وسى حاباردى قولفوننان كورىڭىز
«تۋىس بولۋ» − كەدەيلىكتەن قۇتىلدىرۋدىڭ ءتيىمدى جولى
  • ۋاقىتى: 2017-06-22
  • جولداۋشى: سارماي
  • كورىلىم : 199 رەت
  • قاينار: شينجياڭ گازەتى
  • باعالاۋ : 0 پارشا

شينحۋا اگەنتتىگىنىڭ ءتىلشىسى جياڭ لەي

«ءىنىم كەلدىڭ بە!» دەپ قۇراق ۇشقان شەريا اۋدانى جاقا اۋىلى دوۋىللىك قىستاعىنىڭ تۇرعىنى ءماتياسىن ابايدۇللا قولىنداعى جۇمىسىن تاستاي سالىپ، «تۋىسىن» قۋانىشپەن ۇيىنە باستادى. ءماتياسىن بۇل «تۋىسىن» وزىمەن ەشقانداي تۋىستىق بايلانىسى بولماسا دا، ونى تۋىسىنان دا ارتىق كورەتىن ەدى.
2 ايدىڭ الدىندا جاقا اۋىلىنا جاڭادان مىندەت وتەۋگە كەلگەن اۋىلدىق پارتكومنىڭ ورىنباسار شۋجيى ۋاڭ چياڭ دوۋىللىك قىستاعىنا كەلىپ وزىنەن 4 جاس ۇلكەن ماتياسىنمەن تۋىس بولدى. «جاقا اۋىلىنداعى 20 اكىمشىلىك قىستاق جاقا وزەنىن جاعالاي ورنالاسقان، ھاشى وزەنى ساباسىن بويلاي 100 كيلومەتردەن استام جەردە تۇرعىندار ەرەكشە بىتىراندى قونىستانعان»، - دەدى ۋاڭ چياڭ قار جامىلعان تاۋدى نۇسقاپ.
ۋاڭ چياڭ بىلاي دەدى: «وتە - موتە، باسقا جەردەن كەلگەن كادرلار قىستاقتاردى ءجيى ارالاپ، وتباسىلارىنا ۇنەمى بارىپ جاعداي يەلەپ، سول جەردىڭ جاعدايىنا تەزىرەك قانىق بولۋى كەرەك»، ول تاعى: جۇبايىم جاعدايىمدى بىلگەننەن كەيىن دەرەۋ 30 مىڭ يۋان اقشا جىبەرىپ ماعان تاۋىرلەۋ كونە اۆتوكولىك ساتىپ الۋدى ايتقان ەدى، - دەدى.
اۋىلدان تۋىسىنىڭ ۇيىنە دەيىن اۆتوكولىككە 20 مينۋتتىق جول، ۋاڭ چياڭ قولى بوساي قالسا بولعانى تۋىسىنىڭ ۇيىنە بارىپ اڭگىمەلەسىپ تۇرادى، ءماتياسىننىڭ سىرتتان كەلگەن بۇل «ءىنىسى» ولاردىڭ ۇيىنە تەز ۇيىرلەسىپ كەتتى.
ءماتياسىننىڭ ۇيىندە 4 جان بار، قىزى حوتان پەداگوگيكالق ارناۋلى تەحنيكۋمىندا، ۇلى شەريا اۋداندىق 1 - ورتا مەكتەپتىڭ تولىق ورتا 1 - جىلدىعىندا وقيدى، ەرلى - زايىپتى ەكەۋى دە ديقان. ۇلىنىڭ وقۋى بۇكىلدەي اقىسىز بولعانىمەن، قىزىنا كوپ قاراجات كەتەتىن ەدى. ءماتياسىننىڭ بار جيعان - تەرگەنى قوراسىنداعى ءبىر ەسەك، 10 نەشە تاۋىق، 20 قوي، 30 كەپتەر، ءۇيىنىڭ قاسىنداعى كوتەرەگە العان 10 مۋ جەر مەن 10 مۋ تىڭ جەرى جانە 20دان استام ورىك اعاشى، 30دان استام جاڭعاق اعاشى، 10 نەشە الما اعاشى مەن 100 نەشە ءتۇپ تەرەك سياقتىلار ەدى. ۋاڭ چياڭ جاتسا - تۇرسا وسى ءوندىرىس ماتەريالدارىن قايتكەندە يگىلىككە جاراتىپ، ءماتياسىننىڭ كىرىسىن ارتتىرۋعا بولادى دەگەندى ويلايتىن بولدى.
«ۇكىمەت بىزگە بەيقۇت ءۇي مەن قورا سالىپ، ونىمەن قوسا اۋلامىزدى جاڭالاپ، ەسەك، قوي، تەلەۆيزور سياقتىلاردى بەردى»، - دەدى ءماتياسىن، 15 مىڭ يۋان جىلدىق كىرىسىنە قاراپ كەدەيلىكتەن قۇتىلدى دەگەنمەن، اۋقاتتى دەۋگە بولمايتىن ەدى. «<ءىنىم> ءاۋ باستا ماعان سەيىل - سەرۋەن ساياحاتىمەن شۇعىلدانۋدى، وعان قوسا توعايدا تاۋىق باعۋدى ايتتى، ول ماعان بۇل تۋرالى تالاي رەت ەگجەي - تەگجەيلى تالداۋ جاساپ، اقىل ايتقاننان كەيىن بارىپ كوزىم اشىلدى»، - دەدى ءماتياسىن.
ۋاڭ چياڭ «مەملەكەت كەدەيلىكتەن قۇتىلۋىمىزعا كومەكتەستى، الايدا تۇرمىسىمىزدى ءتىپتى دە جاقسىلاي ءتۇسۋ ءۇشىن جانە دە ءوز كۇشىمىزگە سۇيەنۋىمىز كەرەك» دەپ ءسوزىن اقىرلاستىرعاننان كەيىن، <اعاسىمەن> قول الىسىپ قوشتاسىپ، كونە كولىگىمەن 40 كيلومەتر الىستاعى تاعى ءبىر قىستاققا بەت الدى.
تۋىس بولعان ەكەنسىڭ تۋىستىق قاتىناس ماڭگى جالعاسۋى كەرەك. ۇعىسۋعا قاراعاندا، 2017 - جىلى اقپانعا دەيىن، اۆتونوميالى رايوننىڭ جەر - جەرىندەگى ءارقايسى ورىندارداعى شينجياڭعا كومەككە كەلگەن 2050 كادر 2446 ءار ۇلت حالقىمەن جۇپ قۇراپ، تۋىس بولدى، ءبىر ميلليون 30 مىڭنان استام كادر، جۇمىسشى - قىزمەتكەر نەگىزگى ساتىداعى ءبىر ميلليون 350 مىڭ ءار ۇلت حالقىمەن جۇپ قۇراپ، تۋىس بولدى، ەمدەلۋ، وقۋعا ءتۇسۋ، جۇمىسقا ورنالاستىرۋ، ءوندىرىستى دامىتۋ سياقتىلارعا قاتىستى ءبىر ميلليون 40 مىڭنان استام يگى ءىس ىستەپ، ءبىر ميلليون 58 مىڭنان استام ءار ۇلت وتباسىن يگىلىككە كەنەلتتى.
(شينحۋا اگەنتتىگىنىڭ 19 - ماۋسىمدا ۇرىمجىدەن بەرگەن حابارى)

جاۋاپتى رەداكتورى: نۇربولات قابىل ۇلى

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: