كەرۋەن حابار كانالى|www.Kerwen.com 新疆最大哈萨克门户娱乐新闻网 新疆凯软哈萨克网 |哈萨克新闻|哈萨克娱乐新闻|哈萨克明星关注│哈萨克电影新闻 |哈萨克最大娱乐门户网, 凯软哈萨克网, 哈萨克网站, |哈萨克文化, 哈萨克视频, 哈萨克音乐试听, 哈语歌曲下载网, kazakh, qazaq, kazak, kerwen, kerwen.com
وسى حاباردى قولفوننان كورىڭىز
تانىستىرىلعان جاڭالىقتار   健康与生活
باستى جاڭالىقتار   健康与生活
دامدەۋىشتەردى مەديتسينادا قولدانۋ
  • ۋاقىتى: 2018-05-13
  • جولداۋشى: سارماي
  • كورىلىم : 61 رەت
  • قاينار: ماسساگەت
  • باعالاۋ : 0 پارشا

اسحانا حانشايىمدارى دامدەۋىشتەردى ەتتىڭ نە بالىقتىڭ ءيسىن كەلتىرۋ ءۇشىن، كوكونىسكە ءدام بەرۋ ءۇشىن تاماققا قوسادى. سول سەبەپتى، تەكشە ءتارىزدى، ۇنتاق ءتارىزدى، سۇيىق تۇرلەرى قازىرگى اسحانانىڭ اجىراماس بولىگىنە اينالدى. ولار اس ۇيدە عانا ەمەس، ەمدە دە، بوياۋدا دا كومەگى بارىن ءبىلىپ پە ەدىڭىز؟

1. ولار– ءتۇرلى ميكروەلەمەنتتىڭ، دارۋمەننىڭ، ماي مەن امينقىشقىلدارىنىڭ قاينار كوزى

ۆانيلدىڭ قۇرامىندا كالتسي، كالي، فوسفور، ناتري جانە تەمىر بارىن ءبىلدىڭىز بە؟ ال دارشىن ا، B1، B2، C، PP دارۋمەندەرىنە باي ەكەنىن شە؟ كۇنجىتتىڭ قۇرامىنداعى كالتسي ىرىمشىكتەگى كالتسيگە قاراعاندا ەداۋىر كوپ. ال لاۆر جاپىراعىندا سىركە سۋى، ۆالەريان قىشقىلى بار. بالعىن اقجەلكەن مەن اسكوك تەمىرگە باي. تىزە بەرسەڭىز، ءار دامدەۋىشتىڭ ءوز ارتىقشىلىعى بار.

2. ەمدىك قاسيەتتەرى بار

كۋركۋما– انتيسەپتيكالىق قاسيەتى بار دامدەۋىش. جارانىڭ ورنىن قالىپقا كەلتىرەتىن كومەگى بار. سەبەبى ونىڭ قۇرامىندا كۋركۋمين اتتى تابيعي انتيوكسيدانت بار. ءبىراق، اشىق تەرىگە تيسە، قاتتى اشىتادى. بالالارعا، جۇيكە جۇيەسى زاقىمدالعان ادامدارعا كۋركۋمانى جاقىنداتپاعان ءجون. وعان قوسا، كۋركۋما ديارەيا كەزىندە جاقسى كومەكتەسەدى. ۋلانىپ قالعان كەزدە دە سەپتىگىن تيگىزەدى. استان ۋلانعان كەزدە ەرەسەكتەرگە ءبىر شاي قاسىق كۋركۋمانى ءبىر ستاقان سۋمەن ىشكەن دۇرىس. ال بالالارعا جاسىنا سايكەس شاي قاسىقتىڭ تورتتەن ءبىر، ەكىدەن ءبىر بولىگىن ىشكىزگەن دۇرىس. ديارەيانى توقتاتۋ ءۇشىن كۋركۋمانى ءبىر كۇن ىشسە بولادى.

ءۇندى ءداستۇرلى مەديتسيناسىندا دارىگەرلەر ەمدەلۋ كەزىندە ءدارى رەتىندە، دۇرىس تاماقتانۋدا، رەتسەپت ۇسىناردا مىندەتتى تۇردە دامدەۋىشتەردى قوسادى ەكەن.

– كۋركۋما قاندى، باۋىردى تازالايدى.

– جەمجەمىل (يمبير) اسقورىتۋدى جاقسارتادى. ەگەر شامادان تىس تاماق جەپ، اسقازانىڭىز كوتەرمەي قالسا، ءبىر ءتىلىم بالعىن يمبير جەڭىز. اسقازانداعى قىجىلدى باسىپ، اسقورتىۋ جۇيەىسن رەتتەيدى.

– ليمون جانە ءجانجابىل قوسىلعان شاي

– تۇماۋعا قارسى ەم.

– زيرا بالا ەمىزەتىن انالارعا لاكتاتسيا ءۇشىن كەرەك.

– كۇنزە (كورياندر) دە اسقازانداعى قىجىلدى باسادى. 2 شاي قاسىق كۇنزەنى ءبىر ستاقان سۋمەن قايناتىپ، تەرموستا تۇندىرىڭىز دا، مايلى استان كەيىن ءبولىپ-ءبولىپ ءىشىپ الىڭىز.

3. ازىق- تۇلىكتىڭ قاسيەتتەرىن الماستىرادى

ورام جاپىراقتان ءىش كەۋىپ كەتەدى. بۇدان قالاي قۇتىلۋعا بولادى؟ بىرىنشىدەن، ورام جاپىراقتى شيكىلەي جەمەۋ كەرەك. ەكىنشىدەن، بۋعا بۇقتىرعان كەزدە كۇنزە قوسىپ جىبەرىڭىز. ۇرمەبۇرشاق پىسىرگەن كەزدە دە، كۇنزە مەن سارىمساق قوسىڭىز. بۇلاي ەتكەن جاعدايدا ءىش كەبۋدىڭ الدىن الا الاسىز.

جالپى 0 پارشا لەبىز
توراپتاستار لەبىزى

ۋاقىتشا لەبىز جازىلمادى!

اتى-ءجونى: كوكەك نومەرى:

تەكسەرۋ نومەرى: