وسى حاباردى قولفوننان كورىڭىز
ترامپ ا قش پرەزيدەنتى بولعالى 5 ميلليارد دوللارىنان ايىرىلدى
  • ۋاقىتى: 2019-08-16
  • جولداۋشى: سارماي
  • كورىلىم : 108 رەت
  • قاينار: قازاقپارات
  • باعالاۋ : 0 پارشا

ا قش پرەزيدەنتى دونالد ترامپ مەملەكەت باسشىسى بولىپ سايلانۋىنا بايلانىستى 5 ميلليارد دوللاردان ايىرىلعانىن ايتتى، دەپ حابارلايدى قاز اقپارات NBC تەلەارناسىنا سىلتەمە جاساپ.

ترامپ بيزنەسمەندىك مانسابىن توقتاتقالى بەرى الا الماي قالعان تابىستارىن، سونداي-اق وزىنە بىلدىرىلگەن شاعىمدارمەن اينالىسقان ادۆوكاتتارعا كەتكەن قاراجاتتاردى وسىلاي باعالاعان.

«پرەزيدەنت بولۋىما بايلانىستى شامامەن ۇش-بەس ميلليارد دوللاردان ايىرىلدىم. ءبىراق ماعان ءبارىبىر، مەنى ول قىزىقتىرمايدى. پرەزيدەنت بولعانىمنىڭ ءوزى مەن ءۇشىن باق-داۋلەت»، -دەدى ترامپ.

NBC تەلەارناسىنىڭ حابارلاۋىنشا، ترامپتىڭ وسىنشاما قارجىدان ايىرىلىپ وتىرعانىن انىقتاۋ مۇمكىن ەمەس. ايتا كەتەيىك، Forbes جۋرنالىنىڭ ناۋرىز ايىنداعى دەرەگى بويىنشا، ترامپ اكتيۆتەرىنىڭ جيىنتىق قۇنى شامامەن 3.1 ميلليارد دوللاردىڭ اينالاسىندا.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: