وسى حاباردى قولفوننان كورىڭىز
اۆتونوميالى رايونىمىزدا تۇڭعىش جاراقسىز زاتتاردى ىعىستىرۋعا رۇقسات ەتۋ كۋالىگى سانجى حۇيزۋ اۆتونوميالى وبلىسىنا بەرىلدى
  • ۋاقىتى: 2017-06-22
  • جولداۋشى: سارماي
  • كورىلىم : 198 رەت
  • قاينار: شينجياڭ گازەتى
  • باعالاۋ : 0 پارشا

ءتىلشىمىز گاي يوۋجۇن 21 - ماۋسىمدا سانجىدان حابارلايدى. 20 - ماۋسىم تۇستەن بۇرىن اۆتونوميالى رايونىمىزدا تۇڭعىش مەملەكەت جاعىنان ءبىر تۇتاس نومىرلەنگەن جاراقسىز زاتتاردى ىعىستىرۋعا رۇقسات ەتۋ كۋالىگىنىڭ سانجى حۇيزۋ اۆتونوميالى وبلىسىنا بەرىلۋى − شينجياڭدا لاستانۋ قاينارى تۇراقتى ورتانى جاراقسىز زاتتاردى ىعىستىرۋعا رۇقسات ەتۋ كۋالىگى ارقىلى باسقاراتىن وزەكتى ءتۇزىمنىڭ تياناقتانعانىن ايگىلەدى، بۇل تۇتاس رايونىمىز بويىنشا «تاريحتاعى ەڭ قاتاڭ» جاراقسىز زاتتاردى ىعىستىرۋعا رۇقسات ەتۋ مەحانيزمىنىڭ ىسكە قوسىلعاندىعىنان دەرەك بەرەدى.
شينجياڭ بويىنشا وسى كۋالىككە ەڭ الدىمەن يە بولعان ورىن − قۇتىبي اۋدانىنداعى سانجى حۇيزۋ اۆتونوميالى وبلىسى فيانني قاعاز كاسىبى شەكتى سەرىكتەستىگى. سەرىكتەستىكتىڭ قورشاعان ورتانى قورعاۋعا جاۋاپتى ارناۋلى قىزمەتشىسى رىن ليڭجيە تىلشىگە بىلاي دەدى: جاڭادان العا قويىلعان جاراقسىز زاتتاردى ىعىستىرۋعا رۇقسات ەتۋ ءتۇزىمى قورشاعان ورتاعا جاسايتىن ىقپالدى باعالاۋ تۇزىمىمەن جانە جالپى مولشەرىن مەڭگەرۋ تۇزىمىمەن ءوزارا ۇشتاسىپ قانا قويماي، ول تاعى كاسىپورىننىڭ جاراقسىز زاتتاردى ىعىستىرۋعا قاتىستى قورشاعان ورتانى باسقارۋ، وندىرىسكە، تيجاراتقا، ينفورماتسياعا ساياتىن ينفورماتسيالىق ساندى مالىمەتتەردى جاريا ۇستاۋدى تالاپ ەتەدى.
كۋالىكتەگى 2 ولشەمدى كودتى سكانەرلەسەڭىز ينفورماتسيا تەكشەسىنەن كاسىپورىننىڭ جاراقسىز زاتتاردى ىعىستىرۋعا قاتىستى ينفورماتسيالىق ساندى مالىمەتتەرىن كورە الاسىز.
ۇعىسۋعا قاراعاندا، بۇرىنعى جاراقسىز زاتتاردى ىعىستىرۋعا رۇقسات ەتۋ كۋالىگىمەن سالىستىرعاندا، بۇل جولعى جاڭا كۋالىكتە جاراقسىز زاتتاردى ىعىستىرۋشى ورىننىڭ نەگىزگى ينفورماتسياسى، اتموسفەرا مەن سۋدى لاستايتىن جاراقسىز زاتتاردىڭ ينفورماتسياسى جانە رۇقسات ەتىلگەن شەگى، رۇقسات ەتۋ شارتى سياقتى تەحنيكالىق كورسەتكىشتەردەن تىس، كاسىپورىننىڭ ءوزىن - ءوزى باقىلاۋ - تەكسەرۋگە، قورشاعان ورتانى باسقارۋعا قاتىستى ەسەپ - قيسابى، زاڭدى اتقارۋ، زاڭعا بويسۇنۋ مالىمەتى سياقتى قورشاعان ورتانى قورعاۋعا قاتىستى تالاپتار قوسىلعان.
سانجى حۇيزۋ اۆتونوميالى وبلىستىق قورشاعان ورتانى قورعاۋ مەكەمەسى پارتيا باسشىلىق گرۋپپاسىنىڭ مۇشەسى، باس ينجەنەر جاڭ بين بىلاي دەدى: بۇدان بىلاي جاراقسىز زاتتاردى ىعىستىرۋعا رۇقسات ەتۋ كۋالىگى كاسىپورىننىڭ ءوندىرىس، تاسىمال مەزگىلىندەگى جاراقسىز زاتتاردى ىعىستىرۋىنداعى بىردەن - ءبىر اكىمشىلىك رۇقسات بولادى، كاسىپورىن كۋالىكتى العاننان كەيىن، ءسوز جوق، لاستانۋدى تىزگىندەۋدەگى تۇلعالىق جاۋاپكەرشىلىگىن زاڭ بويىنشا قاتاڭ وتەپ، جاراقسىز زاتتاردى ىعىستىرۋدى، ءسوز جوق، كۋالىكتەگى تالاپتار بويىنشا قاتاڭ جۇرگىزۋى، سونداي - اق «جاراقسىز زاتتاردى شىعارۋ، لاستانۋدى تىزگىندەۋ، جاراقسىز زاتتاردى ىعىستىرۋدىڭ» جالپى بارىسىنداعى ساندى مالىمەتتەردى تولىق ساقتاپ، ىلگەرىدەگى باقىلاۋ - باسقارۋدى قابىلدايتىن ىرىقسىز كۇيدەن سانالى تۇردە ءوزىن - ءوزى دالەلدەپ، زاڭعا بويسۇناتىن ىرىقتى كۇيگە ءوتۋى كەرەك.
ۇعىسۋعا قاراعاندا، اۆتونوميالى رايون بيىل 100دەن استام وت ەلەكتر ستانسياسى (وزدەرى سالىپ العان ەلەكتر ستانسيالارىن قامتيدى) مەن قاعاز جاساۋ كاسىپورىندارىنا تەكسەرۋ جۇرگىزىپ، ولارعا جاراقسىز زاتتاردى ىعىستىرۋعا رۇقسات ەتۋ كۋالىگىن بەرۋ قىزمەتىن ماۋسىم ايىنىڭ سوڭىنان بۇرىن ورىنداپ بولۋدى؛ بولات - تەمىر (بولات - تەمىردى قىسىممەن سوزىپ مانەرلەۋدى قامتيدى)، سەمەنت (سەمەنت مايدالاۋ پۋنكتىن قامتيدى)، مۇناي حيميا، حيميا ونەركاسىپ، ءتۇستى مەتال، گۇل باسۋ - بوياۋ، بىلعارى جاساۋ، كوكستەندىرۋ، اۋىل شارۋاشىلىق قوسىمشا ونىمدەرىن مانەرلەۋ، اۋىل شارۋاشىلىق دارىلەرى، ەلەكترمەن جالاتۋ سياقتى 13 كاسىپ سالاسىنا جاراقسىز زاتتاردى ىعىستىرۋعا رۇقسات ەتۋ كۋالىگىن بەرۋ قىزمەتىن جىلدىڭ سوڭىنان بۇرىن ورىنداپ بولۋدى جوسپارلاعان. جوعارىدا كورسەتىلگەن كاسىپ سالالارىنان باسقالارىنىكى مەملەكەتتىڭ جاراقسىز زاتتاردى ىعىستىرۋعا رۇقسات ەتۋ كۋالىگىن باسقارۋ تالابى بويىنشا ءبىر - بىرلەپ جۇرگىزىلىپ، جۇيەلى، عىلمي، زاڭمەن جونگە سالىناتىن، ەگجەي - تەگجەيلى، ينفورماتسيالانعان «ءبىر كۋالىكپەن باسقارۋدى» ىسكە اسىرادى.

جاۋاپتى رەداكتورى: نۇربولات قابىل ۇلى

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: