وسى حاباردى قولفوننان كورىڭىز
لي كىچياڭ قىرعىزىستاننىڭ پرەزيدەنتىمەن، قازاقستاننىڭ پرەزيدەنتىمەن جەكە-جەكە كەزدەستى
  • ۋاقىتى: 2018-06-07
  • جولداۋشى: سارماي
  • كورىلىم : 17546 رەت
  • قاينار: جۇڭگو قازاق راديو تورابى
  • باعالاۋ : 0 پارشا

ٴوز حابارىمىز: مەملەكەتتىك كەڭەستىڭ زۇڭليى لي كىچياڭ 7-ماۋسىم كۇنى تۇستەن كەيىن دياۋيۇيتاي مەملەكەتتىك قوناقتار سارايىندا قىرعىزىستاننىڭ پرەزيدەنتى جيەنبەكوۆپەن، قازاقستاننىڭ پرەزيدەنتى نازاربايەۆپەن جەكە-جەكە كەزدەستى.

جيەنبەكوۆپەن كەزدەسكەندە لي كىچياڭ بىلاي دەدى: جۇڭگو قىرعىزىستانمەن بىرگە سەلبەستىك كومەسكى كۇشىن اشىپ، كاسىپ قۋاتى، ٴوزارا تۇتاستىرۋ، فينانس قاتارلى سالالارداعى سەلبەستىكتى جەدەلدەتىپ، ەكى ەلدىڭ ناقتى سەلبەستىگىنىڭ ساپاسىن كوتەرىپ، ورەسىن جوعارىلاتۋدى قالايدى. قىرعىزىستاننىڭ ساپالى اۋىل شارۋاشىلىق ونىمدەر يمپورتىن كەڭەيتىپ، شارۋاشىلىق-ساۋدا سەلبەستىگىن تەپە-تەڭ دامىتۋدى جەبەيدى. جۇڭگونىڭ مىعىم كاسىپورىندارىنىڭ قىرعىزىستانعا قارجى قوسىپ كاسىپ گۇلدەندىرۋىن قولدايدى. قىرعىزىستاننان بۇعان قولايلىلىق جاراتۋدى جانە قامتاماسىزداندىرۋدى ٴۇمىت ەتەدى. ەكى جاقتان شاڭحاي سەلبەستىك ۇيىمى جۇلگەسىندەگى سەلبەستىكتى كۇشەيتىپ، وڭىرلىك شارۋاشىلىقتىڭ سەلبەستىك دەڭگەيىن بىرلىكتە جوعارىلاتۋىن كۇتەدى.

جيەنبەكوۆ بىلاي دەدى: قىرعىزىستان تاتۋ كورشىلىك دوستىق نەگىزدە جۇڭگومەن دامۋ ستراتەگياسىن ۇشتاستىرىپ، ٴار سالاداعى سەلبەستىكتى تەرەڭدەتىپ، ادامدار ارا بارىس-كەلىس پەن مادەنيەت اۋىس-كۇيىسىن كۇشەيتۋگە، جۇڭگو كاسىپورىندارىنىڭ قىرعىزىستانعا بارىپ قارجى قوسۋىنا قولايىلىلىق جاراتۋعا پەيىل.

نازاربايەۆپەن كەزدەسكەندە لي كىچياڭ بىلاي دەدى: جۇڭگو «ٴبىر بەلدەۋ، ٴبىر جول» دارىپتەمەسىن قازاقىستاننىڭ «نۇرلى جول» دامۋ ستراتەگياسىمەن ويداعىداي ۇشتاستىرىپ، نەگىزدىك قۇرىلعى قۇرىلىسى، ەنەرگيا، بايلىق قاتارلى سالالارداعى كاسىپ قۋاتى سەلبەستىگىن اناعۇرلىم كۇشەيتىپ، اۋىل شارۋاشىلىق ونىمدەر ساۋداسى، فينانس قاتارلى سالالارداعى سەلبەستىكتى كەڭەيتىپ، ساۋدا قارجى قوسۋى مەن ادامدار بارىس-كەلىسىن قولايلاستىرۋدى بىرلىكتە جەبەپ، ٴوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋعا پەيىل. شاڭحاي سەلبەستىك ۇيىمى جۇلگەسىندەگى سايكەستىكتى كۇشەيتىپ، اناعۇرلىم كوپ ناقتى سەلبەستىك تابىستارى ارقىلى وسى وڭىردەگى ەلدەرمەن حالىققا باقىت جەتكىزۋدى ٴۇمىت ەتەدى.

نازاربايەۆ بىلاي دەدى: قازاقستان «ٴبىر بەلدەۋ، ٴبىر جول» قۇرىلىسىنداعى ماڭىزدى سەلبەستىك سەرىك، جۇڭگومەن دامۋ ستراتەگياسىن ۇشتاستىرىپ، ٴار سالاداعى ٴونىمدى سەلبەستىكتى ىلگەرىلەتەدى. حالىقارالىق جانە وڭىرلىك ىستەردە جۇڭگومەن ٴجيى سويلەسىپ، تىعىز سايكەسىپ، «شاڭحاي رۋحىنا» تاباندى بولىپ، وڭىردىڭ ورنىقتىلىعى مەن دامۋىن ورتاق جەبەيدى.

اۋدارعان: گۇلنۇر قابىلقاق قىزى

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: