وسى حاباردى قولفوننان كورىڭىز
نازاربايەۆ پەن پۋتين ەكى ەلدىڭ ءوزارا ءىس-قيمىلىنىڭ نەگىزگى اسپەكتىلەرىن تالقىلادى
  • ۋاقىتى: 2019-09-08
  • جولداۋشى: سارماي
  • كورىلىم : 332 رەت
  • قاينار: قازاقپارات
  • باعالاۋ : 0 پارشا

ماسكەۋ. قاز اقپارات- قازاقستاننىڭ تۇڭعىش پرەزيدەنتى نۇرسۇلتان نازاربايەۆماسكەۋدەگى جۇمىس ساپارى بارىسىندا رەسەي فەدەراتسياسىنىڭ پرەزيدەنتى ۆلاديمير پۋتينمەن كەلىسسوزدەر وتكىزدى، دەپ حابارلايدى قاز اقپارات ەلباسىنىڭ رەسمي سايتىنا سىلتەمە جاساپ.

كرەملدە كەزدەسۋ بارىسىندا نۇرسۇلتان نازاربايەۆ پەن ۆلاديمير پۋتين ەكى ەلدىڭ ءوزارا ءىس-قيمىلىنىڭ نەگىزگى اسپەكتىلەرىن تالقىلادى.

-قازاقستان-رەسەي قارىم-قاتىناسى ۇلگى ەتۋگە تۇرارلىق. مۇنداي بايلانىس كوپتەگەن ەلدەرگە ونەگە. مەن ءوزارا ءىس-قيمىلدىڭ وسىنداي دەڭگەيگە جەتۋى ءۇشىن بار كۇشىمدى سالدىم. ءبىز سونىمەن بىرگە، ءساتتى دامىپ كەلە جاتقان جانە بارلىق مۇشە ەلدەرگە پايداسىن تيگىزەتىن ەۋرازيالىق ەكونوميكالىق وداق قۇردىق، -دەدى قازاقستاننىڭ تۇڭعىش پرەزيدەنتى.

ەلباسى رەسەي پرەزيدەنتىن ماسكەۋ قالاسىنىڭ كۇنىمەن قۇتتىقتاپ، ساتتىلىك جانە رەسەي استاناسىنىڭ گۇلدەنە بەرۋىن تىلەدى.

-ماسكەۋ قالاسىنىڭ كۇنى مەرەكەسىنە شاقىرعانىڭىز ءۇشىن راحمەت. ماسكەۋ بارشامىزعا وتە جاقىن. ەرتە جاستان باستاپ ءبىز وسىندا كەلدىك، وقىدىق جانە جۇمىس ىستەدىك. حالىق شارۋاشىلىعى جەتىستىكتەرىنىڭ كورمەسى قىزمەت ەتكەن جىلداردىڭ بارىندە حالىقتارىمىزدىڭ دوستىعىن نىعايتۋعا ءوز ۇلەسىن قوسقانىن اتاپ وتكەن ءجون. جەڭىستىڭ 75 جىلدىعىن مەرەكەلەۋ قارساڭىندا وسى سۇراپىل سوعىستاعى جەڭىسكە ادامداردىڭ بىرلىگىنىڭ ارقاسىندا قول جەتكەنىن اتاپ وتكىم كەلەدى، -دەدى قازاقستاننىڭ تۇڭعىش پرەزيدەنتى.

ءوز كەزەگىندە رەسەي كوشباسشىسى قازاقستاننىڭ تۇڭعىش پرەزيدەنتىنىڭ ەكى جاقتى قاتىناستاردى قالىپتاستىرۋ جانە دامىتۋداعى ەرەكشە رولىن اتاپ ءوتتى.

-قۇرمەتتى نۇرسۇلتان ءابىش ۇلى، بىزگە مەرەكە كۇنى كەلگەنىڭىز ءۇشىن راحمەت. ءسىز رەسەي-قازاقستان قاتىناستارىن ورناتۋشىسىز. بۇل بايلانىستار گۋمانيتارلىق، اسكەري سالالاردا، اسكەري تەحنيكالىق ىنتىماقتاستىقتا وداقتاستىقتىڭ بۇرىن-سوڭدى بولماعان ەڭ جوعارى دەڭگەيىنە جەتتى، ءبىز تولاعاي تابىسقا قول جەتكىزە المايتىن قىزمەت سالاسى جوق. ءبىز ءسىزدى كورۋگە ءارقاشان قۋانىشتىمىز جانە ءبىزدىڭ جەكە بايلانىستارىمىزدىڭ جالعاسىپ جاتقانىنا قۋانىشتىمىن، -دەدى ۆلاديمير پۋتين.

ەسكە سالا كەتسەك، ەلباسى رەسەيگە جۇمىس ساپارى بارىسىندا حالىق شارۋاشىلىعى جەتىستىكتەرى كورمەسىندەگى «قازاقستان» پاۆيلونىنىڭ اشىلۋ راسىمىنە قاتىستى جانە ماسكەۋدەگى قازاقستان رەسپۋبليكاسىنىڭ ەلشىلىگىندە بولدى.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: