وسى حاباردى قولفوننان كورىڭىز
تەلەفون ەكىرانى مەن كومپيۋتەر ەكىرانىنا ۇڭىلىپ جۇرگەن بىزدەرگە كوز كۇتىمى ءۇشىن ەسكەرەر ەرەجەلەر
  • ۋاقىتى: 2019-04-25
  • جولداۋشى: سارماي
  • كورىلىم : 202 رەت
  • قاينار: ماسساگەت
  • باعالاۋ : 0 پارشا

كوز– ادام بويىنداعى وتە نازىك اعزا. ءبىز كەيدە جانىمىزدىڭ ايناسى جانارىمىزدى كۇتۋ تۋرالى ويلانۋدى دا ۇمىتىپ كەتەمىز. ال كوزدىڭ كۇتىمى جايلى كەش ويلانعاندا تىپتەن قيىن بولۋى مۇمكىن.

كوزدىڭ كورۋ قابىلەتىنىڭ تومەندەۋى كەز كەلگەن جان ءۇشىن وكىنىش. كوپشىلىگىمىز كۇن سايىن كوزىمىزگە كوپ كۇش سالامىز. قوس جاناردىڭ ساۋ ءارى وتكىر بولۋىنا اسا ءبىر قيىن كۇتىم دە كەرەك ەمەس، بار بولعانى قاراپايىم بىرنەشە ەرەجەنى ساقتاساڭىز جەتكىلىكتى. ول ءۇشىن ءبىز ايتقالى وتىرعان ادەتتەردەن اۋلاق بولعانىڭىز ابزال.

1. كىتاپتى جاتىپ وقۋ

كوبىمىز كىتاپتى جاتىپ وقىعاندى ۇناتامىز. ونىڭ كوزگە زيان ەكەندىگى عىلىمي تۇرعىدان دالەلدەنگەن. كىتاپتى جاتىپ وقۋ كەزىندە كوزدىڭ بۇلشىقەتىنە كوپ سالماق تۇسەدى، ال بۇل ءوز كەزەگىندە كوزدىڭ الىستاعى زاتتاردى ناشار كورۋىنە اكەلىپ سوعادى.

2. لينزانى شەشپەي ۇيىقتاۋ

لينزامەن ۇيىقتاۋ– كوزگە اسا زياندى. ءتىپتى ارنايى تۇنگى ۋاقىتقا ارنالعان لينزالاردىڭ ءوزى كوزدىڭ مۇيىزگەك قابىعىنىڭ وتتەگىمەن قامتاماسىز ەتىلۋىنە كەدەرگى كەلتىرەدى. مۇنىڭ ءتۇرلى جۇقپالى سىرقاتتار تۋدىرۋى ابدەن مۇمكىن. دارىگەرلەر كۇندىز دە ءبىر اۋىق لينزانى شەشىپ، كوزدى دەمالدىرۋعا كەڭەس بەرەدى.

3. دارىگەرگە بارماۋ نەمەسە ەمدەۋ شارالارىن كەيىنگى شەگەرۋ

كوزدى جىلىنا ءبىر رەت بولسىن تەكسەرتىپ تۇرۋ كەرەك. كورۋ قابىلەتى ادامنىڭ جاسى ۇلعايعان سايىن ناشارلاۋى مۇمكىن. قازىرگى تاڭداعى ەكولوگيالىق جاعدايدا بۇل حاۋىپ ودان سايىن كۇشەيە تۇسۋدە. مۇنى اسىرەسە كومپيۋتەر الدىندا جۇمىس جاسايتىندار قاپەرىنە العانى ابزال.

4. ۇنەمى جىلى جەردە وتىرۋ

ساۋدا ورتالىقتارى نەمەسە كەڭسە ىشىندەگى اۋا تەمپەراتۋراسى كوزگە زيان بولۋى مۇمكىن. بۇعان سەبەپ-ول جەردەگى اۋانىڭ تىم قۇرعاق بولۋى. قىس مەزگىلىندە ءۇي ىشىندە وسى جاعداي ءبارىمىزدىڭ باسىمىزدان وتەدى. جىلىتۋ جۇيەسىنىڭ ىسكە قوسىلۋىنان كوز قابىرشىعىنىڭ قورعانىش قاباتىنداعى سۇيىقتىق بۋعا اينالىپ كەتەدى. سوندىقتان ارا- اراسىندا دالاعا شىعىپ، كۇن جىلىنسا بولمەنى جەلدەتىپ تۇرعان دۇرىس.

5. كوزىلدىرىكتى ەلەمەۋ

كۇن كوزىنەن قورعايتىن كوزىلدىرىكتەر ءتىپتى، قىستا دا قاجەت. ءيا، قىتىمىر اياز، توڭازىعان سۋىق بولسا دا. قارعا شاعىلىسقان كۇن ساۋلەسى ەكى ەسە حاۋىپتى، جانە كوزدىڭ قابىرشىعىن كۇيدىرىپ جىبەرۋى دە مۇمكىن.

6. تەمەكى تارتۋ

دارىگەرلەر تەمەكى تارتۋ وكپەگە عانا زالالىن تيگىزىپ قويماي، كورۋ قابىلەتىنە دە زياندى اسەر تيگىزەتىنىن انىقتاعان. شىلىم شەگۋ سارى داقتاردىڭ دەگەنەراتسيالانۋ قاۋپىنە ۇشىراتادى، وسى سەبەپتەن كوزدىڭ كورۋ قابىلەتى مۇلدە ناشارلاۋى مۇمكىن.

7. سەرۋەنگە شىقپاۋ

كۇن سايىن سەرۋەندەۋگە تىرىسىڭىز. وفتولمولوگ مامانداردىڭ زەرتتەۋلەرى ناتيجەسىندە الىستان ناشار كورەتىن ادامداردىڭ بارلىعى دەرلىك ۇنەمى ۇيدەن شىقپايتىن جاندار ەكەن. سوندىقتان ەرىنبەڭىز، دالاعا شىعىپ، سەرۋەندەپ قايتىڭىز.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: