وسى حاباردى قولفوننان كورىڭىز
بەيجيڭ: كومەك قابىلداۋشى جەردەگى 300 مىڭ ادامنىڭ كەدەيلىكتەن قۇتىلۋىنا جەبەۋشى بولدى
  • ۋاقىتى: 2017-06-22
  • جولداۋشى: سارماي
  • كورىلىم : 449 رەت
  • قاينار: شينجياڭ گازەتى
  • باعالاۋ : 0 پارشا

ءتىلشىمىز چىن چىن

بەيجيڭنىڭ كاسىپ سالاسى ارقىلى شينجياڭعا باعىتتامالى كومەكتەسۋ نىسانى بولعان جيڭحى سەرىكتەستىگى جەرگىلىكتى ورىنداعى 2000نان استام ادامدى جۇمىسقا ورنالاستىردى. سۋرەتتە: حوتان قالاسىنىڭ بەيجيڭ ونەركاسىپ باقشاسىنا ورنالاسقان شينجياڭ جيڭحى توقىماشىلىق عىلىم - تەحنيكا شەكتى سەرىكتەستىگىندە قىزمەتكەرلەر اپاتتان قۇتقارۋعا پايدالاناتىن شاتىرلاردى تىگۋدە. سۋرەتتى ءتىلشىمىز زوۋ ي تۇسىرگەن.

​شينجياڭعا باعىتتامالى كومەككە كەلگەن كادرلاردىڭ شينجياڭدا قىزمەت ىستەگەنىنە 20 جىل بولدى. 20 جىل تىنباي كۇش سالدى، 20 جىلدان بەرى، اسىرەسە، 2010 - جىلعى جاڭا كەزەكتى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى، شينجياڭعا كومەككە كەلگەن كادرلار تيانشاننىڭ تۇستىگى مەن تەرىستىگىندەگى بايتاق دالاعا وزدەرىنىڭ تابان ءىزىن قالدىردى، حالىققا تيىمدىلىك جاساۋ، نەگىزدى كۇشەيتۋ، دامۋدى جەبەۋ سىندى شينجياڭعا كومەكتەسۋ نىساندارى كومەك قابىلداعان جەرلەرگە ىرگە تەۋىپ، تەرەڭ تامىر تارتىپ، گۇل اشىپ، جەمىس بەرىپ، سول ورىنعا باقىت جاراتتى، «شينجياڭعا كومەكتەسۋ» شينجياڭنىڭ بايتاق دالاسىنا تانىلعان ۇلى سۇيىسپەنشىلىك تانىسقىسىنا اينالدى. گازەتىمىز بۇگىننەن باستاپ «شينجياڭعا كومەكتەسۋ قىزمەتىنە نازار» ايدارىن اشىپ، 20 جىلدان بەرگى، اسىرەسە، جاڭا كەزەكتى شينجياڭعا كومەكتەسۋ قىزمەتى ورىستەتىلگەننەن بەرگى شينجياڭعا باعىتتالى كومەكتەسكەن 19 ولكە، قالانىڭ ەكونوميكا، كادر، دارىندى، وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ بويىنشا شينجياڭعا كومەك كورسەتۋ سياقتى جاقتاردا قول جەتكىزگەن جاڭا ناتيجەلەرىن، سونى تاجىريبەلەرىن جانە كومەك قابىلداعان جەرلەردىڭ تىڭ وزگەرىستەرىن جان - جاقتى حابارلايدى.

بەيجيڭ قالاسى شينجياڭعا باعىتتامالى كومەكتەسۋ بويىنشا كەدەيلەردى سۇيەمەلدەۋ قىزمەتىنە باسا ءمان بەردى، بەيجيڭ قالاسىنىڭ نەگىزگى باسشىلارى كومەك قابىلداۋشى جەردىڭ كەدەيلىكتەن قۇتىلدىرۋدان قامال الۋ قىزمەتىن ىلگەرىلەتۋدى باعىتتامالى كومەكتەسۋدىڭ اسا ماڭىزدى مىندەتى ەتىپ، جەدەل، ويداعىداي يگەرۋدى ايقىن تالاپ ەتتى. بەيجيڭ قالاسىنىڭ حوتان ايماعىنا باعىتتامالى كومەكتەسۋ بويىنشا الدىڭعى شەپ قولباسشىلىق شتابى كومەك قابىلداۋشى جەرمەن تىعىز سەلبەسىپ، ورتالىقتىڭ «ءتورتتى جاپپاي ورىنداۋ» ستراتەگيالىق ورنالاستىرۋى مەن كەدەيلەردى سۇيەمەلدەۋ قىزمەتىندەگى «التى دالمە - ءدال»، «5 ءبىر توپ» نەگىزگى تالاپتارى بويىنشا، كەدەي حالىقتى «ەكىدەن تارىقتىرماۋ، ۇشكە كەپىلدىك ەتۋدى» نىسانا ەتىپ، شينجياڭعا باعىتتامالى كومەكتەسۋ قاراجاتىن حالىق تۇرمىسىنا، نەگىزگى ساتىعا بەيىمدەۋگە تاباندى بولىپ، شينجياڭعا باعىتتامالى كومەكتەسۋ قاراجاتىنىڭ %85ىن اۋدان(قالا)، پولكتەن تومەنگى نەگىزگى ساتىعا ورنالاستىردى. 
جاڭا كەزەكتى شينجياڭعا باعىتتامالى كومەكتەسۋ بارىسىندا، بەيجيڭ قالاسى حوتان ايماعىنىڭ حوتان قالاسىنا، حوتان اۋدانىنا، قاراقاش اۋدانىنا، لوپ اۋدانىنا جانە بيڭتۋاننىڭ 14 - ديۆيزياسىنا باعىتتامالى كومەكتەستى. 2013 - جىلدان بەرى، بەيجيڭ قالاسى شينجياڭعا باعىتتامالى كومەكتەسۋ ماقساتىندا جالپى 10 ميلليارد 300 ميلليون يۋان قاراجات ورنالاستىرىپ، 832 نىسان اتقاردى. بەيقۇت ءۇي سالىپ، حالىقتى اۋقاتتاندىرۋ، مالشىلاردى وتىرىقتاندىرىپ، مال شارۋاشىلىعىن كوركەيتۋ بويىنشا 162 مىڭ ءۇي سالىپ، لاشىقتار رايونى مەن قالا، اۋىلدارداعى باسپانالىق تۇرعىن ۇيلەردەن 3103ىن جاڭالادى. بۇقارانىڭ شىن مانىندە الاڭسىز تىرشىلىك ەتۋى ءۇشىن، اۋىل - قىستاقتاعى 50 مەكتەپتىڭ جىلۋ قۇرىلعىلارىن جاڭالادى، ونىڭ يگىلىگىن 83 مىڭ وقۋشى كوردى. اۋىز سۋ حاۋىپسىزدىگى ينجەنەرياسىن اتقارىپ، 4 قالاشىقتا سۋ زاۆودىن جاڭادان سالىپ جانە كەڭەيتىپ سالىپ، 300 مىڭعا جۋىق ادامنىڭ سۋدى الاڭسىز تۇتىنۋىنا مۇمكىندىك تۋدىردى. كومەك قابىلداۋشى جەردىڭ ساۋداگەر شاقىرىپ، قارجى ەنگىزۋ تەبىنىن ارتتىرىپ، ءىرى، ورتا، شاعىن كاسىپورىنداردىڭ دامۋىن ىلگەرىلەتىپ، شارۋاشىلىق قۇرۋ، جۇمىسقا ورنالاستىرۋ بەلسەندىلىگىن ارتتىردى.

جاڭا كەزەكتى شينجياڭعا باعىتتامالى كومەكتەسۋ باستالعاننان بەرى، بەيجيڭ قالاسى كومەك قابىلداۋشى حوتان ايماعىنىڭ 4 اۋدانى (قالا) مەن بيڭتۋاننىڭ 14 - ديۆيزياسىنان 300 مىڭ ادامنىڭ كەدەيلىكتەن قۇتىلۋىنا دەمەۋشى بولىپ، بۇقارانىڭ تابىس سەزىمىن ونان سايىن كۇشەيتىپ، كەدەي جۇرتقا وتان ۇلى شاڭىراعىنىڭ ىستىق مەيىرىن سەزىندىردى. 
بەيجيڭ قالاسىنىڭ قولباسشىلىق شتابى كەدەيلەردى سۇيەمەلدەۋ بويىنشا سەلبەستىك قىزمەتىنە ايرىقشا ءمان بەردى، نەگىزگى باسشىلار كوپ مارتە گرۋپپا باستاپ، كەدەي قىستاقتاردا تەكسەرۋ - زەرتتەۋ جۇرگىزىپ، كەدەي حالىقتىڭ ناقتى جاعدايى مەن كەدەيلەسۋ سەبەپتەرىنە كوز جەتكىزىپ، كەدەيلەردى سۇيەمەلدەۋ قىزمەتىنىڭ وي جۇلگەسى مەن شارالارىن باعىتتامالى تۇردە العا قويدى. 
كومەك قابىلداۋشى جەردىڭ كەدەيلەردى سۇيەمەلدەۋ قىزمەتىنىڭ جاعدايىن جاپپاي يگەرۋ ءۇشىن، قولباسشىلىق شتاب كەدەيلەردى سۇيەمەلدەۋ قىزمەتى جونىندەگى ارناۋلى اڭگىمە ءماجىلىستى اۋىق - اۋىق اشىپ، حوتان ايماعى مەن بيڭتۋان 14 - ديۆيزياسىنىڭ كەدەيلەردى سۇيەمەلدەۋ كەڭسەسى، دامۋ جانە رەفورما كوميتەتى، ەكونوميكا جانە ينفورماتسيالاندىرۋ كوميتەتى، سونداي - اق «ءبىر قالا، 3 اۋدان» ۇكىمەتتەرى مەن پولكتەردىڭ قاتىستى تاراۋلارىنىڭ جاۋاپتىلارىن شاقىرىپ، كەدەيلەردى سۇيەمەلدەۋ قىزمەتىندە ءدوپ كەلگەن جاعداي، ورىن تەپكەن قيىنشىلىق جانە ۇسىنىس - پىكىرلەر، ت. ب جونىندە ىشكەرىلەي زەرتتەۋ جۇرگىزىپ، بەيجيڭنىڭ شينجياڭعا باعىتتامالى كومەكتەسۋ بويىنشا كەدەيلىكتەن قۇتىلدىرۋدان قامال الۋ مىندەتىن ايقىندادى. حوتان ايماعىنىڭ كەدەيلىكتەن قۇتىلدىرۋ جونىندەگى قاجەتىن تياناق ەتىپ، كومەك قابىلداۋشى جەرمەن بىرگە «كىمدى سۇيەمەلدەۋ»، «كىم سۇيەمەلدەۋ»، «قالاي سۇيەمەلدەۋ»، «قالاي تىزىمنەن شىعارۋ» سياقتى ماسەلەلەر ۇستىندە ىزدەنىس جاساپ، «بەيجيڭ قالاسىنىڭ شينجياڭعا باعىتتامالى كومەكتەسۋ بويىنشا كەدەيلەردى سۇيەمەلدەۋ قىزمەتىنىڭ جوباسىن» زەرتتەپ بەلگىلەپ، كەدەيلەردى دالمە - ءدال سۇيەمەلدەۋدىڭ عىلميلىعىن، ۇيلەسىمدىلىگىن جانە ۇلاسپالىلىعىن شىنايى جوعارىلاتتى. «بەيجيڭ قالاسى شينجياڭعا باعىتتامالى كومەكتەسۋ قولباسشىلىق شتابىنىڭ كەدەيلەردى دالمە - ءدال سۇيەمەلدەۋ نىساندارىن باسقارۋ ءادىسىن (سىناق رەتىندە اتقارىلادى)» بەلگىلەپ، دالمە - ءدال سۇيەمەلدەۋ قارجىسىنىڭ پايدالانىلۋى مەن باسقارىلۋىن رەتتەپ، كەدەيلىكتەن قۇتىلدىرۋ سۋبيەكتىلەرىنىڭ بەلسەندىلىگى مەن ىرىقتىلىعىن ساۋلەلەندىرىپ، قاراجاتتى قاراۋ - بەكىتۋ بيلىگىن اۋدان (قالا)، پولككە بەرىپ، كومەك قابىلداۋشى جەردىڭ قاراجاتتى پايدالانۋ تاسىلدەرىن جاڭالاۋىنا جەتەكشىلىك ەتىپ، قاراجاتتىڭ كادەگە جاراۋ ناتيجەسىن ۇلعايتتى. 
لوپ اۋدانى مەن قاراقاش اۋدانى جەكە - جەكە 30 ميلليون يۋان جانە 35 ميلليون يۋان اقشا شىعارىپ، ونى كەپىل اقشا ەتىپ، جەرگىلىكتى فينانس قۇرىلىمدارىمەن سەلبەسىپ، 1: 5 بويىنشا كەدەيلەردى سۇيەمەلدەۋ قارىز اقشاسىن تاراتۋ كولەمىن ارتتىرىپ، كەدەيلەردى سۇيەمەلدەۋ قارجىسىنىڭ سۇيمەندىك رولىن ساۋلەلەندىرىپ، كەدەي وتباسىلارىنا كەپىلسىز جەكە قارىز اقشا بەردى ءارى ءوسىمىن قازىنادان كوتەرۋگە قارجى ورنالاستىردى، قارىز اقشا بەرۋ ۋاقىت شەگى ءبىر دە 3 جىل بولىپ، ءبىر وتباسىنا ەڭ كوپ بولعاندا 50 مىڭ يۋان قارىز اقشا بەرىپ، كەدەي وتباسىلارىنىڭ قارىز اقشا الۋى قيىن، قارىز اقشا ءوسىمى جوعارى بولۋ، ءوندىرىستى دامىتۋعا قارجى بولماۋ ماسەلەسىن ءونىمدى شەشتى.
لوپ اۋدانى سامپۇل قالاشىعى بوستانكول قىستاعىندا رەتتى ءارى قويۋ ۇلتتىق ەرەكشەلىككە يە تۇرعىندار تۇراعى سول جەردەگى كورىنىسى كوز تارتاتىن اسەم كورىنىسكە اينالدى. سامەت وتباسى وسى قىستاقتاعى كەدەي وتباسى بولاتىن. بىلتىر بەيقۇت ءۇي سالىپ، حالىقتى اۋقاتتاندىرۋ ينجەنەرياسىنان يگىلىكتەنگەن سامەت ۇكىمەتتىڭ 28 مىڭ 500 يۋان كومەك قاراجاتىنا يە بولىپ، كەڭ دە جارىق بەيقۇت ءۇي سالدى. ءۇيىنىڭ الدىندا گۇلباقشا، ارتىندا قوي قورا جانە كوكونىس ەگەتىن جەرى بار. سامەت: ءۇيىمنىڭ اۋماعى 81 شارشى مەتر. ۇيدە توك، قۇبىر سۋ بار. بۇل تۇرمىسىمىزعا توتەنشە قولايلى بولدى. جازدا ءبىر ءۇيلى جان ءۇي الدىنداعى قالتقىدا سالقىندايمىز. تۇرمىسىمىز كۇن سايىن جاقسارا ءتۇستى! مۇنداي تاماشا تۇرمىسقا كەنەلۋىمىزدى پارتيا مەن ۇكىمەتتىڭ قامقورلىعىنان، بەيجيڭنىڭ شينجياڭعا قالتقىسىز كومەكتەسۋىنەن بولە قاراۋعا بولمايدى، - دەدى.
بەيقۇت ءۇي سالىپ، حالىقتى اۋقاتتاندىرۋ ينجەنەرياسىنان جانە شينجياڭعا كومەكتەسۋ نىساندارىنان يگىلىكتەنگەن بوستانكول قىستاعىنداعى 44 وتباسى، 150 ادام بىلتىر تۇگەلدەي تام ۇيگە قوش ايتىپ، سۋ، توك، جىلۋ قۇرىلعىلارى كەمەلدى، كەڭ دە جارىق بەيقۇت ۇيگە كوشىپ كىردى. وسىنداي تاماشا شارت - جاعدايدا سامەت وتباسى بار زەيىنىمەن باعىمشىلىقپەن شۇعىلدانىپ، قازىر قويى 50 نەشەگە، وتباسىنىڭ بىلتىرعى جىلدىق كىرىسى 17 مىڭنان استام يۋانعا جەتىپ، كەدەيلىكتەن قۇتىلدى.
حوتان ايماقتىق اكىمشىلىك مەكەمەسىنىڭ ورىنباسار ءۋاليى، بەيجيڭ قالاسى شينجياڭعا باعىتتامالى كومەكتەسۋ حوتان قولباسشىلىق شتابىنىڭ ورىنباسار قولباسشىسى ۋاڭ جاۋلۇڭ بىلاي دەپ تانىستىردى: پارتيا 18 - قۇرىلتايىنان بەرى، بەيجيڭ قالاسى شينجياڭعا باعىتتامالى كومەك كورسەتۋ قاراجاتىنان جالپى 2 ميلليارد 340 ميلليون يۋان بوساتىپ، بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا 160 مىڭ ءۇي سالىپ، 800 مىڭنان استام بۇقارانىڭ تۇرعىن ءۇي شارت - جاعدايىن تۇبەگەيلى جاقسارتتى. بەيجيڭ قالاسى بەيقۇت ءۇي سالىپ، حالىقتى اۋقاتتاندىرۋ ينجەنەرياسىن اتقارۋ بارىسىندا، وزىق يدەيالاردى ەنگىزۋگە، عىلمي جەتەكشىلىك ەتۋگە، دالمە - ءدال اتقارۋعا نازار اۋدارىپ، ارحيۆ تۇرعىزىپ، كارتچكالانعان كەدەي وتباسىلارىنىڭ بەيقۇت ءۇي سالىپ، حالىقتى اۋقاتتاندىرۋ، قورا - جايىن وزگەرتىپ سالۋ، باسقا سالاعا ويىستىرىپ جۇمىسقا ورنالاستىرۋ ارقىلى دەرلىكتەي كەدەيلىكتەن قۇتىلۋىنا اناعۇرلىم كوپ مۇمكىندىك جاسادى.
سامەت وتباسىنىڭ وزگەرىسى بەيجيڭ قالاسىنىڭ شينجياڭعا باعىتتامالى كومەكتەسۋى بارىسىنداعى «كىلتەڭ تۇستارىن ويلاۋ، شۇعىل تۇستارىنا كومەكتەسۋ، دالمە - ءدال سۇيەمەلدەۋ» وي - جەلىسىنىڭ شاعىن كارتاسى ىسپەتتى. 
«بەيجيڭ قالاسى بۇقارا باس قاتىراتىن تۇرعىن ءۇي، جۇمىسقا ورنالاسۋ، دوڭگەلەڭ داۋلەتكە جەتۋ بارىسىندا كىرىستى ارتتىرۋ ماسەلەلەرىن شەشۋگە ءارقاشان باسا ءمان بەرىپ كەلدى. مۇنداعى ەڭ وزەكتى ءتۇيىن بۇقارانىڭ قونىستانۋ شارت - جاعدايىن جاقسارتۋمەن بىرگە، ولاردىڭ كىرىسىن باياندى، ورنىقتى تۇردە ارتتىرۋىنا، حوتان حالقىنىڭ بۇكىل ەلدەگى ءار ۇلت حالقىمەن بىرگە دوڭگەلەك داۋلەتكە ۇمتىلىپ، ۇلى جۇڭگو ارمانىن جۇزەگە اسىرۋىنا مۇمكىندىك جاساعداندىعى!»، - دەدى، حوتان ايماقتىق پارتكومنىڭ ورىنباسار شۋجيى، بەيجيڭ قالاسىنىڭ شينجياڭعا باعىتتامالى كومەكتەسۋ حوتان قولباسشىلىق شتابىنىڭ باس قولباسشىسى لۋ يۇيگو.

جاۋاپتى رەداكتورى: نۇربولات قابىل ۇلى

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: