وسى حاباردى قولفوننان كورىڭىز
ءۇش سپورتتىق ەرەجە
  • ۋاقىتى: 2019-04-26
  • جولداۋشى: ايگەرىم
  • كورىلىم : 188 رەت
  • قاينار: ماسساگەت
  • باعالاۋ : 0 پارشا

دارىگەرلەر مەن عالىمدار ادامداردى دەنە شىنىقتىرۋمەن جانە سپورتپەن اينالىسۋعا شاقىرۋدان شارشامايدى. سەبەبى ماماندار ونىڭ جالپى ادام اعزاسىنا تيگىزەر مول پايداسىن بىلەدى. قازىر كوپشىلىكتىڭ دەنە شىنىقتىرۋعا دەگەن ىنتاسى بار.

ءبىراق ايەلدەردىڭ كوپشىلىگى جاتتىعۋ زالىنا ءبىر اي شاماسىندا بارىپ، ناتيجەلەردەن كوڭىلى قالادى: ارتىق سالماقتان ارىلمايدى، دەنساۋلىعىندا دا جاقسى اسەر بايقالمايدى، ونىڭ ۇستىنە، ۇنەمى بۇلشىقەتتەرى اۋىرادى. سوندا سپورتپەن قالاي شۇعىلدانۋ كەرەك؟

ارتىق سالماق تاستاۋدا نەمەسە دەنساۋلىقتى قالىپتى جاعدايدا ۇستاۋدا ناتيجەگە جەتۋدىڭ باستى شارتى– تۇراقتىلىق. ەگەر جاتتىعۋ زالىنا اپتاسىنا ءبىر رەت قانا بارساڭىز، ونىڭ پايداسى اسا بىلىنبەيدى. سەبەبى بۇلشىق ەتتەردىڭ 2 تاۋلىك بويى جۇمىس ىستەيتىن ءوز ەستە ساقتاۋ جادى بار.

ياعني، ەگەر بۇگىن ارقا بۇلشىق ەتىن جاتتىقتىرساڭىز، ول ءاردايىم تونۋستا بولۋى ءۇشىن كەلەسى جاتتىعۋ ماكسيمۋم ءۇشىنشى كۇنى بولۋى كەرەك. ەگەر ودان اسىپ كەتسە، جاتتىعۋ پروتسەسىن قايتادان باسىنان باستاعانمەن بىردەي بولادى، سەبەبى بۇلشىق ەت الدىڭعى جاتتىعۋدى «ۇمىتىپ» قالادى.

ناتيجەگە جەتۋ ءۇشىن جانە ونى ساقتاپ قالۋ ءۇشىن از دەگەندە 3 ەرەجەنى ۇستانۋ كەرەك:

-جاتتىعۋ 50-60 مينۋتتان از ۋاقىتقا سوزىلماۋى كەرەك. جاتتىعۋ زالىنا كەلىپ، اڭگىمە ايتقاندى نەمەسە ۇيالى تەلەفونعا قاراعاندى ەسەپتەمەي، تەك بەلسەندى جاتتىعۋ جاساۋعا كەتكەن ۋاقىتىڭىز سونداي بولۋى كەرەك.

-جاتتىعۋلار كەستەسى ساقتالۋى كەرەك. مىسالى، ءبىرىنشى اپتادا دۇيسەنبى-سارسەنبى-جۇما جاتتىعۋ زالىنا بارىپ، كەلەسى اپتادا سەيسەنبى-بەيسەنبى بارۋعا بولمايدى.

-ەگەر ماقساتىڭىز بۇلشىق ەتتەردى ءوسىرۋ ەمەس، تەك ارتىق مايدى كەتىرۋ بولسا، تاماقتانۋ ۇلەسىڭىزدى باقىلاۋ قاجەت. ارىقتاۋعا ارنالعان جاتتىعۋ الدىندا 2 ساعات بۇرىن تاماق ىشپەڭىز، ال جاتتىعۋدان سوڭ ءبىر ساعات شاماسىندا تاماق ىشپەي كۇتە تۇرىڭىز. فيزيكالىق جاتتىعۋلاردان سوڭ جانۋار تەكتىلەردىڭ اقۋىزىن (ەت، بالىق، جۇمىرتقا، ءسۇتتى تاعامدار) جەۋ ۇسىنىلمايدى.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: