىقارالىق ىستەردە جالعاستى ٴوزارا قولداپ، شاڭحاي سەلبەستىك ۇيىمى مەن ازياداعى ىقپالداستىق جانە سەنىم شارالار كەڭەسى جۇلگەسىندە تىلدەسۋ مەن سەلبەسۋدى كۇشەيتۋدى قالايدى. ٴتوراعا شي جينپيڭ 5 جىلدىڭ الدىندا قازاقستاندا ورتاعا قويعان جىبەك جولى شارۋاشىلىق بەلدەۋى دارىپتەمەسى ٴوز رايونىنداعى ەلدەرگە باقىت جاراتادى. قازاقستان «نۇرلى جول» جاڭا ەكونوميكا ساياساتىن «ٴبىر بەلدەۋ، ٴبىر جول» قۇرىلىسىمەن توعىستىرۋدى كۇشەيتىپ، قازاقستان مەن جۇڭگونىڭ ٴتۇرلى سالاداعى سەلبەستىگىن تەرەڭدەتۋدى قالايدى.

كەڭەستەن كەيىن، ەكى ەل باسشىلارى «جۇڭحۋا حالىق رەسپۋبليكاسى مەن قازاقستان رەسپۋبليكاسىنىڭ بىرلەسپە مالىمدەمەسىنە» بىرلىكتە قول قويدى جانە قاتىستى ەكى جاقتىلى سەلبەستىك قۇجاتتاردىڭ قول قويىلۋىنا كۋا بولدى.

ول قويۋ سالتىنان كەيىن ەكى ەل باسشىلارى جۇڭگو مەن قازاقستاننىڭ تۇڭعىش بىرلەسىپ تۇسىرگەن «كومپوزيتور» كينوسىنىڭ نەگىزگى ارتيستەرىن بىرلىكتە قابىلدادى جانە كينو ۇزىندىلەرىن تاماشالادى. 2013-جىلى شي جينپيڭ قازاقستاندا ساپاردا بولعان كەزدە، نازاربايەۆ ۋەنيۆەرسيتەتىندە لەكسيا جاساپ، 2-دۇنيە جۇزىلىك سوعىس كەزىندەگى جۇڭگولىق كومپوزيتور شيان شيڭحايدىڭ قازاقستاندىق كومپوزيتور باقىتجان بايقاداموۆپەن دوستاسقان اسەرلى اڭگىمەسىن بايانداعان بولاتىن. جۇڭگو مەن قازاقستان كينو سالاسىنىڭ ونەرپازدارى مۇنان شابىت الىپ، «كومپوزيتور» اتتى كينونى سەلبەسىپ ٴتۇسىردى.

كەڭەستەن ىلگەرى، شي جينپيڭ حالىق سارايىنىڭ شىعىس قاقپاسى سىرتىنداعى الاڭدا نازاربايەۆتى قارسى الۋ سالتىن وتكىزدى.

اۋدارعان: ٴسانيا قازەك قىزى

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: