وسى حاباردى قولفوننان كورىڭىز
عالىمدار ىستىق شايدىڭ دەنساۋلىققا زيان ەكەنىن انىقتادى
  • ۋاقىتى: 2019-04-24
  • جولداۋشى: سارماي
  • كورىلىم : 151 رەت
  • قاينار: ماسساگەت
  • باعالاۋ : 0 پارشا

كوپتەگەن ادامدار تاڭعى اسقا قىپ-قىزىل جاڭا دايىندالعان شاي ىشكەندى ۇناتادى. الايدا، بۇل ءداستۇردىڭ زيانى دا جوق ەمەس ەكەن. ۇزاق مەرزىمدى اۋقىمدى زەرتتەۋلەردىڭ ناتيجەسى بويىنشا، ىستىق شاي ىشكەندەردە وڭەش وبىرىنىڭ دامۋ قاۋپى ارتۋى مۇمكىن، دەپ حابارلايدى International Cancer Journal.

عالىمداردىڭ انىقتاعانىنداي، شايدى جاقسى كورەتىندەر تاۋلىگىنە 700 ميلليتىردان اساتىن، تەمپەراتۋراسى +60 گرادۋستان جوعارى سۋسىندى ىشسە، شايدى از ىشەتىندەرمەن سالىستىرعاندا ولاردا وڭەش قاتەرلى ىسىگىنىڭ دامۋ قاۋپى 90 پايىزعا ارتاتىنى بەلگىلى بولدى.

زەرتتەۋگە 40-75 جاس ارالىعىنداعى يراننىڭ سولتۇستىك-شىعىسىنداعى گۋليستان پروۆينتسياسىنىڭ 50 مىڭنان استام تۇرعىنى قاتىستى. باقىلاۋ 2004-2008- جىلدارى باستالعان، سودان كەيىن 10 جىل بويى جالعاستى. 2004- جانە 2017- جىلدار ارالىعىندا عالىمدار قاتىسۋشىلار اراسىندا 317 ادامنان جاڭادان پايدا بولعان قاتەرلى ىسىكتى انىقتادى.

«كوپ ادامدار شاي، كوفە سەكىلدى نەمەسە باسقاداي ىستىق سۋسىنداردى ىشكەندى جاقسى كورەدى. الايدا، ءبىزدىڭ زەرتتەۋدىڭ ناتيجەسى بويىنشا، ادام وتە ىستىق شايدى ىشسە، وڭەش قاتەرلى ىسىگىنىڭ پايدا بولۋ قاۋپى ارتادى، سوندىقتان ءبىز ىستىق سۋسىنداردى ىشپەس بۇرىن سۋىتۋ كەرەكتىگىن ەسكەرتەمىز»، -دەيدى امەريكالىق ونكولوگيالىق قوعامداستىقتىڭ دوكتورى، زەرتتەۋدىڭ جەتەكشىسى فارحاد يسلامي.

جالپى، بۇرىنعى زەرتتەۋلەردە ىستىق شاي مەن وڭەش قاتەرلى ىسىگى اراسىنداعى بايلانىس انىقتالعان بولاتىن. جاڭا زەرتتەۋ جۇمىستارىندا عالىمدار سۇيىكتى سۋسىنداردىڭ دەنساۋلىققا زيانىن تيگىزەتىن ناقتى تەمپەراتۋراسىن انىقتادى.

حالىقارالىق ونكولوگيالىق زەرتتەۋلەر اگەنتتىگىنىڭ حابارلاۋىنشا، وڭەشتىڭ قاتەرلى ىسىگى الەمدەگى سەگىزىنشى ەڭ ءجيى كەزدەسەتىن قاتەرلى ىسىك بولىپ تابىلادى جانە ءجيى ولىمگە اكەلەدى. بۇل ىندەتتەن جىل سايىن 400 مىڭعا جۋىق ادام قايتىس بولادى ەكەن. ونىڭ سەبەبى، ادەتتە: وڭەشكە اسەر ەتەتىن تەمەكى تۇتىنىنەن، سونداي-اق، الكوگولدەن، قىشقىلدىق رەفليۋكستەردەن جانە ىستىق سۋسىن ىشكەننەن بولىپ قالۋى دا ىقتيمال.

بۇرىنعى زەرتتەۋلەرگە سۇيەنسەك، وڭەش وبىرىنا ىستىق شايدىڭ قانداي قاتىسى بار دەپ ويلار ەدىك. لوندوننىڭ گيگيەنا جانە تروپيكالىق مەديتسينا مەكتەبىنىڭ پروفەسسورى ستيۆەن يەۆانستىڭ ايتۋىنشا، ماسەلە سۋسىننىڭ تۇرىندە ەمەس، ونىڭ تەمپەراتۋراسىندا.

«ءبارى دە بولۋى مۇمكىن، ول كەز-كەلگەن ىستىق تاماق پەن ىستىق شايدىڭ سەبەبىنەن دە بولۋى ادبەن ىقتيمال. مىسالى، جاڭا دايىندالعان نەمەسە ىسىتىلعان تاماق تا وڭەشتى زاقىمداۋى مۇمكىن. مۇمكىن، مۇنداي زاقىم كلەتكالاردىڭ وزگەرۋىنە، دەمەك، ونكولوگيالىق اۋرۋلارعا اكەلۋى مۇمكىن»، -دەدى دوكتور يەۆانس.

امەريكا قۇراما شتاتتارىندا جانە ەۋروپادا شاي وتە سيرەك تۇتىنىلادى، تەمپەراتۋرا 60-65 گرادۋس سەلسيدەن اسادى، ءبىراق رەسەي، يران، تۇركيا، سونداي-اق وڭتۇستىك امەريكا سياقتى ەلدەردە ىستىق شايدى ءىشۋ ادەتكە اينالادى. عالىمداردىڭ ايتۋىنشا، ەرەكشە قاۋپى جوعارى تەمپەراتۋرا ساماۋرىن شايى بولىپ تابىلادى. ەلىمىزدەگى ىستىق شايدىڭ جانكۇيەرلەرى سوڭعى عىلىمي ۇسىنىستارعا دا نازار اۋدارىپ، وسى سۋسىندى تەك دەنساۋلىعى ءۇشىن عانا پايدا اكەلەتىن ەتىپ قولدانۋى كەرەك.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: