وسى حاباردى قولفوننان كورىڭىز
92 جاستاعى پەدوفيل 11 جاستاعى قىزبەن جىنىستىق قاتىناسقا تۇسپەكشى بولدى
  • ۋاقىتى: 2017-06-12
  • جولداۋشى: سارماي
  • كورىلىم : 585 رەت
  • قاينار: قازاقىستان تورابى
  • باعالاۋ : 0 پارشا

بريتانيادا تۇرعىندار 11 جاستاعى قىزبەن جىنىستىق قاتىناسقا ءتۇسۋدى جوسپارلاعان 92 جاستاعى ەر ادامدى ۇستاپ الدى. ول اسكەري اۋە كۇشتەرىنىڭ ارداگەرى ەكەن.

92 جاستاعى يۆور گيففورد ەسىمدى كىسى جالعان اككاۋنت ارقىلى 12 جاستاعى دجودي جانە 11 جاستاعى دجەسسي ەسىمدى قىزدارعا اشىق مازمۇنداعى حات جىبەرەدى. تەرگەۋشىلەردىڭ سوزىنشە، يۆور زاماناۋي ءستيلدى، ينتەرنەت-تەحنولوگيانى جاقسى مەڭگەرگەن ەكەن. ول وسى قابىلەتىن قىزداردى ازعىنداۋعا جۇمساعان.

ارداگەر «دجەسسيگە» سەكسۋالدى تۇردە كيىنىپ كەلۋدى ايتىپتى. ال شىن مانىندە قىزدىڭ اككاۋنتىن الەۋمەتتىك جەلىدە پەدوفيلدەردى باقىلايتىن توپ اشقان بولاتىن.

سوت ونى 18 ايعا تۇرمەگە وتىرعىزۋعا شەشىم قابىلدادى.

پەدوفيل بىرنەشە جىل بويى الەۋمەتتىك جەلىدە «قىزدارمەن» سويلەسىپ، سەكسپەن اينالىسقانىن، توسەك قاتىناسىنا دەگەن قىزىعۋشىلىعىن سۇراپ كەلگەن. ءتىپتى جالاڭاش تۇسكەن سۋرەتتەرىن جىبەرۋدى دە ءوتىنىپ سۇرايدى ەكەن.

مەجەلى ورىنعا كەلگەن يۆور دجەسسيدىڭ اككاۋنتىنىڭ ارتىندا ارنايى توپ تۇرعانىن ءبىر-اق بىلەدى. سول توپ پەدوفيلدى بىردەن ۇستاپ، پوليتسياعا تابىستايدى. تەرگەۋ كەزىندە قىلمىسكەر جۇرەك تالماسىنا ۇشىراپ، ينسۋلت العان. كەيىن ودان بۇكىل جاقىندارى تەرىس اينالىپتى.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: