وسى حاباردى قولفوننان كورىڭىز
كۇنىنە كەم دەگەندە 15 مينۋت جاياۋ ءجۇرۋدىڭ دەنساۋلىققا 15 ءتۇرلى پايداسى
  • ۋاقىتى: 2019-04-29
  • جولداۋشى: ايگەرىم
  • كورىلىم : 301 رەت
  • قاينار: ماسساگەت
  • باعالاۋ : 0 پارشا

1. كوڭىل- كۇيىڭىزدى كوتەرەدى

سپورتزالدا ەمەس، دالادا، تازا اۋادا جاياۋ جۇرگەن كوڭىل-كۇيدى كوتەرەدى. سول سياقتى جاياۋ ءجۇرۋ دەپرەسسياعا قارسى كۇرەسۋگە وڭ ىقپال ەتەدى.

2. كرەاتيۆتى وياتادى

ەگەر ءسىز ءبىر ءىستى باستاۋ ءۇشىن شابىت ىزدەپ جۇرسەڭىز، جاياۋ كوبىرەك جۇرۋگە تىرىسىڭىز. سەبەبى، ءجۇرىس كونۆەرگەنتتى جانە ديۆەرگەنتتى ويلاۋ تۇرلەرىن جاقسارتادى، ال بۇل ەكەۋى شىعارماشىلىقپەن تىكەلەي بايلانىستى.

3. اللەرگيامەن كۇرەسۋگە كومەكتەسەدى

اللەرگيا ماۋسىمى باستالعاندا، تۇشكىرۋ، قىشىنۋ سەكىلدى جاعىمسىز سەزىمدەردەن قاشۋ ءۇشىن ۇيدە وتىرعىڭىز كەلەدى. ءبىراق، عالىمدار بۇل ويىڭىزدى قۇپتامايدى. جۇگىرۋ مەن جاياۋ ءجۇرۋ اللەرگيانى تۋدىراتىن بەلگىلەرمەن بەلسەندى كۇرەسەدى.

4. مەتابوليزم سيندرومى قاۋپىن تومەندەتەدى

مەتابوليزم سيندرومى قان قىسىمنىڭ كوتەرىلۋى، قان قۇرامىنداعى قانتتىڭ كوبەيۋى، ارتىق سالماق سەكىلدى بىرنەشە اۋرۋلاردىڭ جالپى اتاۋى. ول ديابەتكە شالدىقتىرىپ، جۇرەك-قان تامىر اۋرۋىن اسقىندىرىپ، ەرتە ولىمگە الىپ كەلەدى. مەتابوليزم سيندرومى وتىرىپ جۇمىس ىستەيتىن جانداردىڭ جاۋى. ال جاياۋ ءجۇرۋ بۇل سيندرومنىڭ الدىن الادى.

5. ءومىر جاسىن ۇزارتادى

كۇندەلىكتى جاياۋ ءجۇرىس ءسىزدىڭ ءومىرىڭىزدى 7 جىلعا ۇزارتادى. سول سياقتى قالعان ءومىرىڭىزدى كەرەمەت جايلى وتكىزۋىڭىز دە مۇمكىن. سەبەبى، كوبىرەك جاياۋ جۇرگەندەر وزدەرىن باقىتتى سەزىنەدى ەكەن.

6. ۇنەمدەۋگە كومەكتەسەدى

جاياۋ ءجۇرۋ A مەن B نۇكتەسىن جالعاۋ ءۇشىن عانا كەرەك ەمەس. ول، ەڭ باستىسى– سپورت. ەگەر فيتنەسكە بارۋعا قالتاڭىز كوتەرمەسە، جاياۋ ءجۇرىڭىز. وعان ارنايى اياق كيىم الۋدىڭ دا ەش قاجەتى جوق. تەك وزىڭىزدە بار اياق كيىمدەردىڭ ىشىنەن ىڭعايلىسىن كيىپ الساڭىز بولدى.

7. بيولوگيالىق جاسىڭىزدى كىشىرەيتەدى

زەرتتەۋشىلەر دالەلدەگەندەي، كۇندەلىكتى جاياۋ جۇرەتىن ادامدار ءوز قاتارلاستارىنان الدەقايدا جاس كورىنەدى. اەروبتى كۇش سالۋ جاس كەلە كىشىرەيەتىن حروموسومانىڭ تەلومەرلى اۋماعىن كەڭەيتە تۇسەدى. بۇل ادامنىڭ بيولوگيالىق جاسىن كىشىرەيتەدى.

8. ۇيقىنى قالىپقا تۇسىرەدى

جاياۋ كوپ جۇرەتىن ادامداردا ۇيقىسىزدىق، ۇيىقتاي الماۋ سەكىلدى پروبلەمالار بولمايدى. ولاردىڭ ۇيقىسى تىنىش جانە سەرگەك بولادى. ال بۇل ءوز كەزەگىندە باقىتتى، ۇزاق ءومىردىڭ العى شارتى.

9. كۇيزەلىستى تومەندەتەدى

كۇيزەلىس تەك پسيحيكالىق ەمەس، فيزيكالىق تۇرعىدان دا اسا اۋىر زاردابىن تيگىزەدى. ال جاياۋ ءجۇرۋ ادامدى سابىرلىلىققا شاقىرىپ، سانانى تازارتىپ، كارتيزول دەڭگەيىن قالىپقا كەلتىرەدى.

10. مي جۇمىسىن ىنتالاندىرادى

جاياۋ ءجۇرۋ دەنساۋلىققا عانا ەمەس، ميدىڭ جۇمىسىنا دا وڭ اسەر ەتەدى. ەستە ساقتاۋ قابىلەتىن جاقسارتىپ، تانىمدىق قابىلەتتى ارتىرىپ، دەمەنتسيا مەن التسگەيمەر اۋرۋىنىڭ دامۋىنىڭ الدىن الادى.

11. اۋىرسىنۋدى باسادى

عالىمدار سوزىلمالى اۋرۋى بار ادامدارعا جاياۋ ءجۇرۋدىڭ ءبىرشاما تيگىزەر پايداسى بارىن ايتادى. جاياۋ ءجۇرۋ سىرقاتتان تولىق ايىقتىرماسا دا، ونى جەڭىل وتكەرۋگە ءوز كومەگىن تيگىزەدى.

12. سۇيەكتى نىعايتادى

تىعىز سۇيەك ءتىنى سۇيەكتى نىعايتىپ، وستەوپاروز، ومىرتقانىڭ دەفورماتسياسى جانە ت. ب قيمىل-تىرەك اپپاراتىنىڭ اۋرۋلارىنان ساقتايدى.

13. كوزدىڭ كورۋ قابىلەتىن جاقسارتادى

قارتايعاندا كوزدىڭ ناشارلاۋى سەكىلدى پروبلەما كەز كەلگەنىمىزدىڭ الدىمىزدان شىعادى. عالىمداردىڭ سوزىنشە، كوپ جاياۋ جۇرگەن ادامنىڭ كوز جانارى جاقسى ساقتالادى.

14. ۋاقىتتى قىزىقتى وتكىزۋدىڭ تاماشا ءتاسىلى

جاياۋ سەرۋەندەۋ جاقىن ادامدارىڭىزبەن، دوستارىڭىزبەن، تۋىستارىڭىزبەن اڭگىمەلەسۋدىڭ جاقسى جولى.

15. كوپتەگەن اۋرۋلاردى بولدىرمايدى

فيزيكالىق بەلسەندىلىك راك، ديابەت، جۇرەك، وكپەمەن بايلانىستى كوپتەگەن اۋرۋلاردىڭ الدىن الادى. جاياۋ سەرۋەندەۋ ەشقانداي شىعىندى تالاپ ەتپەيتىن پايدالى جاتتىعۋ.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: