وسى حاباردى قولفوننان كورىڭىز
اقشا جايلى قىزىقتى نانىم- سەنىمدەر
  • ۋاقىتى: 2018-05-14
  • جولداۋشى: سارماي
  • كورىلىم : 6338 رەت
  • قاينار: ماسساگەت
  • باعالاۋ : 0 پارشا

اقشادان تارىققاندى ەشكىم دە قالامايدى. ال اقشانىڭ كوپ بولعانىن ارماندامايتىن پەندە كەمدە-كەم بولار. اسىرەسە، اقشاعا قاتىستى نانىم- سەنىمدەردى بەرىك ۇستاناتىن جاندار كوپ.

قاي ۇلتتىڭ نانىم- سەنىمدەرىن الساڭىز دا اقشاعا دەگەن ەرەكشە قاتىناستى بايقايسىز. بارلىعىندا دا ءبىر ماقسات– اقشا تاپشىلىعىن كورمەۋ، ونى كەرىسىنشە– كوبەيتۋ. بۇگىندە جاستار اراسىندا دا اقشاعا قاتىستى نانىم- سەنىمدەر مەن ىرىم- تيىمدار جەتەرلىك. ولاي بولسا وسى اقشاعا قاتىستى بۇگىنگى تاڭداعى نانىم- سەنىمدەر تۋرالى ايتا وتىرايىق.

1. اقشانى تازا جەردە ۇستاۋ كەرەك، جانە تازا جولمەن تابۋ كەرەك. وڭاي كەلگەن اقشا، وڭاي جوق تا بولادى.

2. ەگەر ءسىز ساتۋشى بولساڭىز، اقشانى قولما- قول الىپ، ال قايتاراردا ۇستەل ۇستىنە قويعانىڭىز ءجون. مۇنى دۇكەنگە بارعاندا تالاي رەت اڭعارعان بولارسىز.

3. قىزىل ءتۇستى ءاميان اقشا شاقىرادى دەگەن تۇسىنىك بار. كوبىنە تۋعان كۇن كەشتەرىندە وسىنداي سي جاساپ جاتقاندا بۇل تۋرالى تالاي ەستىگەن دە شىعارسىز.

4. اقشانى العان كۇنى جاراتۋعا بولمايدى. ەرتەسىنەن باستاپ ازداپ قاجەتىڭىزگە جۇمساي باستاساڭىز بولادى.

5. ءاميانعا تەك اقشا عانا سالىڭىز. سونىمەن قاتار ءاميانعا اقشالاردى رەت-رەتىمەن جانە وزىندىك قۇنى بويىنشا ورنالاستىرۋعا داعدىلانىڭىز. سوندا اقشاڭىزدىڭ قۇنى بولادى دەگەن تۇسىنىك بار.

6. جاڭا اي تۋعاندا باسىڭىزدى ءيىپ سالەم بەرىپ، سوسىن اقشا نەمەسە التىن، كۇمىس كورسەتىپ: «جاڭا اي قالاي ءۇستىپ كەلە جاتسا، ماعان سونداي اقشا كەلسىن» -دەپ ايتىلعان.

7. سەيسەنبى كۇنى قارىز سۋراۋدان اۋلاق بولىڭىز، كەم دەگەندە ءبىر اي بويى قارىزدا جۇرەسىز دەگەن ۇعىم بار.

8. ءىرى كولەمدەگى اقشانى تاڭەرتەڭ جۋىنىپ بولعان سوڭ ساناۋ كەرەك دەگەن دە تۇسىنىك بار.

9. ءار ۋاقىتتا اقشاڭىزدى ءامياندا ۇستاڭىز. اقشا قالتاڭىزدا قالاي بولسا، سولاي شاشىلىپ جاتسا كىرىس كىرمەيدى. ياعني بۇل اقشانىڭ دا ءوزىن باپتامايتىن جەرگە بارعىسى كەلمەيتىندىگىمەن تۇسىندىرىلەدى.

10. كەشكە اقشا بەرۋگە، ساناۋعا بولمايدى. ال اقشا بەرگەن كۇننىڭ وزىندە قولىنا ۇستاتپاۋ تۋرالى ىرىم بار.

11. اس ءۇيدىڭ داستارحانىنىڭ استىندا ۇنەمى تيىن تۇرۋ كەرەك دەگەن دە تۇسىنىك بار. سونداي-اق، ادامدار سوڭعى تيىنىن قالتا ءتۇپ رەتىندە ساقتايدى.

12. باي، قالتالى ادامداردان قولما- قول اقشا الۋعا تىرىسىڭىز. سولار سەكىلدى باي بولاسىڭ دەگەن جاقسى ىرىم بار.

13. اقشانى سول قولىمەن الىپ، وڭ قولىمەن بەرەتىندەر بار. بۇل دا نانىم-سەنىمنىڭ ءبىرى.

بالكىم، سىزدە اقشاعا قاتىستى وسى نانىم- سەنىمدەردىڭ ءبىرىن ۇستاناتىن، بولماسا ۇستانعان بولارسىز. مۇمكىن، ءبىز ايتپاعانى دا بار بولار. ايتا وتىرىڭىز.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: