وسى حاباردى قولفوننان كورىڭىز
رايونىمىزدىڭ اتاق باعالاۋداعى تاعى ءبىر «جاڭا وزگەرىسى»
  • ۋاقىتى: 2017-06-22
  • جولداۋشى: سارماي
  • كورىلىم : 226 رەت
  • قاينار: شينجياڭ گازەتى
  • باعالاۋ : 0 پارشا

رايونىمىزدىڭ اتاق باعالاۋداعى تاعى ءبىر «جاڭا وزگەرىسى»

اتاق باعالاۋدا شەتەل ءتىلى جانە كومپيۋتەر قولدانۋ قابىلەتىن سىناۋ ەمتيحانى ءبىر تۇتاس تالاپ ەتىلمەيدى

ءتىلشىمىز لي چۇنشيا 21 - ماۋسىمدا ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋعا قاراعاندا، رايونىمىزدىڭ اتاق باعالاۋىندا تاعى ءبىر «جاڭا وزگەرىس» بولادى ەكەن، بيىلعى اتاق باعالاۋدا كاسىپتىك تابىس دەڭگەيى جانە ءىس جۇزىندىك ۇلەسى اناعۇرلىم كورنەكتىلەندىرىلەدى، ماماندىقتى، تەحنيكانى، امالياتتى جانە جاسامپازدىقتى اتاق باعالاۋداعى بەتالىس ەتۋگە باسا ءمان بەرىلەدى، اتاق باعالاۋدا شەتەل ءتىلى جانە كومپيۋتەر قولدانۋ قابىلەتىن سىناۋ ەمتيحانى ءبىر تۇتاس تالاپ ەتىلمەيدى.
مۇندا، ورتا دارەجەلى جانە ودان تومەنگى اتاق الۋعا ءوتىنىش بەرگەندەر شەتەل ءتىلى مەن كومپيۋتەر قولدانۋ قابىلەتىن سىناۋ ەمتيحانىن بەرمەسەدە بولادى. جوعارى دارەجەلى اتاق الۋعا ءوتىنىش بەرگەندەر ءارقايسى جۇيەنىڭ (كاسىپتىك) اتاق قىزمەتىن باسقارۋ تاراۋلارىنىڭ تالابى بولماسا، ولاردىڭ دا شەتەل ءتىلى مەن كومپيۋتەر قولدانۋ قابىلەتىن سىناۋ ەمتيحانىن بەرمەۋىنە بولادى. شەتەل ءتىلى مەن كومپيۋتەر قولدانۋ قابىلەتى ورەسىن باعالاۋ شىنىمەن قاجەت بولسا، ۇكىمەت ۇيىمداستىرعان نەمەسە قوعامدا مويىندالعان ءتۇرلى شەتەل ءتىلى جانە كومپيۋتەر ەمتيحان كۋالىگىن قاتىستى سىپات ەتۋىنە بولادى.
كاسىپتىك - تەحنيكالىق قىزمەتكەرلەردىڭ ۇستەپ وقۋعا قاتىناسۋ جاعدايى كاسىپتىك - تەحنيكالىق مىندەتكە ۇسىنىسپەن تاعايىنداۋدىڭ نەمەسە جوعارى ءبىر دارەجە تولىمدىلىعىنا باعالاۋعا ءوتىنىش جولداۋدىڭ ماڭىزدى شارتى بولادى. رايونىمىز الداعى جەردە «كاسىپتىك - تەحنيكالىق قىزمەتكەرلەردىڭ ۇستەپ وقۋعا قاتىناسۋ ۋاقىتى، ءار جىلى 90 وقۋ ساعاتىنان از بولماۋى ءتيىس، مۇندا كاسىپتىك ساباعى ادەتتە جالپى وقۋ ۋاقىتىنىڭ ۇشتەن ەكىسىنەن از بولماۋى كەرەك» دەگەن تالاپتى ۇزدىكسىز قاتاڭ اتقارادى. 
ۇعىسۋعا قاراعاندا، بيىلعى اتاق باعالاۋ قىزمەتىندە رايونىمىز كاسىپتىك - تەحنيكالىق دارىندىلاردىڭ قىزمەت جاۋاپكەرشىلىگىن اتقارۋداعى قىزمەت ناتيجەسىن، جاسامپازدىق جەتىستىگىن باعالاۋعا باسا ءمان بەرىپ، تەحنيكالىق جاسامپازدىق، پاتەنت، جەتىستىكتى كادەگە جاراتۋ، تەحنيكانى جالپىلاستىرۋ، ولشەم شىعارۋ، شەشىم جاساۋ - كەڭەس بەرۋ، الەۋمەتتىك قىزمەت كورسەتۋ سياقتى باعالاۋ كورسەتكىشتەرىنىڭ سالماعىن ارتتىرىپ، عىلمي زەرتتەۋ جەتىستىكتەرىنىڭ قول جەتكىزگەن ەكونوميكالىق ونىمدىلىگى جانە قوعامدىق ونىمدىلىگى اتاق باعالاۋدىڭ ماڭىزدى مازمۇنى ەتىلەدى.
مۇنان سىرت، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىنە، وڭتۇستىك شينجياڭنىڭ مەكتەپكە دەيىنگى «قوس ءتىل» تاربيەسى بويىنشا كادرلاردىڭ وقۋ - اعارتۋعا كومەكتەسۋ قىزمەتىنە ات سالىسقان كاسىپتىك - تەحنيكالىق قىزمەتكەرگە قاراتا شەتەل ءتىلى، كومپيۋتەر قولدانۋ قابىلەتى جانە ۇستەپ وقۋ جاعىندا «<حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ> بويىنشا قىستاقتا تۇرىپ قىزمەت ىستەگەن كاسىپتىك - تەحنيكالىق قىزمەتكەرلەرگە اتاق ساياساتىندا بەيىمدەلۋ جونىندەگى ۇقتىرۋ» بەلگىلەمەسى بويىنشا اتقارىلادى.

جاۋاپتى رەداكتورى: نۇربولات قابىل ۇلى

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: